KNU Cathanh Chuahmi Cu A Mak Lawlaw Bak A Si Cang. CNF/A Zong Nih Mah Bantuk Hi Chuah Ve Hna Seh!

KNU Cathanh Chuahmi Cu A Mak Lawlaw Bak A Si Cang. CNF/A Zong Nih Mah Bantuk Hi Chuah Ve Hna Seh!
============
Mahten dirkhawhnak nawl,tlukrual nak le federal democracy ngahkhawh nak ding tiang kan i zuam lai tiah KNU nih cathanh an chuah. Mipi hna nih ngahding mi Opportunity,Equality, mahten dirkhawhnak nawl le federal democracy ngahkhawh nak ding tiang kan i zuam Lai tiah KNU nih cathanh a chuah.Nihin September 21 International Day of Peace cakuat ah KNU nih a chim.

KNU nih tinhmi a tlamtlinnak ding caah minung hawi hna i nunnak,ngeihmi chawva thilri, an pum pawcawmnak ding caah le humhimnak ding caah zuamnak he riantuan mi mizei phu he poah hmunkhat ah rian kan tuan ti lai tiah cathanh an chuah.

Cun ralhrang phu hna he a pehtlai mi ruahnak le riantuannak in i runvennak ding le a tlau khawh nak ding caah thazaang chuah in kan tuan lai tiah KNU nih forhfialnak a chim. Kawlram tuanbia chungah humhim lo nak, thinphan thlalau nak, hramhram mithah lainawn nak cu rak ton zungzal a si, deihnak hmuhkhawh nak ding caah dawnkhan tu ruahnak zong rak ton a si.

Atu bantuk ruahnak le tuahsernak cu hramchah in ngol a si lo ahcun, deihnak he i hlat rih a si ko lai tiah KNU nih kuatmi ca ah an telh. Minung hna nih nunnak, ngeihmi chawva thilri, sianginn hna le pum pawcawmnak humhhngak in i runvennak ding caah an mah le phu hruaitu hna le mino hna phu fonhnak zong a herhtuk mi a si tiah KNU nih a chim.

Cu ruangah minung hna i humhim lo nak le deihnak um lo nak a chuahtertu ruahnak le nunphung hna cu kilvenl dingah thazaang chuah a herh tiah KNU nih forhfialnak a chim.

Tathung in Belin ah a kalmi ralhrang phu motor KNU le PDF fonh nih bombpuah in an doh hna. Mon ramkulh Tathung in Belin lei ah a kalmi ralhrang phu hna motor cu nihin September 21 zinglei ah KNU le PDF phu fonh nih bomb puah hnawh in an doh hna caah ralhrang motor pakhat cu a rawk, a thi mi zong um dawh an si tiah theih a si.

Nihin zinglei suimilam 11:00 ah Tathung pengin Belin peng lei ah a kalmi ralhrang phu hna le ralhrang riahcaw a phormi ralhrang phu hna motor cu Yangon-Mawlamyine motor lampi, Dohyat khuapawng ah bomb puahhnawh in doh an tong, ralhrang motor cu a leh caah a rawk, ralhrang phu lei in hliamtuar le a thimi an um kho tiah PDF thawngzamhnak nih a langhter.

“A thimi le hliamtuar zat cu fiangin theih a si rih lo, motor pakhat cu a let, anmah ralhrang phu lila nih fimtawlnak an tuah” tiah khuami pakhat nih a chim.

Rev. Thian Lian Sang Pastor Cung Biak Hum kongah Baptist World Alliance Nih Halnak Cathanh An Chuah. Ralhrang nih an tlaihmi Mandlalay i Falam Baptist Church pastor Rev. Thian Lian Sang cu a rannak in thlah ding, Thantlang ah an kahmi Pastor Cung Biak Hum kongah tuangvo lak ding le a kaangmi inn hna cu a thar sakpiak than dingin Baptist World Allience Sept 20 ah halnak cathanh a chuah.

Baptist World Alliance (BWA) vawleicung ram 126 leng in Baptist Khrihfabu nuai 49 an i telnak bu nganpi a si. Rev. Thian Lian Sang kongah a chungkhat pakhat nih “Atu tiang ralhrang lei nih zeihmanh an kan chim lo. Khoika dah an chiah i zeibantuk sualpuhnak dah an pek ti kan thei lo.

Pastor pa caah kan lingerie a thei ko. Covid in a damnak a sau rih lo. A cuap a tha lomi a si tikah caan hmaan tein sii a dingmi a si. A din tawnmi sii le hnipuan zong kan pekchan kho lo, a luat zau khawhnak hnga thlacam lawng kan ti khawhmi a si” tiah a chim.

Rev. Thian Lian Sang cu Sept 16 ah, Mandalay i a umnak inn ah misawhsawh thuam aa hrukmi ralhrang 20 nih an kalhnawh i an tlaihmi a si. Amah an tlaih lioah phone 5 le tangka sing 40 zong an lakchih. Pastor Cung Biak Hum cu Thantlang Centenary Baptist Church ah pastor pakhat a si. Sept 18 i Thantlang innkangmi hmih dingin a kal lioah ralhrang nih an kah i a nunnak a liammi a si. Credit: The Chin Post