Kawlram Ralkap ttih bikmi dirhmun ah kan um hi!

Kawlram Ralkap ttih bikmi dirhmun ah kan um hi!
============
“American flag aa dawhnak cu, tong tampi a ngei caah a si” tiah President hlun Clinton nih a ti. CHIN ram chung ah sub-tribe/ Peng Tlang tampi kan ngei hi kokkek in kan ngeihmi laksawng pakhat a si i, nihin Generations z pawl nihcun, pengtlang tampi kan ngeihmi hi derhnak siloin, thawnnnak/ thazaang/ strength ah a hman zia an von thiam cang caah, Kawlram Ralkap ttih bikmi dirhmun ah kan um hi a si.

Hlan deuh kan pale chan ahcun, Sub-tribe tampi kan ngeih hi a hman zia an thiam lo caah, dernak ah an rak hmang. Thangchonak dawntu ah an rak caanter. Asinain, sub-tribes/ pengtlang tampi kan rak ngeih hi, Chin miphun kan tthawnnak/ kan idawhnak/ kan nunphunng/ culture a rumnak, teinak hmuhnak ding caah kan thazaang/ back-bone pi a rak si. Cucu, Nihin ah a hman zia kan thiam cang tiah ka hmuh.

Pengtlang kip nih CDf kan von dirh bak in Ralkap cu a ther in an ther ko. Khuate lei hrim an kal ngam ti lo. Khuapi chung a ummi hmanh, ttihnak in an khat. US le Canada tbk ah family first tiah an uar takmi hi, thil kalning dik a si bantuk in, Chin miphun zong nih, Family first, pengtlang tiah tthawnter in, unau dang he united in von dir ahcun, aho nihdah a kan ngamh lai? Mahhi tulio generations Z nihcun, an ifiang cang i, a hman zia an thiam cang tiah ka hmuh.

American flag aa dawhnak cu rong tampi a ngei caah a si bantuk in, Chin miphun kan tthawnnak/strength cu sub-tribe/ pengtlang tampi kan ngei caah a si ve.

Ralkap zong nih a tihbikmi kan si zong hi, Pathian kan lei a tang caah a si ko! Minung nunnak value/ man ah a biapi takmi biafang pahhnih, “Freedom/ zalawnnak”, le liberty/ luatnak “ hi Pathian sin in a rami an si. Pathian nih minung a kan ser tikah, hramhram in a kan uk lo. A kan tlaihhrem lo. A ser hmasabik Adam le Eve sinah freedom/ zalawnnak le liberty/ luatnak hi a rak pek cang hna. Cucu, “Good” timi biafang nih a aiawh.

Pathian nih a kan pek cangmi, “zalawnnak, luatnak, covo le duhthimhnak” vialte a kan chuh hmasabik tu hi Satan a si. Hram hram in minung/ miphun uk le tlaihremhnak vialte zong hi Satan sin in a rami tuahserhnak an si. Cucu, Evil timi biafang nih a aiawh ve.

Na nupi maw, na pasal maw, na fale maw hramhram in uk le control zong hi Satan zia in a rami an si i, miphun le ram zong hramhram uk le an covo chuh viar zong hi, Satan zia in a rami, evil tuahsernak an si. Myanmar 🇲🇲 ram le myanmar ram chung miphun vialte, hramhram in uk le tlaihremhtu ralkap zong hi Satan zia an ngeih caah a si i, an cungah Pathian aa lawm lai lo.

Cucaah, Pathian nih an caan a dihter hnik cang lai tiah ka tuak. Myanmar ram chung ah a ummi Miphun vialte nih kan covo, zalawnnak le luatnak cu an hmuh tthan dengmang cang. “Evil cu, good” nih a tei tthan cang lai. 100 ah Khrifa aa timi CHIN miphun hi Pathian nih a kan umpi taktak ko timi a lang chin lengmang in ka hngalh.

Myanmar Ralkap nih Kum 70 chung, an kan tlaihremh i, kanmah Chin Miphun nakin a ngan deuhmi, Karen, Kachin nih Kum 70 chung an doh nain an tei lomi cu ralkap, 2021 spring Revolution raldoh ah Chin miphun le Chin Ralkap hi key players dirhmun an um hi, a ropui ka ti. Ralkap zong nih a tihbikmi kan si zong hi, Pathian kan lei a tang caah a si ko, ka ti. Cucaah, tuanbia zoh in, nihin tiang thil umtuning ka cuanh tikah, evil aiawh Ralkap caah, “End Time” a si ko, ti in ka tuak. Credit: Zasang Cinzah

CNF Kan pa le tlangcung hrimtlai nih thisen chuak lo in mah ram mi le mah ram mi I thah lo in Cabuai cungah daihnak bia Kan in ruah hna Lai an ti hna kan ram Zaalennak Kan Si Ter Lai tiah kum sau pi an Kal pi an duh lo hram hram UK Nak Kha an duh than caah PATHIAN an cung ah a lawm lo tiah Kei zong ka hmuh ve mi Si.

Cun Kawlram mi an thah mi hna khi tlangcung MIPHUN cung ah an tuah ser mi Kha an rak zumh duh lo caah Pathian nih a tuah mi Si ti in ka pom ning le Pathian khuakhan a Si tiah ka hmuh nain kawlram mi an thih khi ka lung diriam ti nak Si lo mu Phun dang in ka ruat hlah uh mu….Bia peh ka duh mi cu CNA CNF Kan pa le tlangcung hrimtlai vial te Lak ah ka uar bik hna daihnak Kong zong ah a lung sau bik mi an Si fawn.

Nain a tu ah cun ah a do mi le ral Tha te in mipi sin ah dir ii thih ah thih tiah Chin miphun ca le kawlram mi pi caah bochan mi an Si khi Pathian Kan Chung ah a Lang caah Si Ko ti..NUG he min an thut ka ii Kan pa Dr Lian hmun sakong RFA nih interview an tuah lio ii an Hal mi te Kha Nek tuk le zaawmtek nawn te in an Hal mi Kha ka thin lung a rak maaan dih….CNA CDF