Khah rak rel cio uh zeithei lo in au khuang ti hlah CNF nih post ngah an ti ca ah ka post mi si

Khah rak rel cio uh zeithei lo in au khuang ti hlah CNF nih post ngah an ti ca ah ka post mi si
===================
Kan chin miphun vial te chim awk a tha lo mi bia ka khat te kan chim hna.ralkap kong hi a chung lei thil um tu ning hi mipi nih theih awk a tha lo mi tampi a um. Ralkap riantuannak kong hi 100 chung ah 30 long hi mipi nih theih ding mi asi. Nain Kan chin miphun nih nan riantuannak a lang lo tiin tamtuk vuivai bia nan chim a tamtuk cang. CNF/A kan thiltuah pakhat ka chim lai. Kan hnu Thla chung ah KIA nih laiza pawng kawl ralkap sakhan a nganpi an lak ah khan CNA minung 90 kan i tel ralhmai ah a lut hmaisa bak mi CNA kan si kha mipi nih rak theih ve cang Uk. Kan chin ram ah ral thawh a herh maw herh lo kong hi tampi tuahtan bu tein rian kan tuan zungzal.

Tlangcung hriamtlai nih CNA hnu an kan chit bal lo. An bochan mi CNA kan si Ve ti hi chimh ka duh..kan Chin miphun hna Zaangfah tein CNF/A sin ah vuivai bia tamtuk nan chim lo hi a biapituk caan asi.Lam hruaitu G P S or direction aa palh lo ding a biapituk.Kan miphun him nak ding ah Tlangcung hriantlai vial te nih sungh zatlaknak an rak tawnnak le an rak i palnak vial te hna khi a cawng mi CNF/A dakaw kan si.Mipi kan in dawttuk hna. Kan in bochan tuk hna. Ka tial mi hi lih pakhat hmanh aa tel lo. Credit: Van Khua

Relchap, CNF/A kong ah theih ding: 1. CNF/A cu hriamnam a tlai mi Buu/ralkap an si. 2. Social media cungah tamtuk in CNF/A peihtleihnak le bomhnak kong zong hi langhter deuh lo ah a tha bik rih. 3. Kan mah hmanh nih social media cung in an cawlcangh ning kan thei khawh hna ahcun kan mah nak in a zir deuh mi kan ral ca cun a fawi tuk ngamsam khi an si cang cuh! 4. CNF/A nan/na bomh thawng in nang mah duh ning poah in kal hna seh ti phun lungthin cu kan ngeih awk a si lo. 5. Kan ralkap cu kan mah nak in let tampi in ralrin a hau mi an si. An cawlcangh ning hi palh a ngah lo mi dirhmun ah an um hi theih piak hram hna uh sih.

6. CNF/A kan pa le zong nih ramthumnak a um mi pawl mipi he ton biaruahnak tuah mi zong hi socia media ah langhter tuk rih ding a si lo tiah ka ruah. 7. Kan ral hi zawng bantuk in an zir caah ngau bantuk in kan zir ve a hau. Rachok bantuk in an hran cang caah a paw a tam cang mi chiandaih bantuk in kan hran ve khawh nak ding lam tu kan kawl a hau cang. 8. AA le Rakhine miphun bantuk in biathli a thup kho mi miphun si hram hna uh sih.

Note: Chinram khuasa upa le mino paoh paoh khua kip ah kal i bia i ruah i lungrual tein zertian ngai in ralkap le palik hi kan thiao caan hna a si ve cang. Laihlum lungfim upa kan in herh taktak hna hih. Hriamnam nak in tih a nung deuh mi cu lungrualnak a si. Credit: Sang Hre