Khuabawi Pa Chungkhar Le A Chungkhat Minung 6 An Thah Hna Pinah Khuabawi Pa Inn An Khangh Piak

Khuabawi Pa Chungkhar Le A Chungkhat Minung 6 An Thah Hna Pinah Khuabawi Pa Inn An Khangh Piak
======
Sagaing ramthen, Tase peng, Kyuntawkung khua ah an khuabawipa (Ohchohzeehmu) inn an khangh piak pinah khuabawipa chungkhar telh in amah he naihniammi a chungkhat hna, an dihlak minung 6 thah an si tiah khuami pakhat nih People Media ah a chim. A tanglei hi inn an khanghmi hmanthlak pawl cu a si.

Bomb hmanh ding in Kalay PDF an kal lio ah bomh a puak i 2 an nunnak a liam. Kalay le Gangaw karlak ah SAC ralhrang hna puah nakding bomb hmanh ah a kal mi Kalay PDF minung pahnih cu an kal lio ah, hmanh an timh mi bomb a puak i an pahnih in an nunnak a liam tiah thawng kan theih.

Atu an nunnak a liam mi hi 2021 November 26 lio ahkhan a cang mi a si. Atu a thi mi hna hi kum 26 le 28 an si i pakhat deuh hi cu nulepa nih amah kut an toh mi a si. Atu bantuk mah le mah bomb in hliam tuar le nunnak liam hi CDF, PDF chung zong ah an tam cang tiah theih a si.

Thantlang cu a voi 9nak tiang ralhrang nih inn an khangh cang i kan mitthli a tla! Thantlang cu a voi 9nak tiang ralhrang nih inn an khangh cang i kan mitthli a tla, kan hacang rial buin khua kan sa cio. Ka ttang Pu Chan Haih (Pu Van Lian Pa) le ka chuahpi ka U (Johan) inn le dawr a kaang ve.

A dawr hi motor cycle thilri le rawl chumhnak tibantuk chim tlak lo te khi a si ko. Sihmanhsehlaw, midang uhkangh nakin a faak deuh. Ka ttang hi kum 80 leng a si i ka u hi a ke pahnih in a zengmi a si.

Zeitinhme teinak hei hmuh tik zongah innlo kan rianh khawh lai tiah ka ruahnak nih phan ti lo. Tangka kan ngeih lo cu dangkhat tar le ke zengmi nih aho tawlrel piaktu um loin ti khua ka ruah hin ka thinlung a kekkuai tuk.

Sihmanhsehlaw, a nungmi Pathian bia “Pathian nih hin, amah a dawmi hna caah le amah nih aa tinhmi ningin a kawhmi hna caah cun, zeizong vialte hi a tha lei ah a serpiak ko hna ti kha kan hngalh (Rom 8:28)” tuin i hnemh hau ko hi teh.

Thantlang Roman Catholic Biakinn a kaang, Thantlang khua, View Point thlang Seihpyozi sang ah a ummi St. Nicolas Catholic biakinn zawng mei nih a kangh cang. Tu ni in cun a voi 9 nak Thantlang khua Ralhrang nih mei in an khangh asi cang i mah chung ah Biakinn Pali a kaang cang.

Thantlang Khuapi na tuar fak tuk maw? Maw Thantlang Khuapi Tuzan cun mu inn a dir mi hmuh awk um ti dawh si lo ee. Ralhrang kut in maw cutcam ah na can dih cang ko lai. Kan in siang hrim lo ee maw Thantlang Khuapi aw na tem tuar ning fak tuk hringhran ee. Kan Biak mi Pathian tu nih na phu in hlam ko seh mu. Lungfak tuk ee. Zoh ngam zong na si lo ee.

Thantlang Inn pawl an Kaang Cuahmah Than. Thantlang inn pawl a voi 9nk an kaang cuahmah tthan. Atu ca kan ttial lio caan an kaang cuahmah. Inn a kanghnak zawn hi Lungtial sang le Market sang ah a si lai tiah an ruahdamh. Inn zeizah a kangh cang timi fiang in theih a si rih lo.

Ralhrang Kutin Thantlang Khuachung ah Biakinn (4) A Kaang Cang. Ralhrang kut in Thantlang khuachung um Biakinn 4 an kaang cang tiah theih asi. Tuzan November 27 zaan Thantlang khua kangh ah St. Nicholas Catholic Biakinn le mipi umnak inn dang tampi an kang len tiah theih asi fawn. Atutan hecun avoi 9nak inn an khangh asi.

Thantlang ah Biakinn 4 A Kaang Cang; November 27 zaan Thantlang khua kangh ah St.Nicholas Catholic Biakinn le inn dang tampi an kangh lio a si tiah thawng kan theih. Biakinn akaangmi hna; 1. Thantlang Centenary Baptist Church (TCBC); 2. Church on The Rock (COTR); 3. Presbyterian; 4. St. Nicholas Catholic.

CNA, CDF zong nih kan i fiang ding cu nawlngeihnak (Power) kan ngeih mi hi mipi pek mi a si kan theih hau.
Cu nawlngeihnak cu mipi cungah ah duhpaoh in hman lo kha a biapi taktak.

Uknak ttha lo kan doh kan ti ttung i uknak ttha lo lungput kan ngeih si ko ahcun kan doh mi kan i fiang lo tinak a si ko hnga. Uknak ttha lo tangah a rawkral dih cang mi kan ziaza ttha lo remh zong ai tel chih. Kan mipi pawl zong nih nawlgeihnak hi mipi kut ah a um kan i fian ve a hau.

CNA, CDF zong kan ttih tuk hna ding a si lo. Thil dik lo an tuah si cun sualphawt ngam awk a si ko. Hi dohthlennak ah a hrampi cu mipi kan si zong kan philh lo hau.

Tulio kan boruak ah mipi nih CNA ,CDF an ttih tuk mi hna ka hmuh ah ka lungnuam hrim lo (Khuakip cu an si ve lo). Sual zong an phaw ngam hna lo. An hrocer an tlerhkhawn hna ruangah a si hrim lo. Ramkhel ah mipi le ralkap a kal dan kan i fian deuh lo ruang zongah a si men lai.

Note: Ka hmuhton mi chungah kan lung nuam lo ngai mi a si caah ka ttialnak a si. CNA,CDF le mipi kar remlonak cu si hram hlah seh. Credit: Salai Elishama TN

Meithal a ting rih lomi hna nih cun mipi facang áš­uan bawmh tbk, humanitarian rian tampi in an bawmh hna awk a si. Mah kha dohthlen rian ah aa telmi a si. A dik bak.A dik bak ko. Mah hi a kapkap in hngalh le Mipi ca rian tuan thiam cu c lai cu. Mipi dawtu an c lai.

Naupa na chimmi a dik. CNF/A cu dingrep an ngei tuk ko. CDF cheukhat belte hi anmah lawng miphun daw hlei bang mi hmurkaa phih an thawng tuk. A dik bak mi asi, upa lung fim deuh nih ram rian kan tuan mi hi mipi caah dawh asi cu tiah rak chim ve hna u. Tleng lakin nun na kan chimh. Kan theihmi cio hnihchun he von pehtonh tik ah na bia hlawnh awk a um bak loh.

Hakha khuachung ah meithal thawng le bomb thawng peh zulh in a thang. Tu zaan November 26 zaan sml 7:40pm hrawng in Hakha ah meithal thawng le bomb thawng peh zulh in a thang than. Khua mi pakhat nih ”Khuathar lei sang le kohkun sang lei in a thang an i kap mi a si ko lai vuidang nak in meithal thawng zong a puak deuh ”tiah a chim. Kan tial chuah mah lio ah hin meithal thawng a dai rih lo.

Hakha Ah Puahkeh Thawng A Thang Than. November 26.2021 zaan suimilam 7:48PM in Hakha ah hriamngan le hriamhme puahkeh thawng theih asi. Khuami pakhat nih ” tuchung cu puahkeh thawng theih atam ko, a zawnza taktak hi cu sawhkhih ahar nain, Chin Oo Sii cozah zunghmai le Khuathar, Kohkun hrawnghrang alo ko tiah” achim.

Nihin Zinglei Lihninh ruang ah Lungcawi Biakinn a Rawk. Nihin November 26 zinglei sml. 6:15 hrawng ah a cangmi lihninhnak ruang ah Hakha he meng 50 hrawng a hlatnak Lungcawi khua i Believer Church biakinn ah rawhralnak a um, tiah Khrihfabu pastor sin in thawngpang kan theih.

Lungcawi Believer Church ah pastor a ttuahmi Saya Van nih, “Li aa hninh ning a fak hringhran. Kan khua thing inn pawl cu an i thui dih ko. Sau deuh i hnin sehlaw zeidik kan lawh hnga,” tiah lihninh a fah ningcang The Chin Journal ah a chim.

Lihninhnak ruang ah Believer Church biakinn pulpit cunglei tlakrawh a cim i pulpit zawn ah a vung tla. “Pulpit cung i tlakrawh rualmi a cim i celling a pemh hnu ah pulpit zawn ah a tla. Thudan cheukhat le thilri cheukhat an rawk,” tiah a chim.

Hakha khuami hna zong nih lihninhnak fak ngaiin an theih ve. “Nihin zinglei lihninh cu a vawr bak in a kan vawr ko. Inn a rawkmi zong an um kho men. Aa hninh ning a fak tuk,” tiah Hakha khuasa pakhat nih a chim ve.

Lihninhnak kong he pehtlai in Myanmar khuati zung nih “Hakha he meng 10 a hlatnak Nitlak-Chaklei zawn ah 6.0 Magnitude lihninhnak zinglei sml. 6:15 ah a chuak,” tiah report a chuah ve. US Geological Survey zong nih Hakha pawng ah 6.1 Magnitude lihninhnak a chuak, tiah a langhter ve.

Yangon Bomb Puahnak ah Laimi Pakhat Hliampu, Pastor Pakhat Tlaih Tong ve. Nizaan November 25 ah Yangon ramtthen, North Dagon sang no. 38, Tapin Shwehti lam le Maha Bandula lamton ah a ummi inn pakhat ah bomb a puak i Laimi pakhat hliamhma a pu ve, tiah thawng kan theih.

Bomb puah ruang ah Falam peng mi Johnson Van Biak Lawm, Kyaw Thiha le Aung Khant Paing hliamhma an pu i, Kyaw Thiha cu sizung ah a nunnak a liam. Bomb a puahnak inntek chungkhar zong SAC ralhrang nih an tlaih dih hna.

Tlaihmi lak ah kum upa tar pakhat le COVID-19 sii chunh ding in a hngakmi pastor pakhat zong aa tel, tiah thawng kan theih. SAC ralhrang thawngzamhnak MWD nih cun bomb an sernak ah a puak, tiah a langhter. Credit: The Chin Journal