KNU DKBA – Yangon Naypyidaw Mandalay tuk ding ah ready kan si vice president thawngthanh kan hngak

By-Tluang Ceu Thang: KNU DKBA – Yangon Naypyidaw Mandalay tuk ding ah ready kan si vice president thawngthanh kan hngak. A tu lio Pyitaungsuh ralkap ah ruahmi cu KNU DKBA KIA RCSS Zomi an si. A dang hriamtlai pawl zong CRPH le Dr Sa Sa nih chawnh le biak an timh hna.

KNU DKBA chimnak cun “kanmah KNU DKBA KIA RCSS Zomi cu ready kan si cang. Kan hawile dang zong hi CRPH le Dr SaSa nih pehtlai zawk hna sehlaw kan vice president nih Pyitaungsuh ralkap an si cang timi thawng thanh colh seh cun kahnak nawl kan pe colh seh.”

“Kan nih cu atu kan vice president Man Win Khaing Than thawngthanh lawng kan hngah cang. Amah nih tampi ralkap an si cang ralkap kahnak nawl kan pek hna timi thawng a thanh si cun Yangon Mandalay Naypyidaw tuk dingah timhcia kan si. Kan I ready cang”, tiah an fb page ah an langter. Credit;KNU DKBA,

Relchap, NIHIN KAWLRAM THAWNGPANG March 15, 2021. 1. Sandahpiahmi Minung (29) Nunnak A Lia, Nihin zong kawlram hmunkip ah sandahpiahnak an tuah than. Sandahpiahmi hna cu palik le ralkap nih an thenthek hna i methal in an kah hna. Nihin ah kawlram hmunkip in sandahpiahmi palik le ralkap kahnak in minung (29) nunnak a liam.

2. India ah Minung 400 Renglo An Zam Cang;Kawlram buainak ruangah minung 400 renglo India ah an zam cang tiah India palik lei nih thawng an thanh. Hi chungah a tam deuh cu palik le an chungkhar tiah an ti.

3. Rangon Hmun (6) Ah Martial Law An Thanh; Nizan ah Rangon hmun 2 ah ralkap uknak Martial law an thanh i, nihin ah Rangon hmun 4 ah an thanh than. Rangon hmun (6) ah Martial law an thanh.

4. Ralkap Nih Internet An Phih Piak Than Hna; Nizan ah ralkap le palik kahnak in minung 70 hrawng an thi. Tuluk sehzung mei in an khangh. Rangon ah hmun 2 ah Martial law an thanh i, nihin ah Internet an phih piak than hna.

5. Cozah Riantuan Pawl Umnak An Thialter Hna; Nihin ah Nayphidaw le hmun dangdang ah cozah riantuan pawl CDM a tuahmi hna cu an umnak inn in hramhram in an thial ter hna.

6. Ralkap Nih An Hlanmi Israel Pa Kawlram A Ra Lai; Ralkap hnih vawlei cungah an thatnak kong chimpiak dingin dollar 2 million in an hlanmi Israel chuah Canada ummi Ari Ben-Menashe le Ms.Dimtra cu thaizing ah ralkap sinah Kawlram ah an ra lai tiah thawng an theih.

7. Kawlram Ah Mangtam A Tlung Kho; Ralkap nih uknak a lak ruangah vawlei cung dihlak in phihkharnak an tuah. Cun ram chung riantuannak vialte a dir khan a si cang. Cucaah kawlram ah mangtam a tlung kho tiah (WFP) nih an chim.
Lalnak : RFA: VOA, Khit Tit Media, Abraham Sang Nawl

Thawngpang a relmi nan dihlak cungah ka lawm. Holh theih lomi le riantuanmi caah siaherhnak tein ka van in hrawmhmi hna a si. Pathian nih a kan bawmh lai i mipi nih teinak kan hmuh zau ko lai. ‘’Teinak cu BAWIPA ta a si’’ (Jonah 2:9). Amen.