Karen Ramkulh Thla 6 Chung Kahdohnak Ah SAC Ralhrang Bawi Hna Telh In 2632 An Thi!
=========
Atu kum 2023 thla 6 chung Karenni ramkulh kahdohnak ah SAC ralhrang bawi Commander 5, Deputy Commander 5, Captain 9 le Lieutenant 4 hna telh in 2632 an thi, tiah Karen National Union(KNU) nih July 9 ah cathanh an chuah.
2023 January 1 in July 30 tiang kum chau chung lawng ah nawlngeihnak a latu SAC ralhrang le Karen National Liberation Army(KNLA), Karen National Defence Organisation(KNDO) hna kuttang um hriamtlai phufonh karlak ah kahdohnak voi 2495 a chuak, tiah KNU nih a langhter.
Cu kahdohnak ah SAC ralhrang bawi hna telh in 2623 an thi i, 1685 nih hliamhma an tuar pinah SAC ralhrang motor 99 an hrawnk khawh chih, tiah cathanh an chuahmi in theih a si. Kahdohnak chung ah KNLA, KNDO ṭangṭi phufonh in ralkap 76 nih ram le miphun caah an nunnak an pek i, 257 nih hliamhma an tuar, tiah Karen National Union(KNU) nih cathanh an chuahmi ah an langter chih.
Ye-U Peng Yaemyet Khua Sianginn Le Phungki Sianginn Hna Cu SAC Ralhrang Nih Raltuknak Vanlawng 2 In Bomb A Thlak. Sagaing ramṭhen, Ye-U peng, Yaemyet khua um sianginn le phungki sianginn hna cu SAC ralhrang nih a ruang um loin raltuknak vanlawng 2 in bomb a thlak, tiah tualchungmi hna nih an chim.
Nihin July 10, zinglei suimilam 10:2 tluk ah Tada-U vanlawng bual in SAC ralhrang nih raltuknak vanlawng 2 in Yaemyet khua cu bomb 3 in a thlak, tiah tualchungmi hna nih Khit Thit ah an chim.
“SAC ralhrang nih atu bantuk in bomb a thlakmi pawl cu meng 7 a hlatnak hmun in a thawng kan theih khawh. Sianginn kai caan a si caah kan thin a phang ngai ngai.
Thingkung hna zong an kiak i, sianginn le phungki sianginn zong an rawk pah tiah kan theih nain mipi hliamhma tuarmi le nunnnak liammi kongah thawngfiang kan thei kho rih lo” tiah mipi pakhat nih a chim. 2021, December 20 lio zongah SAC ralhrang nih Yaemyet khua hi kahdohnak umlo in bomb a rak thlak bel caah mipi 6 an nunnak a rak liam bel cang, tiah kan theih. Credit: Lungmili Post