Kawl ralkap spirit haang an ding i 3 an thi

Matupi ah Kawl ralkap spirit haang an ding i 3 an thi
==========
November 28 lio, Matupi ah Kawl ralkap pawl spirit haang an ding i 3 an thi, tiah Zalen nih a tial. Mah hna pawl hi Matupi in Paletwa kar ah gate a hngak mi an si i zudin awk an ngeih ti ko ruang ah spirit an ding i an thi, tiah theih a si.

Tamu ah Palek buuk BSO nih an kah, 2 an thi i hriamnaam lak. Nihin zing 8:00 tluk ah Burmese Students’ Organization (BSO) nih Tamu um Chaungnatgyi Palek buuk an kah, minung 2 an thah hna i hriamnaam zong an lak, tiah theih a si.
Hi kahnak ah BSO nih minung 2 kan thah hna pin ah an meithal zuun 2 le kuanfang pawl kan lak, tiah BSO nih an thanh.

Tabayin, Nyaunghla khua pawng ah ralhraang le rammi rungvengtu tangti phu kar kahdohnak a chuak, ralhraang 50 hrawng an thi. Sagaing ramthen, Tabayin peng, Nyaunghla khua ah ရွှေဘိုမိုးကြိုးမုန်တိုင်း Tangti PDF phu hna le Saygyi khua lei in a ra mi ralhraang 150 hrawng kar kahdohnak a chuak i ralhraang 50 hrawng an thi tiah ရွှေဘိုမိုးကြိုးမုန်တိုင်း nih thawng an thanh.

Ralhraang hna nih thazaang tampi hmang in an nawr, Mi 35p raltuknak helicopter pahnih hmang in kohdahnak an tuah caah rammi rungvengtu PDF pakhat hma a pu tiah theih a si.

Yaw Hmunhma Ni 3 Chung Kahdohnak ah Ralhrang 50 Hrawng An Thi! Magway ramthen, Yaw hmunhma ah Nov 19, 23 le 25, ni 3 chung kahdohnak ah ralhrang 50 hrawng an thi i Saw PDF chungtel pakhat a nunnak a liam ve tiah theih a si. Nov 19 kahdohnak ah ralhrang a thimi 40 hrawng le Nov 23 kahdohnak ah ralhrang a thimi 10 hrawng an si tiah Saw le Kyaukhtu PDF nih an thanh.

Nov 19 ah khan YDF Saw le Kyaukhtu, CDF – Mindat, CDF – Kanpetlet le PDF – Saw hna nih Taw-ma le Jinling khua pawngah ralhrang cu an kah hna. Hi ni kahdohnak ah Saw PDF chungtel pakhat a nunnak a liam i pakhat fak ngai in hliam a tuar. Ralhrang lei nih Helicopter pahnih in an kah hna tiah theih a si.

Nov 23 ah YDF Saw le Kyaukhtu le CDF – Kanpetlet nih အောက်လက်မွန် le လက်မွန် khua karlak ah ralhrang cu an kah than hna. Suimilam pahnih chung kahdohnak ah ralhrang 10 hrawng an thi i YDF Saw le Kyaukhtu chungtel pahnih hliam an tuar.

Cun Nov 25 ah Kanchaung khua pawng i hmunhma a khuarmi ralhrang 59 hna cu vanlawngbual lei i an kal lioah YDF Saw le Kyaukhtu an doh hna. Nov 25 ahhin cun ralhrang lei a thimi an um lo tiah YDF nih an thanh.

Nov 27, tuni zongah Sagaing ramthen, Shwebo peng, Inginpyin khua ah a ummi ralhrang hna cu mipi ralkap phuhnih Fight for Freedom le ခင်ဦးမဟာမိတ်ညီအစ်ကိုများ အဖွဲ့ nih bomb in an doh hna i ralhrang 10 hrawng an thi tiah Fight for Freedom nih an thanh.

Ralhrangbu Hna Nih SinTaung Phungki Sianginn Cu Luhhnawh. Mandalay ramthen, Mokok khuapi chungum Sipin Thayar sangah a ummi Sin Taung phungki sianginn cu ralhrangbu hna nih an luhhnawh hna i thilri vialte zong an hrawh piak hna i siang ngakchia 3 an tlaih hna i an kal pi hna tiah khuami hna nih an chim.

Nizan Nov 26 zinglei sml 5:00 hrawngah ralhrang nih thazaang tam piin an rak luhhnawh hna hi asi i, cuka ummi phungki pakhat an kawl i an hmuh lo caah siang ngakchia 3 hna cu an tlaih hna tiah theih a si.

“Zeibantuk phungki dah an kawl kan theih a si lo i, zingka tein an rak lut, an kawl mi cu an hmuh lo caah siang ngakchia 3 an tlaih hna, sianginn chung zong an hrawh” tiah khuami pakhat nih a chim. An tlaihmi siang ngakchia 3 hna cu khuikaa hmun ahdah an kalpi timi theih a si rih lo tiah khuami hna nih an chim.

Ralhrangbu Kalnak Lam Ah Bomb An Hmanh Lio Ah Ruah Lo Piin A Puah Sual Caah Depeyin GaLon Ralkap 2 An Thi. Ralhrangbu kalnak lam ah bomb hmanh dingin an tuah lioah a puak sual i Dipeyin Galon ralkap 2 an nunnak a liam tiah nizan November 26 ah Galon ralkap nih an ngaihchiatnak an langhter.

Nizan November 25 ni(4) ni, zaan sml 12:00 hrawngah motor lampi hmun pakhat ah ralhrang an ra kho tiah an ruahnak lam ah ralkap 2 cu bomb hmanh dingin an i zuam cuahmah lioah a puah sual hna.

Mah bomb puahnak ruangah mipi ralkap 2 nih dothennak ah ram le miphun caah an nunnak a pek tiah Galon ralkap nih an langhter. A Tubantuk thil cangmi hi kannih Galon ralkap nih a hmasabik le a donghnak bik zong a si lai tiah pasaltha 2 cungah upat peknak in biakamnak an tuah.

Kan mah Galon hna zong nih ram le miphun caah nunnak a Pe mi pasaltha le nusaltha hna i thantak mi chungkhar hna cu ngeihchiat nak kan hrawm pi hna tiah an langhter. “Kan mah Galon ralkap nih Ram le miphun caah nunnak a liammi pasaltha le nusaltha cungah upatnak kan pek caan paoh ah nanmah cung zongah upatnak kan in pek zungzal lai” tiah Galon PDF nih an thanh. Credit: The Chin Post