Kawl ralkap nih Thantlang a voi 23 nak an khang ṭhan!

Kawl ralkap nih Thantlang a voi 23 nak an khang ṭhan!
=========
Thantlang khuapi cu Kawl ralkap nih January 31 zaanlei ah a voi 23 nak an khangh ṭhan tiah theih a si. An khangh mi hna hi Zunghmun sang le TABC sang chung hna hi an si tiah kan theih. Inn zeizah dah a kaang cang ti hi cu a fiang in theih khawh a si rih lo. Thantlang khua hi 2022 chung ah inn 123 leng a kaang cang tiah TPAC nih January 7 ah a rak thanh.

Khuami pakhat nih tutan a kangh hi kanmah inn zong aa tel ve caah kan lung a kekkuai. Nikhat khat cu hi bantuk thil hi kan tong te lai tiah ruah cia a si ko nain mithmuh kuttongh a phak tak tikah hin celh a um hrim lo. Kan chuah lio ahhin palastik pakhat khat te lawng thil kan rak i put.

Cun, Thil lak ah khuachung panh dih a si lio khan kan nih cu COVID-19 zawtnak nih kan chung ning tein an kan phak caah kan thil kan la kho lo. Sihmanhsehlaw, Pathian nih kan caah a ṭhabik in khua a khaan ko lai tiah a mah social media ah a taar.

“Khualuhnak lei a si mi Seihpuizi (စိုက်ပျိုးရေး) sang hna hi cu khangh awk hmanh a um ti lo” tiah Thantlang khuami pakhat nih The Chinland post ah a chim. Cun, Chin Human Rights Organization (CHRO) nih kan hnu kum September thawk in Kawl ralkap pawl nih Thantlang cu an khangh lengmang i atutan hi a voi 23 nak a si cang tiah a thanh.

Hi bantuk Pastor hna Laimi chungah a rak um hi cu a poi taktak khi asi! Mah tuanbia hna hi, kan Chin Community chung ii a tel mi hna nih an tonmi kong an ṭial mi a si. Keimah, Thinhnem, nih ka tonmi an si lo, mirang holh in lai holh ah ka leh piak mi hna a si. Ka leh mi chungin ka palhmi a um ahcun, rak ka theih thiam ko uh! Mah tuanbia hi ka nunnak a chiat lei ah a thlengtu tuanbia a si ruangah, chim ka harh ngai. Sianginn dih in, inn ah ka rak ttin i, kanu cu pastor pawl he an i chawn thluamah lio a si.

Pastor pawl cu kanu nih a ka chawnh ter hna, mah pastor hna lak ahcun tihnung pahmi, hnabu a lo pahmi a um. Pathian rian a ttuanmi a si ka ti i, ka ruahnak a ttha lo tiin keimah le keimah ka chim. Nifatin ka tuah bantuk in, inn cung ah ka khaan ah ka homework ka tuah. Innka ka hrenh tawn i, innka an kingh thawng ka theih. Ka nu le ttihnungmi pastor pa cu an rak dir ko, kanu nih “Saya nih na caah thlacam piak an duh.” Thla a ka cam piak duh lai tiin ka ruah ii, ka luh ter ko hna, cun pastor pa nih ka nu cu a chuah ter, keimah le amah lawng thla kan cam lai a ti.

Kanu cu khaan chung in a chuak, fihnung pastor pa le keimah lawng khaan chungah kan taang. Na khuk i bil law thla kan cam piak lai a ti, ka khuk bil bu in ka tthu ii a nih kha a dir. A tawhrolh zipper a phoih. Ka dir colh i,”zeidah na tuah?!” tiin ka au hnawh. A ka daih ter i, “ka khua lin” a ka ti. Ka khaan cu 68° a si tawn, a kik tawn.

Ka hei zumh i ka tthu tthan, kan ngakchia lio tein, kan nu le kan pa nih upa upat dingin a kan cawn piak. Ka tthut tthan hnu ahcun, a tawhrolh dih lak a phoih, a bawngbi chunghnawh zong a phoih dih cang. Ka tho colh i, ka tthial colh. Amah nih cun, “mah tihin thla ka cam dan a si,” a ka ti. Ka zumh sual, a ruang cu ka hngal lo nain, ka zumh sual. Ka tthu tthan i a kut cu ka lu cungah a chiah ii mah ti cun thla a cam tak ko.

Thla a cam lio ah, ka kut a laak i a “penis” a ka tongh ter. Ka nam chih and ka khaan in ka chuak hnik nain, asinain a tthawng tuk ii ka chuak kho bak lo. Ka khaan innka a hrenh ii, ka ihkhun cungah a ka nam i ka cungah a pum in a ka nenh.

Ka thongh chih ka chuih chih nain, “Pathian rian ttuanmi ka si” a ti peng. Mah cu zeidah a tuahmi he a sain? ka fiang hrim hrim lo! Ka au hnik nain, ka kaa kha a kut in a khuh! Ka kheuh chih, nain ka chuah hnikmi kha a ka nih sawh. A donghnak ah cun ka lung dong i, a dih hlaan tiang ka ttap i a dih tiang ka hngah ko. Ka fuat tuk!

Pastor a si rih mi zong ka fuat tuk! Vawlei nih a tuahmi hngal hna seh ti ka duh tuk ko buin, pakhat pakhat a tuah sual lai ka phaang! Kanu zong ka chimh ko nain, kanu nih ka capo silole na cungah can ding a tlak ko a ka ti. Mah hnu cun, pa pawl pawng ah ka um tikah ka thin phaang. Cun mah pastor pa kan biakinn ah “guest speaker” in a kan len tik ah “panic attack” ka ngah tawn. Mah pa cu a cungah thil chia tlung ko seh!

Hi bantuk Pastor hna Laimi chungah a rak um hi cu a poi taktak khi asi. Pastor cheukhat pawl hi Pathian nih chati thuh hna loin an mah le an mah an ithuh siloah chungkhat cingla nih thuhmi hna an um kho. Pastor si paoh upat dih ding ti le Pathian nih Pastor vialte chati a thuh dihmi hna an si timi zumhnak hi a thar in ruah awk ngai asi.

Community ah atubantuk a thumi pawl hi thianh le action lak colh a hau. Minunnak sersiam dingin rian khinhmi nih minunnak a hrawk tikah sual hmanh ah sual taktak khi asi. Credit: Thinhnem Par Lian