Kum 20 Chung A Tlau Mi Unau Faphia Johnny Le Luther Htoo Nih Dirhmi Pathian Ralkap Cu Kawlram Ah An Lut Than Cang!

KUM 20 CHUNG A TLAU MI UNAU FAPHIR JOHNNY LE LUTHER HTOO NIH DIRHMI PATHIAN RALKAP (GOD’S ARMY) CU KAWLRAM AH AN LUT ȚHANG CANG
==========
God’s Army Tuanbia Tawi; 1997 SPDC (နအဖ) chan ah Kawl ralhrang nih Karen khua cu a rak țhio tuk hna. Tanintayee Tawai khuate ah aum mi Johnny le Luther Htoo le an khuami dihlak cu Thailand ramri Chunburi ah ral an zaam ve.
Faphir Unau Johnny le Luther cu kum 8 hrawng lawng an si rih.

Refugee camp um Karen Khrihfa nih Johnny le Luther hi Karen miphun luatnak caah Pathian nih thimmi an si tiah an zumh hna. Cun zenthawng le kuan nih a khen kho hna lo i Pathian nih a huhphen hna tiah an zumh. Johnny le Luther nih Ralkap Bu serding in langhnak (vision) an hmuh caah an Pastor Thar Gee hruainak in Pathian Ralkap (GOD’S ARMY) cu mino ralkap 7 in an dirh. Jesuh Commando tiah an mah le an mah cu an i ti.

1999 ah Johnny le Luther nih KNU hruaitu upa Saw Pado Kwe Htoo an va ton i, SPDC(နအဖ) kahnak caah meithal an hal. Pado Kwe Htoo nih capo men ah a ruah. Methal zun 7 a rak pek ve hna i, God’s Army cu KNU zohkhenhnak tangah um ding in an chiah. Johnny le Luther hruaimi ralkap 7 nih kawl ralkap cu ceilak te an thah khawh hna i, Kawl Ralkap sin in meithal zuun 10 tiang an chuh khawh hna.

Raltuk poh ah an sung bal lo i, Kawl ralkap zong an aw-lawk a chong ve. God’s Army cu a min a thang chin lengmang. Mino tete Ralkap 200 tiang an hung karh ve. Kawl ralkap he i dohnak ah an thi lo i an i hliam bal lo. Kawl ral tamtuk an thah khawh hna i, KNU hmanh an khuaruah a har ko. Kawl ralhrang hrimhrim nih an țihtuk hna. God’s Army ralkap ah Zudin, kuakzuk le voksa ei an khap. Thailand cozah zong nih an hrainam hlawt dingin a nawl lengmang hna. Mah lio ah hin Johnny le Luther Htoo cu kum 10 lawng an si rih.

God’s Army thawngpaang cu ramchung ramleng a hninh dih. Ramleng lei in bawmhnak an pek hna. South Korea um Khrihfa Mission pakhat nih tam cem a bawmh hna. Korea Khrihfa mission nih an mah kuttang ah um i, an mah control dingin an i zuam ko nain Johnny le Luther nih an duh lo.

Karen Phu (KSO) nih an hlen hna i, bawmhnak an hmuh mi cu an ei piak hna. KSO nih bawmhnak tam deuh cu a ei i, God’s Army cu a pelpawi te lawng khi an pek hna. Cun zuu le kuak in an lem hna i, mino hngakchia kan ti cu…Johnnu le Luther zong Kuak nih a suai ve hna.

Bangkok Kawlram Embaasy le Chanburi Siizung cu God’s Army nih KIDNAP an tuah i nazi 22 chung an rak control. An halmi hna cu Karen ram ah Kawl Ralhrang nih vanlawng in bomg thla hlah seh, cun Karen miphun hlimhma a pu mi kha Thailand sizung ah tha tein nan thlop hna lai tiah an hal hna.

An hal mi cu a tlam a tling hnu ah….Johnny le Luther cu Thai cozah sinah an hriamnam an ap. Luther cu Sweden ah refugee in a pem i, Johhny tu cu Thailand refugee camp ah khua a sa thai. Cutincun God’s Army tuanbia cu kum 20 chung a dai i a tlau.

GOD’S ARMY LE (ABIA) HMUN KHAT AH AN I FONH; Min Aung Hlaing Aanaa a ting hnu ah Sweden um Luther Htoo le Thailand um Johnny Htoo cu an i ton i, God’s Army cu an dirh țhan. Karen Ralkap 400 leng an um cang. God’s Army le Kalay Kabaw Kawl pawl dirhmi (All Burma Independance Army) he thisen dingin October 13, 2021 ah ifontomnak an tuah. Luther Htoo nihcun “Karen-Kawl Lungrualnak” caah kan I fonh ati. Atu hi Karenni ram ah hmun an khuar lio asi. Credit: Israel R. Thang