Khuaruahhar Ngakchia Nu Ruth Ngun Chin Sang (Kum 9) Tuah Sernak Cu A Mak Ko

Khuaruahhar Ngakchia Nu:
=====================
Ka Thlarau ka toih hna lai i Nan fapa hna le nan fanu hna nih bia an chim lai(Lamkltu 2:17). Fa nu dawt Ruth Ngun Chin Sang(Kum 9), 2020 kum thawk in nu le pa, rualchan le hawikom hna nih laksawng an tthenhmi tete Phaisa cu Suh-buu ah aa khon lengmang.

2020 December 31 zaan ah an chungkhar ning tein a Suh-buu te cu an phoh(on) tti hna. Kyats = 1,318,467.20
a rak phan ai. Cu phaisa cu ruahnak leng in a tam ngaingai caah khuaruahhar in an nu pa fa rual an zoh. A nu le pa nih ka fa zeitindah na phaisa te cu na hman lai. “Angki maw, phanat maw, bawngbi maw, computer dah naa cawk lai..a silole mizaw dah na bawmh nak lai,” an ti i.

“Keimah bantuk ngakchia mizaw sifak bawmh ka duh ko” tiah Ruth nih a leh hna. A rang tein a nu le pa nih thawng an vun ka thanh hnu caan tlawm pal ah. Thian Nun Lian(kum 1), Khuapual, Falam peng cu a rilpi chung ah ti a um i Hakha Siizung nih Mandalay ah tlik pi zokzok uh an ti hna. Nain, Phaisa an ngeih lo caah khua tu ah kan kir lai tiah kirnak khua an khaan cuahmah kha Hakha um Falam hawikom nih an hun ka thanh. Siizung ah ka vung phan colh ve. Bawhte le a nu te lawng an rak i hnem len ko.

Bawipa bia in thazaang ka pek hna hnu ah USA ummi Khrih ah na U nu.. Ruth nih Kyats..650,000/- a hun in kuat colh tiah holh thiam lo bawhte cu ka chimh colh.A tu na kal cang lai i dam tein na rak kir tthan lai..Jesuh Min in tiah ka cah taak. Zaan 8:00 Pm in Mandalay ah kan tlik pi hna. A tu hi Mandalay Siibawi te nih an rak zohkhenh lio hna. Ngawn an si i Falam holh, Hakha holh le kawl holh an thiam lo, lung sivang in MDL ah an um ko. Mandalay khuasa Ngawn holh a thiammi nih rak bawm zokzok hna uh..Vun ka pehtlai zokzok uh tiah kan nawl hna. Pathian sin ah mizaw fapa caa le zaangfah thiam, fanu muidawh Ruth Ngun Chin Sang caah thla rak cam piak cio hna uh. Bawi Khrih ah nan rian tuan hawi, Cung Hu, 09400305298