KIA Le KNU Hriamtlai Phu Hna nih Ralhrang Cu Cei Cikcek In An Phomh Than Hna!

KNU le ralhrang i kahnak ah ralhrang anmah le anmah an i kap ralhrang 25 an thi
=========
KNU le ralhrang cu september 22 ah an i kap,minung i palh in ralhrang anmah le anmah an i kap i ralhrang minung 25 an thi tiah theih a si.

KNU Tathu pengkomh Brigade 1 hmunhma ralkap le nawlngeihnak latu ralhrang rallokap lr Teih-Za-Lat zalam pi cungah i tong in an i kap i ralhrang lei in 25 an thi 5 fakngai in hliam an tuar KNU lei in hliammi ah um lo tiah theih a si. Hi i kahnak ah ralhrang thazaang chap in bawmtu ding ah a rami ralhrang i palh in anmah le anmah i kap tiah KNU nih an thanh.

Phakanh peng ah KIA le ralhrang phu kar fakngai in kahdohnak a chuak. Phakhanh peng ah Kachin ralkap KIA nih nawlngeihnak la tu ralhrang phu hna cu nihin September 25 zinglei ah an doh hna caah kaphnih kar fakngai in kahdohnak a chuak tiah theih a si.

Nihin zinglei suimilam 6:00 luan ah Myitgyina-Tanaing, Myitgyina-Phakanh lampi lamkam Phakanh peng ramri khua si mi Lawa khua lei ah minung thazaang tampi he Tanaing le Phakanh lei ral lam an sial lio ah KIA nih an kah hna hi a si.

โ€œKhua luhnak ah an i kap, ralhrang phu hna nih raldoh lam an sial lio hngak in KIA nih an doh hna hi a si, tlai tiang ah kahdohnak thawng theih peng a si rih, khuami hna zong a hohmanh lo an kal ngam ti loโ€ tiah khuami pakhat nih a chim.

Kahdohnak a chuahnak hmun hi KIA brigade 2 kuttang, battalion 11 hmunhma Duambuam(แ€’แ€ผแ€™แ€นแ€˜แ€ผแ€™แ€นแ€) khua lonh ah a si. A luancia September 23 ni zong ah Duambuam thlanglei tower pawngah kahhnih kar kahdohnak a chuak.

Demawhsu ah ralhrangphu le mipi vengtu phu kar ah fakngai in kahdohnak a chuak. Kaya ramkulh Demawhsu peng chung Kungta khua le Tesulay khua kar ah ralhrang phu hna nih mipi umnak inn hna cu vennak ah i chiah in thazaang tampi he nihin September 25 zinglei ah an doh hna. Demawhsu PDF,KNDF,KA phu fonh nih an doh ve hna caah kaphnih kar fakngai in kahdohnak a chuak tiah mipi vengtu phu Demawhsu peng nih cathanh an chuah.

โ€œThazaang 200 hrawng nih Demawhsu peng Dawngankha khua dotu ralhrang phu hna le PDF,KNDF, KA phufonh hna nih Demawhsu peng Kungtar khua le Tesulay khua pawng ah zinglei suimilam 9:00 in chunhnu tiang fakngai in kahdohnak a chuak. Ralhrang phu hna nih mipi umnak inn cheukhat cu hrawk in hmunhma an laโ€ tiah Demawhsu mipi vengtu phu cathanh mi ah an langhter.

Ke in a kalmi ralhrang cu Tawngdwin PDF nih an kah hna 5 an thi. Kalaywa Hmungzua Asian zalam pi cung Kongin khua pawng ah ke in a kalmi ralhrang hna cu Minkin peng Tawngdwin PDF nih lampi ah an kah hna tiah Minkin PDF sinin theih a si.

โ€œHriamngan in an kah hna caah khuami an zaam,a zaam mi hna hi thongkhat le zanga hrawng an si lai,zing suimilam 9 hrawngah a si tiahโ€ Tawngdwin PDF he naihniam mi pakhat nih a chim tiah Than Lwin Khet nih a tial.

Ralhrang thazaang 70 hrawng ke in an kal,Tawngdwin PDF nih an kah i ralhrang a tlawmbik 5 an thi tiah theih a si. I kahnak hi a daihrih lo caah Yinma,Tawngsayi,Kuyin,Minbu khua mi hna cu a himnak hmun ah an i dor hna.

YSO-PDF nih rallokap,palek le veng uktu cu a hnubik ralrinnak an pek hna. Magway ramthen chungah rallokap,palek le veng uktu an rianchuah tak dingin YSO-PDF nih September 24 ah ralrin peknak an thanh. Atu kan thanhmi hi a hnu bik ralrin peknak a si tiah YSO-PDF in tuanvo ngeitu pakhat nih a chim.

Hi hmunhma chungah ralhrang rian a bawmtu rallokap,palek chungtel hna le zungkip in cozah riantuan hna nan rianchuah tak dingin a hnubik ralrin peknak a si tiah an langhter. Yesagyu mipi vengtu ralkap YSO-PDF zong nih Yesagyu peng chungah veng uktuk dihlak September 30 a hnu bik nan rian nan chuahtak lai tiah YSO-PDF in tuanvo ngei pakhat nih a chim tiah RFA nih a tial.

FILE PHOTO: Myanmar’s junta chief Senior General Min Aung Hlaing, who ousted the elected government in a coup on February 1, presides an army parade on Armed Forces Day in Naypyitaw, Myanmar, March 27, 2021. REUTERS/Stringer/File Photo

Yesagyu peng in Hnawnba,Maooauhsaih,parihta,Kai,Mukuai le Kanoo le a dang veng uktu hna cu September thla lai ah an rian an chuahtak cang tiah theih a si. Yesagyu peng ah veng le khuakomh 89 an um i,rianchuah tak mi le a zaam mi veng uktuk 10 nak tlawm lo an si tiah khuami sinin theih a si. Credit: The Chin Post