Kawlin Peng Khanta Khua Ah Ni 3 Chung Pehzulh In Kahdohnak A Chuak.Kawlin peng, Khanta khua ah thazang 120 hrawng SAC ralkap le PDF phu pawl karlak ah ni 3 chung pehzulh in kahdohnak a chuak i SAC ralkap lei a tlawm bik 3 an thi tiah Kawlin pengkomh PDF B01 nih thawng an thanh.
Khanta khua ah a rak lut mi SAC ralkap pawl cu Kawlin pengkomh PDF B01, B04, Kawlin PDO, dothlennak phu pawl nih an kah hna hi a si.March 2-4 tiang ni 3 chung kahdohnak a fak. Kahdohnak a daih hnu hmunhma zohfelnak an tuah tik ah SAC ralkap ruak 3 an hmuh i M3 zuun 1, drone 1, Machine Gun 1 le kuanzen pawl an lak khawh tiah Kawlin pengkomh PDF B01 nih hmanthlak he thawng an thanh.
Kahdohnak chung ah SAC ralkap lei nih vanlawng kahdohnak voi 2 a tuah i mipi inn tampi le khua sianginn a rawk tiah theih a si.Kawlin peng chung a cang mi kahdohnak ruang ah a tap mi khualtlawng pawl telh in ralzaam 40,000 leng caah bawmhnak an herh tiah khuami hna nih People’s Spring ah a chim.
Up Date : Rak Rel Chih :Kawlin Khuachung Ah Kahdohnak A Fak‘.Kawlin khuachung ah hmunhma a khuar mi SAC ralkap pawl cu PDF phu pawl nih March 4 zaan ah an kah hna i SAC lei a thi mi an tam tiah Kawlin pengkomh PDF B02 nih thawng an thanh.
Kawlin khuachung, Min-taegyi sang, Mingyansaidu, Sayminkhung leng ah Kawlin khua chaklei Aungchanthar khua ah hmunhma a khuarmi SAC ralkap pawl cu March 4 zaan sml 8:00pm hrawng ah PDF phu pawl nih an kah hna.SAC ralkap nih hmunhma an khuarnak pawl cu Kawlin pengkomh B02 le PDF phufonh pawl nih an kah hna hi a si.
PDF pawl nih an tlaihnak Kawlin khua cu SAC ralkap nih February 3 thawk in an rak lut i February 13 ah hmunhma an khuar ášhan hnu ah mipi inn pawl an khangh. Cu hnu ah dothlennak phu pawl nih khua an kulh hnu ah SAC ralkap pawl cu an kah hna, SAC ralkap pawl zong nih a pawngkam khua pawl ah an luh caah dothlennak phu pawl nih an kah hna, khuate pawl zong an khangh tiah an thanh.Credit : The Chinland Post