Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11!

Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11
==========
1. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah.

2. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si. A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah NUG nih a thawkka long a si tinak a si.

Kawl zumh ning; 1. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih.

2. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih January 4, 1948, zingka suimilam 4 le minute 20 ah nan kan pek ah a tha lai an rak ti hna.

3. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti.

4. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna. Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti.

5. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser. Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si.

Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial.

UN Credentials Committee; 1. Kawl Ralkap acozah zong zong an pom lo. 2. NUG acozah zong an pom lo. Asinain mipi lei ah a tangmi NUG nih Dr. Sa Sa hnu ah tuanvo an khinhmi mipi lei ah a tangmi Kyaw Moe Tun tu cu a luan ciami ah an cohlan cangmi a si bantuk in a ra laimi September thla tiang atu a dirhmun tein a tuan rih lai ti cu theih dih cia mi a si.

3. UN General Assembly kumkhat voikhat meeting ah rampi aiawh in HEAD OF STATE nih bia an chim ton. NLD chan ah Suu Kyi siseh, Van Thio siseh, adang pakhat nih Myanmar rampi head of state aiawh in an chim ton. 4. Atu a ra laimi General Assembly ah Head of State aiawh in kawl ralkap nih siseh, NUG nih siseh, an chim lai lo.

5. NLD acozah nih tuanvo an rak pekmi Kyaw Moe Tun nih peh zulh tein UN Ambassador a tuan rih lai pin ah kawl ralkap UN credentials committee nih a kong hrim ceih rih lo an ti caah MIPI lei nih Vawlei pi Lentecelhnak ah teinak ngan pi kan hmuh cang tinak a si. UN chungtel ram 193 zong nih CM nih an chuahpi mi report hi an cohlan lai tiah ahopoh nih zumh dih a si. Credit: Thawng Za Pum