Khah Hakha dirhmun hun zoh ti hna sih…Hakha khuachung hi Christmas le Kumthar kar lawnglawng!

Saza Tum nih
=======
Saza Tum nih i kahnak kong ah Pastor hna hmang in Thantlang le Hakha biatak tein a tahchunh hna..A tahchunh ning ah, “Hakha cu khuachung ah i kap hlah uh…tiah Pastor te nih an leen hna. Pastor te hna leenak cohlang in an i kah lo ca ah Hakha in a zaam mi hna zong an kir than cang,” tiin a hei tahchunh hna.

Khah Hakha dirhmun hun zoh ti hna sih…Hakha khuachung hi Christmas le Kumthar kar lawnglawng kha a dai mi a si. Cu lo poh a tam deuh hi cu khuachung ah i kah peng a si ve ko rua hlah maw ti awktlak khi a si ve ko cu oh…Nizaan naite taktak zong kha khuachung ah i phomh a si ko..

Hakha hi Thantlang nakhmanh in khuachung ah i kah deuh a rak si… kahnak thok zong kha khuachung bakin thok a rak si. Khualeeng rak i kah hmasa hi Loklung a rak si ko rua (ka palh kho men). Mah dih hnu ah Chuncung, Timit, Thida le Khuabe lei kha a rak si… cu lo poh hi cu khuachung lawngte a si ko. Khah Hakha hi, “Ziah…kap baw pawl nih an nam bal ve ne lo?,”.

A zei cu hme an va nam bal len hna la…an pule umnak le khuasaknak hmun cu pei a si cu. Kan nam ko uh, kan khanghpiak ko uh ti va nawl ko zong ahkhin Thantlang tluk cun Hakha cu an ti ngam fawn lai lo ti rak thei uh…Hakha khuami hna nih tihphan ding cu a um tuk lo. Amah belte i ralring awk cu, “Khua kiken deuh a ummi hna ca ahcun ralrin a sual lo,”.

Hakha cu Thantlang bantuk in an tuah ngam lo ca ah CDF sakhan kip an umhar caan poh ah a langtlang in bomb an kah hna. Asinain kan ralbawi ngan kan ralthuam kan hriamtha Pathian nih a khamh hna ca ah an him khih. Atu tan ah Thantlang khi sual a phaw ngam ding kan si hraw lo khih… sual phawt hna cu i tim citcel sual hna lai cikaw. Salai Tluang Te

Hakha pastor hna nih ‘khuachung i kah ahcun inn a kang dih sual lai, kan hrial piak ko u’ tiah Hakha CDF an rak nawl hna i tutiang cu kan khualipi chung ah i kahnak a um hraw ti lo. A vun dai ngai cang, ralzam zong an kir pah cang.

Thantlang ah cun khuachung ah i kah an hrial lo leng ah Thantlang CDF le CNA nih khuachung bak ah hmunhma an lak. Inn lakah an i thup. An i kap caan bomb an hman tikah inn a kang colh lengmang. Lungfim upa zong nih khuachung i kah hrial ding nawlnak pakhat hmanh a um bal lo, kah ding rumro an forh hna. Ngaihchia ngai a si.

Ai domi ralkap phu pahnih nih khuapi pakhat ah hmunhma an lak veve i an i kap lengmang ahcun cu khuapi a ciam dih lai ti cu ngakchia bawhte hmanh nih fiang tuk in a theih lai. Ral biatak deuh in an i tuk nak khuapi a him ti a um bal lo, khawika ram hmanh ah.

Lam i palh sual caan ah ‘ka palh’ tiin palhmi lam kaltak in a tha deuhmi lam thar i thim than kha i nautat awk a si lo, miphun ca asi. Kan miphun ralkap nih khuapi lak taktak nan i tim hlan chung cu khuachung i kah kan hrial piak cang ko u.

#Kai thlak lengmang hi a zohchia i ka caah a thahnemnak a um lo, huatnak lawng kai huah timi ka theih ko. Nain, miphun caah a herh tuk tiah ka ruah i a chim ngammi midang an um lo caah ka duh lo buin kei kai thlak tawn hi a si. Credit: Salai Lungthli Tum