Kawl Ralkap bia chirhchan.

Kawl Ralkap bia chirhchan. Kawl ralkap nih uknak an lak i kan ar dih. Zeiruang ah dah uknak kan lak timi thanhca an chuah mi ah 2008 consitution article 417 ning in kan tuah tiah an ti. 2008 constitution cu ka ihnak chantling pawng ah pakhat ka chiah i ka library ah pakhat ka chiah. Kawl ralkap thanh ca an chuah mi ka hmuh le cangka in 2008 constitution cu ka kau i article 417 cu ka rel than. Uknak lak nak ding ah an i chirhchan mi constitution article le ram si ning le an thil tuah hi pakhat hmanh ai pehtlai lo mi an si.

An tlaih mi hna lunung ngandam in Khuazing Pathian nih domhtlai hram hna seh. Atu bantuk vawlei pi pul le tlangra thalo nih an kan cul lio ah mipi ngandam le himbawm nak ah kan biakmi kan Khuazing le Pathian nih rak kan rungveng hram seh. Kawl ralkap ngai zei dang tuah awk hi maw an theih zinpan hnga lo ti awk in. Credit: Salai Bawi Lian Mang

Atu te kha Yangon upa pakhat he kan i chawn kho. Phone line 3 a ngei i pa 2 an phih cang. Pakhat a tang i a van ka chwnh ta manh. Atu tlawmpal ah an phih colh ko lai a ti. Ralkap nih nawl ngeihnak hi kum khat chung kan tlaih lai tiah ralkap hmanmi Myawaddy Television ah an thanh cang ti si. Ram chung internet vialte an phih dih cang. MRTV le TV stations vislte zong ralkap nih an lak dih cang ti si.

Vice President 1 Myint Swe nih kum khat chung President a tlaih lai. Mipi an awlokchong ko. Bank ah phaisa thoh ah mipi an i nam, facang le ei ding zalh ah chuk le cho an tli hna ti si. Zeidek an lawh thai tehna lai. Credit: Vanceuuk Khenglawt