Keimah nain aho dah Surngen khua le ram hi a dawt kho deuh ding an um? Surngen ram hi kan ram ati ngam mi nan um maw?

Keimah nain aho dah Surngen khua le ram hi a dawt kho deuh ding an um? Surngen ram hi kan ram ati ngam mi nan um maw?
===========================================
Surngen ram le khua cu Zaakheng Fapa Upabik (Bay O = Chawche bawi ) Miphun hna nih Surngen ram le miphun cu dawtnak le remnak he a changchang in an rak umpi mi ram le khua asi. Lautu Miphun thawhkhenhnak Surngen ram hi Sunthla khua chak I a um mi Zotlang in AD 1200 hrawng ah an tlak mi khua asi, Chan hni/ thum hrawng an um hnu AD 1250 hrawng ah Zotlang cu ti nih a phum caah AD 1250 – 1300 hrawng ah Lautu Miphun thawhkhenhnak Surngen ram Tisen khua cu an tlak hi asi. Nihin Tisen khua a tlakpitu hna cu Chou Nge le Hlawn Ri, Nge Si an si I hlan pupa hna zong nih Leitak pa he ChouNge pa khua an I cuh ti a si zungzal.

Nain , Surngen ram le khua cu Zaakheng Fapa Upabik (Bay O = Chawche bawi ) Miphun hna nih Surngen ram le miphun cu dawtnak le remnak he a changchang in Ramuk bawi nih Ukmi ram le khua asi. Nain , 21 firstCentury ahcun a duh mi miphun paoh nih khuabawi tuan in khua le ram cu zohkhen asi cang. Nihin Democracy chan ahcun miphun paoh nih khuabawi tuan kho asi cang caah freedom bak asi cang ko. Buainak atam chinchin cang caah khua le ram mui aa dawt kho ti lo. Khua le ram ngeih achia le mitthil he a um cang. Cu lio ah aho dah aa nuam kho ? aho dah aa nuam kho lo I mithil he aum ve.?

Kan khua le kan ram kan dawt cio cio ko nain kei nih cun hi ti hin kan tuanbia le sining a kal mi kan asi caah Surngen khua le ram kan sining ka zoh tikah ka lungthin takin ka tap ko. cucu hi tin hi kan asi caah asi. Nutlai fa ah Ba O (Bay O = Chawche bawi), 1. Kia Tho fapa pahni, Nutak Kio Tho( Chawceh-bawi), 1. Mang Lian, 2. Hli Thang Note: Chawche ram ah a kal mi Bay O fapa Mang Lian cu Le Hli rocotu dingah Tisen ah a kir than. 1. Nutak Mang Lian (ChawChe Bawi – Surngen), 1. Ho Ting ( Upa bik Ram-Uk bawi), 2. Ro Pho, 3. Hri Ro, 4. Zaa Kheng 5. Phun thang, 6. Lai Tlai. 1. Nutak Ho Ting (ChawChe Ram Uk bawi- Surngen) Ho Ting nih fapa pakhat a hring, Lei Hli. 1. Lei Hli nih fapa pakhat a hring. Hwon Mong, 1. Hown Mong nih fapa hnin ahring, 1. Le Khar, 2. Siang Ruang.

1.Nutak Le Khar ( ChawChe Ram –Uk bawi) Nutak Le Khar nih fapa pathum a hring. 1. Ni Kheng, 2. Ci Khar (Lungcawipi a kal,), 3. Nam Hlei. Ni Kheng ( SurngenChawChe bawi). Ni Kheng a chan lio ahhin A tu Aibur khi Leitak bawi Thang Ngat miphun nih an rak hla mi ram asi. Phun Kham nih Ni Kheng sinah a rak hal mi ram asi. Thangngat Chung pa Phun Kham an rak thlah I nangmah lawng cu a si kho lo, Lai Hniar vaa sawm an ti i a kir . A hnu ah Phun Kham cu Lai Hniar he an ra than I, kan ral nan kan ven piak lai I thawng nan kan thanh lai an ti hna I biakamnak an tuah hnu ah an pek. Cucaah A chan lio zongah tuanbia tha pakhat a rak um ve ti kan hmuh kho. Ni Kheng hi 1850-1860 hrawngah athih lai tiah ruah asi. 1.Nutak Ni Khen nih fapa pahni a hring. 1. Tai Kok (Tei Khaw), 2. Ro Pho.

Kan Pu Chief Tai Kok (1896 Chill Hill Regulation Act) Chin Hills and Chin Act Regulation Ning Tein Shurgen Kan Khua; Kan khua min cu Shurgen tiin an tial, Laica in Surgen tiin kan tial mi asi. 1895 lio ahhin 150 houses kan um cang tiin an tial. South East of Aibur in Five Miles tluk kal asi an ti. Communications kong lam hi Route no.26 ah hmuh kho asi lai ti an tial. Name of Resident Chiefs hi ( Tai Kok le Hwon Mong tiin an tial) hihi (Tei Kham, le Maw Thar tiin Laica in kan tial mi asi)., Mirang nih an tial mi ahcun 1896 asi caah hi lio ahhin chin ram tam deuh cu Chin Hill Regulation ningin a uk cang ti nak asi.

Chin Hills: ning tein, Remarks -A poor Village on a very Steep Site. Heavily Stockaded and difficult of access from the north, but undefended on the south. The road from Haka commands the village. Camp at stream below village on road to Aibur is confined and much commanded and road from it up to village is impassable to animals. The villagers never visit Burma and know nothing of the country round them. Partially Disarmed in 1895, There are some curious legends attached to Shurgen about the Previous visit of a White Army.

1. Nutak Chief Tai Kok (Tei Khaw) (Surngen=ChawChe bawi) Tai Kok nih fapa pathum a hring. 1. Chief Hwon Mong (Mang Thar), 2. Hrang Khuai ( athi- a ci a um lo), 3. Khar Dun ( athi- a ci a um lo. Kan Pu Chief Hwon Mong (1896 Chill Hill Regulation Act ). Mirang Laitlang an rak kai cang Chin Miphun nih Mirang cu1896 hi a voikhatnak asi, 1917-1919 kha voihnin nak tiin Mirang ral an rak I doh kha asi. Mirang Uknak aa thawh cang Pu Hwon Mong chan tiang cu Ram Uk bawi an rak si ko.

1896 -1925 khar lak hrawng asi lai kum 29 hrawng cu Mirang ral hi an doh ve tiah ti kho asi.Tipaw Siangpahrang Chan (1885 ) tiang lawng a si. Kawl ram cu 1885- 1948 tiang mirang nih an uk. Chin ram cun mirang nih kawl ram kum 35 hrawng a uk hnu ah an rak phan. Mirang ral cu an doh ve ko Hwon Mong (Mang Thar) chan tiang ahcun Hwon Mong a thih hi 1925 hrawng asi lai ti ruah asi. Note: Pu Khar Dun Nih a Upa Hmow Mong a thih hnu ah Mirang a ve rem hna. Cucaah Mirang nih Pu Khar Dun cu Khua Bawi an tuan ter. Pu Khar Dun cu athih hlan tiang khua khuabawi atuan mi asi.

1. Nutak Chief Hwon Mong (Mang Thar ) ChawChe RamUkbawi), Mang Thar nih fapa pahni a hring. 1. Ni Kung. 2. Te Kham ( a thi a ci aum lo). Nutak Pu Ni Kung (Chawche bawi Upa bik rocutu, Pu Ni kung nih fapa pathum a hring. 1. Hre Ling (A pate Khar Dun nih a inn cotu dang ah aa um ter nain tangli (4 class) a kai lio ah Hre Ling athi. 2. Za Kham Chawche bawi –Upa bik rocotu, 3. Le Khar (India a kal (Aizaw ah a um).

Pu Ni Kung nupi cu Oo Cang Chung nu asi i, a min Pi Tling Ci ti asi. Oo Cang miphun cu miphun thiang an si, Chawche ramuk bawi Bodyguard a tuan mi miphun zong an si I, a tthawng taktak mi miphun zong an si. Bawi miphun ni nutak le nubawi hi phung ning tein an tthitmi an si caah phun thawh le arsa thanh an pek mi a si. Pi Tling Ci cu Ni Kung a nutak asi caah nawl ngeih nak vialte amah cungah chiah asi dih. Nutak cu innpi ah an um, raithawi nak zong an tuah kho ve.

Pu Ni Kung nih nutak Tling Ci sinah Fapa Hre Ling , Fapa Za Kham le Fapa Le Khar, Fanu Ngun Di Le Fanu Cia Li a hring hna. Fapa Hre Ling cu a pate Pu Khar Dun nih fanu /Fapa a ngeih kho lo caah a inn cotu dingah a inn ah aa um ter nain tangli (4) class a kai lio ah a thih tak. Pu Za Kham nih inn le thilri cu co chit ko sehlaw Pu Khar Dun ti nain asal le a michia nih Pu Za Kham cu Ni Kung Upa bik rocutu pei asi ko cu. Pu Kung Mang khi Siang Ruang techin pafa asi I nan unau zong asi ko caah Kung Mang Pek ko an ti caah an bia a el du lo caah Pu Kung Mang cu a pek. Pu Za Kham cu apa Ni Kung Upa bik ro cotu asi. Fapa Le Khar Cu kum 14 asi lio ah India ram Mizo ram ah kal i cu ka ahcun khua sak in a um cang. Fapa pakhat le fanu pakhat a ngeih hna i, nihin ni tiang a kan nun pi lio asi.

1. Nubawi Pu Za Kham Chawche bawi Upa bik rocutu) Nubawi ah Pu Za Khan nih fapa panga hring hna. 1. Ngun Pum, 2. Mang Thar (a thi), 3. Ho Ting, 4. Peng Uk, 5. Cung Za Lian (a thi). 1.Nubawi Ngun Pum ChawChe bawi), Ngun Pum nih fapa pa hni a hring, 1. Nawl Lian, 2. Chawche Hlei Cung. Pu Ngun Pum cu 1979 ah Surngen ram kal tak in Tlangrua khua ah aa tthial. 1987 kum 7 chung Tlanruang ah khua asak hnu ah dam lo zawtfak ruangah hi vawlei nunnak in a kan din tak. Pu Ngun Pum mi tang dawr asi Pathian aa bochan taktak mi zong asi.

1.Nubawi Nawl Lian ChawChe bawi) Nawl Lian nih Fapa pakhat ahring. 1. David Sui Lian Thawng, 2. Nutak Chawche Hlei Cung Chawche bawi), Chawche Hlei Cung nih fapa pakhat ahring. 1. Chawche Bawi Za Kham. Anthropology tangah Sociology aum. ( Aho Dah Surngen khua le Ram Adawt deu lai?). Credit by 1. Ka Pu le Ka Pi, Oral. 2. Tisen Khua tlaknak le Chief Zaakheng Hrin (Lautu) Bawi Thawhkhennak nih an chuah mi Cauk chungin ka tial mi asi. Copyright Chawehe Bawi, Hakha 2014. A ngeitu: Chawehe Bawi. A khawntu : Saya Min Hu ( ChawChe bawi) :Sayaci Za Hu(ChawChe bawi).