Ralrin dingmi, Tulio hi zanah dahmei le phone mei van in umkal i ralrin ding a si.A bik in Hakha ummi hna caah mu.
Zanah pawngkal le ar fim tbk nan duh zongah nan kelamhnak ding te lawng kha nan khuk zawn te khan ceuh uh. Vanlei hoih le nan pawngkam /kikam kha zukzek tiah ceuh chih lo ding a si lai.Crd:Salaii William HC
Thawngpang dang: Magway ramṭhen, Ngaphe peng ah ralhrang dohtu CDF-Asho nih SAC ah luh ding timi Upadi an chuah ruang ah a rak phan tharmi ralkap hna caah hriamnam an herh nakkong an chim.
“Hramhram in SAC ralhrang ah luh ding timi Upadi an chuahmi ruang ah a rak phan tharmi mizapi ralkap hna cu meithal an ngeih lo caah hi Project te hi kan tuahnak ruang a si” tiah CDF-Asho in ṭuanvo ngeitu nu pakhat nih a chim.
2024, March 25 in April 25 tiang CDF-Asho ralkap cheukhat cu meithal an ngeih lo pinah a lut tharmi ralkap hna zong an ngei lo i “Nway Oo Kaan Let” timi Project an kalpi caah ramchung, ramleng ah ummi mizapi nih a lam kip in telpi an herh nakkong cu atu bantuk in theihternak an tuah hi a si.
Magway ramṭhen chung ah ACDF le CDF-Asho tiin phu 2 an um i hramhram in SAC ralhrang ah luh ding timi Upadi ruang ah Chin mino hna cu mah phu 2 chung ah SAC ralhrang doh dingin an rak phanhnak hi a si, tiah theih a si. Lungmili Post