Khah rak share cio uh! Tuzaan Liatlanglei a cawlcangmi hna biathli

Tuzaan Liatlanglei a cawlcangmi hna biathli
======================
Laitlang Civil Disobedient Movement (CDM) a join tharmi he tonbiaruah nak’h an chimmi cu: CMD (rian/zung kal lo, tuan lo bak lo!!!) movement kan rak join nak a ruangcu ramdang um kan chung le nih zung rak kai halh uh! Rian i phuak uh!! CDM rak tuah uh!!! an kan ti ca’h kan join ve…. tiah an ti.. Cu ca’h US le ramdang um Laimi vialte nih fak deuh in chim rih a hau, tiah an ti.

Ramdang um Laimi vialte nih nan chungkhat, nan theihhngalh, nan inn pa, zung a kai i rian a ttuan rih komi an um ah cun tuanlo ding in rak chawn dih hna seh law.. kan dohmi ralkap uk nak cu kan tei ko hna an tiah an ti. (Bank le cozah zung rian tuan vial te. Aa-khun (IRS), mee-tat (fire department), Si-pin (Municipal), Lah-Wah-Kah (immigration), cintlak (seih-pyo-zi) (Agriculture), tbk.) Ramdang um pastor pawl zong nih Laile pastor tenih CDM movement fak deuh in an aupi ngam venak hna thla rak cam piak hna seh tiah an ti.

Civil Disobedience Movement cu zung kai lo, rian tuan lo a hau. Chuncheu kal zong a ngah lo. chikhat kal ta zong a ngah lo. Rian ttuan tu um lo, rian aa tuan khawh lo ah cun meithal tleih in uknak thudan ah hramhram in a thumi zong an um har lai i an thudan an kal tak ko lai. CDM cu kan hriamnam thabik asi ca’h thazaang pek le forhfial kan zuampiak ko uh tiah Laitlang lei a cawlcangmi nih biathli an kan chimh.