Khampat Khua Inn Khangtu Le Nu Tlaihhrem Tu Pyusawhti 2 An Tlaih Hna
=========
Sagaing ramthen Tamu le Khampat khua kahdohnak lio ah Kalay-UGF phu nih August 4 ni ah SAC ralhrang he a tangti mi Pyusawhti 2 an tlaih hna nak kong Zofa Journal nih a langh ter. Pyusawhti 2 an tlaih mi hna hi Khampat khua inn khangtu le hrawk tu ah aa tel mi an si pin ah Mipi ralkap zong a rak that tu an si. Mah pin ah nu a tlaihhrem nak kong cu Pyusawhti an tlaih mi pakhat nih a mah tein a chimnak Video he an tar langh.
Pyusawhti an tlaih mi hna hi SAC ralhrang lei nih thlakhat ah Kyats sing 2 thlahlawh an pek hna i mingia tu ah an hman hna nak kong an tlaih mi pa nih a mah tein aa chim. Pyusawhti pakhat tu cu an tlaihnak hmun ah Kalay-UGF nih an thah beh tiah theih a si.
Khampat Khua Nu 4 si loin nu 4 A Tlaihhremtu Pyusawhti 2 An Tlaih Hna, theih thawngpang theih asi. Sagaing ramthen, Tamu le Khampat karlak kahdohnak ah Kalay-UGF phu nih August 4 ah Phyusawhti 2 cu a nung in an tlaih hna tiah theih a si. An tlaih mi hna phyusawhti 2 hi Khampat mipi inn khangh lio ah aa tel ve mi an si. Mipi hriamtlai tampi an thah hna i Khampat khua inn 2 a kanghnak le ni 4 an tlaihhramnak hna kong zong a phuan.
SAC ralkap nih thlakhat ah sing 2 hlawh an pek hna i thawngpang hlattu ah an hman hna. An tlaih mim adang pakhat cu an tlaihnak hmun ah an kah beh tiah theih a si. Khampat khua Nu pa 4 a tlaihhrem hna ti si lo in. Nu pa 4 a tlaihhrem cang hna titu a si deuh la.
Kyauktaga Kahdohnak Ah SAC Ralkap 30 Leng An Thi, Hriam Tampi Zong An Lak Khawh. Bago ramṭhen, Kyauktaga peng, Tamin-inkone khua, August 9 ah a cang mi kahdohnak ah SAC ralkap 30 leng an thi i tuni zing (August 10) tiang an ruak pawl an rak la rih hna lo tiah Kyauktaga PDF nih cathanh an chuah. Kahdohnak hi zinglei sml 4:00am in aa thawk i chun tiang kahdohnak a fah hnu ah SAC ralkap lei an sung tuk i hriam tampi zong an lak khawh tiah theih a si.
Kahdohnak chung ah PDF chungtel 1 zong a nunnak a liam ve tiah theih a si. Cu bantuk in kahdoh a fahnak Tamin-inkone khua ah zaan sml 6:00pm in zinglei sml 6:00am tiang mipi hna leng chuah lo ding, Tamin-inkone in Thuhtaykone lam zulh lo ding tiah KNLA nih August 9 ah ralrinnak a thanh.
Phyo Ah SAC Nih Hmunhma An Khuarnak Pawl Drone le Sniper In An Kah Hna I 5 An Thi. Bago ramṭhen, Phyo peng ah a um mi SAC ralkap pawl nih hmunhma an khuarnak le Ohphyat hlei SAC ralkap gate cu drone in bom an thlak hnawh hna leng ah Sniper in an kah hna caah SAC ralkap 5 an thi tiah NUG Ministry of Defense nih a thanh.
August 8 zinglei sml 9:03 hrawng ah Phyo peng, Ohphyat palek sakhaan a hnu lei ramlak ah a um mi SAC ralkap pawl cu Yoma Column 2 Drone phu nih 60MM bom lung 2 an thlak hnawh hna i SAC ralkap 4 an thi, 3 fak ngai in an i hliam tiah theih a si.
Cu ni zinglei sml 10:10am hrawng ah Phyo peng, Ohphyat hlei ah a um mi SAC ralkap gate cu KNLA le Yoma Column 2 phufonh nih Sniper, 40MM le meithal in an kah hna caah SAC ralkap 1 a thi, 3 fak ngai in an i hliam tiah NUG MOD nih a thanh.
Tilawng Pil Ruangah A Tlaumi Minung 45 Chung In Ruak 15 Hmuh A Si Cang. Rakhine ramkulh, Sittwe peng, Basa khua pawng ah Malaysia kal dingin aa thawhmi tilawng cu a pil i Rohingya mi 45 an rak tlau. Cu chungah minung 15 ruak kan char, tiah Sittwe hrambunh Shweyaung Myatta Foundation sinin theih a si. Rohingya mi 55 phortu tilawng cu a luancia August 7 ah Sittwe peng Basa khua pawng rili ah a rak pil i August 9 ah a tlaumi hna cu an kawl ṭhan hna.
Shweyaung Myatta Foundation in Byia Lah nih cun, “August 8 ah ruak 2 le August 9 ah ruak 9 kan char. An dihlak ruak 15 kan char cang, pa 7 le nu 8 an si. Tilawng a pilnak hi ni 4 tluk a si cang,” tiah a chim.
Tilawng a pil lioah minung 8 an luat i Sittwe khuapi No. 1 palik sakhan ah nawlngeitu nih bia an hal hna. Malaysia ram kal aa timmi Rohingya hna nih agent pawl cu kyats sing 100 leng an pek hna i Malaysia ram ah rian va ṭuan dingin an i thawh lioah tilawng cu aa let, tiah theih a si. SAC nih nawlngeihnak an laak hnu in rianṭuan awk a um ti lo caah Rohingya hartong camp in mi tampi cu Malaysia ram le ram dangdang ah rianṭuan dingin tang lam in an kal, tiah theih a si. https://fb.watch/mkYPyh8jOu/