Kawl Ralkap Nih Operation An Tuahmi Hi Hriamtlai Phu Ca Zong Tihnung Tuk A Si

Tutan Thlihran Ka Hmuhning
==================
Kawl ralkap nih operation an tuah tikah an hman ngaimi strategy cu phukhat-hnu-phukhat hloh a si. Eg. KIA biatak tein a kah lio ah adang a kap hna lo. Phudang vialte sinah kahlonak order a chuah i AA athuat hna, etc. Tutan hi pakhatnak ah NLD rialdip a timh hna. Cu caah tlangcung mi (hriamtlai phu) vialte he kahdaihnak process ka kalpi lai a ti (political party zeimaw zong heh a lem hna). Mah hi NCA minthu pawl nih zumh dih le hngah awk tha a si lo.

Second thought ngeih a hau, NLD hnu ah kanmah can a phan lai lo tiah chim khawh si lo. Cu caah NLD kan duh ruang theng ah siloin (aduhmi zong kan um ko lai) ralkap tlaihhrem uknak duhlo ruang, democracy le federal kan duh ruang tu ah tutan hi fakpi in thazang kan chuah a hau ko.

Myanmar Military Coup Hi Kan Doh Lai Maw, Min Aung Hlaing nih aa-naa alak mi hi mipi nih dai tein hei um ko uhsihlaw, achim mi hna; 1. Ka ttuan chungah rampi daihnak peace process (NCA) tha tein ka kalpi lai. 2. Kum 1 hnu ah election tuah in ateimi party sinah aa-naa pek than ding ka tuah lai. 3. Democracy lampi in kan pial hrim hrim lai loโ€ฆโ€ฆ timi pawl tuah a timh tak men ko lai.

Asinaโ€™n doh aherh ko tiah ka ruah nak aruang pathum te ka ttial ve lai. 1. Daihnak tak tak duh ruang si loin mipi thimmi (civilian) cozah nih an tuah khawhlo mi ralkap nih kan tuah khawh ti le tlangcungmi hna sin in credit lak duh ruang tu ah a si. 2. Election hlanah NLD le party kip ah politician mi za deuh paoh a hloh (crushed) ta hna lai. Cun amah duhmi party nih tei nak an hmuh lai ti aa fian hnu lawngah election atuah lai. Democracy tak siloin a deu tu a ser lai. 3. Mah hi a biapi chin chin –> Ralkap nih uknak aa-naa hi kan duh tik poah ah kan lak khawh timi hriamnam bochan dictatorship ideology a nung lan lai. Hi bantuk ideology cu Kawl ralkap chung lawng hlah, vawleicung hrim ah a nun awk asi ti lo. Credit: Salai TK Lyan