Kawl Ralkap Uknak Hrawh dingin US Congress nih a fialmi

Kawl ralkap nih hramhram in aana ting mi ruangah vawlei cung ram cheukhat an holh ve cang. UN zong nih statement an chuah khawh ve cang i, lawmh a um taktak. Thawngpang ttha pakhat a simi cu UN Security Council a holh. UN Security Council nih Statement a chuah. Aung San Suu Kyi, U Win Myint le adang vialte chuah dih hna seh, tiah a ti. China le Russia an i tel ve. A ttha ngai. UN Security Council ah members 15 an um. 5 (US, Britain, French, Russia, China) hi permanent members an si. Veto power an ngei.

Sen. Ben Cardin (kanmah senator a si) nih statement a chuah. Aung San Suu Kyi le adang chuah zokzok hna seh, a ti. Kawlram kongah Sen. McConnell a chonh. Kan lung a rual, a ti. McConnell nih Biden a dirhkamh caah tha a tho. Sen. Mitch McConnell nih President Biden a forhfial, Burmese military coup kongah, Kawl Ralkap Uknak Hrawh dingin US Congress nih a fialmi ah White House le State Dept lawng siloin Department of Defense atelh lai caah lung a hmui kho tuk hringhran.

Thawngpang tha tuk dawh a si, Vawleicung ralkap thazaang thawng bik le a ngan bik cu US lawng hi a si rih ko. Tha tuk US lawng hi Ralkap thla kho dingah bochan mi a si. Cunak thawngttha Kawlram kong ah a um bel lo. Tlamtling hramseh. Thawngpang tha si hram seh. Department of defense aa tel ding a si ahcun thil tha a chuahpi ko lai. Defense department aa tel lai ti mi nih ka hna a tun ter ngai.

Relchap, UNHCR he Tonbiaruahnak Thawngthanhnak (အသိေပျခင္း). Malaysia um Chin ralzaam hawikom dawt hna tu ni (February 5, 2021) ah UNCHR lutlai le Chin ralzaam bu hna cu online tonbiaruahnak naih asi. Hi tonbiaruahnak ah UNHCR lei nih an chimmi cu: 1. Minung laknak (registration) hi UNHCR nih biapi in aa hmaithlakmi si ko nain Covid-19 zawtnak ruangah le Malaysia cozah nih kal um phihkham (movement control order) ruangah kan cawlcang kho lo tiah an chim. Hi zawtnak a thian le MCO a dih cun min laknak (registration) cu kan thawk te ko lai tiah an chim. Cun hi min laknak (registration) ahhin UNHCR phungning tein Miphun le Ram in kan zoh lai lo, pumpak pakhat nih a tonmi le sining tu kha kan zoh lai i humhimnak pek ding ah aa tlak maw tlak lo kha kan ruah lai tiah an chim.

2. Cun tlaihkhih (arrest and detention) kong ah UNHCR i tlaihkhihnak lei tuanvo neitu (OPI – Outreach Protection and Intervention Unit) zong hi MCO a dih cun biatak tein cawlcang le riantuan ding timhtuahnak an nei tiah an chim.
3. Ramthumnak kalnak kong ah a tu lio Covid zawtnak le MCO lio asi bantuk in zeihmanh cawlcangh khawh si lo. Hi MCO a dih cun thleidannak um lo le aa ruang cio tein ruahpiak le kalter an si ko lai tiah an chim.,4. Cun UN card/ Catlap chuh cangmi le RSD interview a sungmi zong nih case onpiak than (ruahpiak than) ding in catial khawh asi tiah an chim. Sinain onpiak khawhnak ding le ruahpiak khawh thannak ding ah tete (evidence) langhter chih a hau i mah hnu ah zoh thanpiak awk a that le that lo kan ruah lai tiah an chim. Cun RSD email ah ca in kuat khawh asi. CRC