Kawl ralkap nih hramhram in uknak an lakmi cungah na lungtlinlonak kha fawizaang tein Rak Tuah Ve

Kawl ralkap nih hramhram in uknak an lakmi cungah na lungtlinlonak kha fawizaang tein na umnak state Senators le Congressperson sin ah online in kuat khawh asi. Cell phone lawng a herh. 1) 50409 ah “Sign PPECYS” tiin text message kua, 2) Na Last le First name an halmi kha phit piak, 3) Na e-mail le na umnak address an hal lai, 4) Na umnak State aiawhtu Senators le Congressperson sin ah a tanglei ka thilmi cakuat hi an kuat piak lai.

5) Na Senators le Congressperson sin in na cakuat an hmuhnak kong thawng an in thanh lai. 6) US Citizen si thengtheng zong a herh lo, phungning tein US khuasa poah nih tuah khawhmi asi. Keimah ka umnak Texas State Senators cu Ted Cruz le John Cornyn an si i Congressman cu Rep. Brady asi i an zung nih auto reply an ka tuahmi ka van thil chih.
Note: Senators le Congressperson cakuat dingah kai timh lio ah atu bantukin hiti tuah khawhnak a van chuahpitu Khampi cungah pumpak in kai lawm. Credit: Biak Hnin Sang

Relchap, Kum 2021 le Vawlei Harnak; Kum zabu 21 hi ahhin harnak nganpi le buainak tampi tlun thluahmah dawh si. Harnak tam tuk a tlung cang tiah zong chim khawh si. Vawlei hi tthatnak lei si loin, buainak lei a panh zuahmahmi a lo taktak ko rua? Tuaktan lo le kherhhlai locun, a cangchom in philhchom khin cun, ton liomi harnak lawng hi – ruah le fian si men lai. Cucaah, tlawmpal tawinak in van kir tuah usih.

Kum 2000 pinlei in vawlei nih ai buaipi cemmi cu “khuati rawhnak – climate change” hi si. Nikhat hnu nikhat in vur tlang hi an zor thluahmah. Tulio ning in ai pehzulh ahcun, kum 21 chungah vur tlang hi rili ah ai cang dih kho. Vawlei nih khuati rawhnak hi phisin khawh in a um lo bantuk si cang. Million tam taktak hi “khuati ralzam – enviromental refugee” in ai um te lai tihi zumh si.

Kum 2011 in ISIS hi vawlei nih ai buaipi. Sadam Hussein, Gaddafi le Osama Bin Laden cu hloh an si. Nain, IS nih million in harnak le mangttam an chuahter i, nunnak tampi zong an liam. Tuni tiang tlamtling in vawlei nih phisin kho rih lo. Cu lioah, 2021 in Syria le Irag ah tuhi a thar in ISIS an van chuak tthan ve i, an buai curh hoi – US ralkap zeimawzet an van kir bak in.

Kum 2019 in Covid-19 nih khuaci mui in vawlei cu a tuah. Damnak le vennak sii zong hmuhchuah taktak si rih lo. Thiamsang nih Covid-19 vawlei ah saupi um lai an ti i, vawlei chawlehnak, socialnak le buainak tbk caah zuamcawhtu taktak si lai. Covid-19 hi ai pehzulh peng ahcun, vawlei chawlehnak a hrawh lai i, a buaibai taktak te lai – vansangmi ai karh tuk te lai.

Kum 2021 kan van phan i, Myanmar ah Kawl ralkap nih uknak an van lak hoi i, vawlei khuaci muihter hoi. Cu lioah, North Korea, Iran le China zong hi vawlei caah hnahnawk in an umnak tam ngai. US le China cu ai zuamcawh in an um i, lungthin dai loin um si hoi. Kum zabu 21 ah China nih US lonh le tei hi a duh fawn. Tawinak in seh: tulio Irag le Syria ah ISIS an van cawlcangh tthanmi le Mynmar issue nihhin thisen tampi zong luanter khawh a fawi. Cu lioah, Middel East ralzam harnak tongmi le khuti ruangah harnak tongmi hna an tam hoi. News ngaih le rel zong huam si lo, nain social media nih an kan theihter peng hoi. A buaithlak ngaingai. Mah vialte nih vawlei ah a van umter dingmi hi biaknak mit in kan van cuanh ahcun:

Vawlei ah harnak karh lai – velngeihnak caan a dih caah, harnak le buainak hi a karh thluahmah lai. Vansang le har in minung hi kan um thluahmah lai. Mah kong cu Jesuh biaphuan ah rel khawh cio si. Nunzia rawhnak karh lai – minung nunzia rawhnak hi a karh thluahmah lai. Nauthlak (abortion), ngeihkhat tthitumnak (samesex marriage), nudok-padok cohlannak tbk hna hi nunzia rawhnak pakhat si. Sual in ruah le hmuhmi thil kha, a lo thluahmah lai.

Thlarau mangttam karhlai – Pathian zumh lonak, taksa nuamhnak le tangka duhnak a karh thluahmah lai. Tuni ahcun tthatnak tuahmi hna hi tangka (chawva) bawmhnak tuahmi in tah si cang. Cun, thlarau mangttam hi Big Bang Theory, Evolution Theory le Gospel deu ruangah a karh lai. Note: Chin Christian Apologetics page rak “like le follow” law biatak tete le ruah awk tete ai ttial lai. Mah vial kha si rih seh – ka van telh lomi tampi an um rih – rak ruat chin te uh. Weekend hna ah a herh si le, ka van “live” te lai. Credit: Van Nun Lian