Kawl ralkap pawl thio ding ah KIA an I thawh cang

Kawl ralkap pawl thio ding ah KIA an I thawh cang
===================
2018 hnu ah a tutan hi KIA le Kawl ralkap biatak in an i kah a si. Tuan deuh ah KIA nih ralkap uknak lakmi kong ah an lung tlin lo nak cathanh an chuah. Dai te sandah piahmi na kah hna si cun kan in kah colh lai an tiah ralkap an ti hna. Caan sau ngaite KIA an lang ve lo. Zapi mit ah an bau. Ziah KIA hi zeidah an tuah Khuapi zong an lut bal lo tiah mi tampi nih an ruah. A rat cun KIA nih ralkap an tih hna ca si loin mipi zawn an ruah caah Khuapi an luh lonak a si. A ruang cu Kawl ralkap nih KIA tei lo lungfah in mipi kah le khua chung bomb thlak an hmang. Cucu KIA nih a phan.

KIA cathluan ralkap lei nih zei an rel lo caah Myitkyina ah sandah piahmi cu ralkap nih an kah hna. Voikhat ah minung 2 bak an thi. KIA uar an um tuknak cu an chin bang an tuah. A rau lo Kawl ralkap pawl an phomh colh hna. Atu hi ralkap 200 lengkai KIA nih an thah cang hna. An sakhan zong tampi an lak cang. Nai hrawng cu nifatin ti awk KIA nih kawl ralkap sakhan an lak ko. Cu lak ah nihin thil a cangmi nih mipi hna a ngamter tuk. Thin zong a phang pah.
Zeidah si tiah nihin kha Kachin ram thlanglei KIA ralkap 1000 tluk cu Kawl ralkap tuk dingah thlah an si cang. Thlacamnak he ralhrang thah dingah an I thawh cang.

Hlan ah cun anmah nih meithal an puah hmasat bal lo. Kawl ralkap nih an kah hnga hnu pawngah an lehrulh tawn hna.
Nain atu cu KIA nih an zia an thlen. Kawl ralkap cu nam ding thah ding an ti. A nung tleihmi zong zaangfahnak ngeih hau ti lo an ti cang. Mipi zong ralrin an pek cang hna. Khuapi chungah kan lut lai lo ti awk a tha lo. Ralring in um ko uh. Ralkap he I cawh hlah uh ralkap pawngah um hlah uh tiah ralrin an pek cang hna. A fiangmi cu KIA nih Kawl ralkap cu ar thah in thah an timh cang hna. Thlacam in bawm hna u sih. Nizan zongah Sham ram Khutkhai lei ah kawl ralkap tatma 99 pawl KIA nih an kah hna I kawl ralkap pawl an thi len. Credit: Tluang Ceu Thang