Kawl ralhrang Chinram i arak kai mi zeitluk in dah an thah hna

CDF nih Kawl ralhrang Chinram i arak kai mi zeitluk in dah an thah hna le an hriamnam an chuh khawh!
========
CDF nih Kawl ralhrang Chinram i arak kai mi zeitluk in dah an thah hna le an hriamnam an chuh khawh hna timi an mah Kawl ralhrang Battalion commander nih Northwest command sin ah report a pek nak ca asi.

2021 kum April thla in December thla tiang ah CNA CDF fonh le kawl ralhrang voi 184 i tuk nak a um i kawl ralhrang 1029 an thi tiah Chinland Joint Defense Committee nih thawng a thanh.

Atu an ca hi 184 an ituk nak lak ah voikhat lawng asi. Chinland Joint Defense Committee nih thawng an thanh mi nak in kawl ralhrang hi a thi mi le hma a pu mi an tam deuh kho men.

Chinland Joint Defense Committee hi Lai phung in cun ralsawm a tu kho ding an si. Chin Pasal ttha le nusal ttha hna fonh Chinland Joint Defense Committee nih thawng an thanh mi ah January thla khat chung ah kawl ralhrang he voi 71 an ikap ralhrang 197 an thah hna i 68 an hliamh hna.

Kanmah lei in minung 18 nih ram caah nunnak an pek i 20 hma an pu. Zei sual lo mipi 13 an kan thah i 15 an kan hliamh. 2021 April thla thok in Chin ram ah SAC ralhrang le Chin miphun i do nak a chuak. April in December tiang ah kawl ralhrang 1029 Chinland Joint Defense Committee nih an thah khawh hna.

January thla ah 197 an thah chap hna. An zapi 1226 an thah cang hna. Laiphung in cun Chinland Joint Defense Committee (CNA le pengkip fonh CDF pawl) hi Ral sawm a tu kho tuk ding an si.

Chinland Joint Defence Forces have killed 1029 (over five battalions) of SAC terrorist in 8 months from April 24, 2021 to December 31, 2021. According to Chinland Joint Defense Committee press release. Kawl ralhrang nih February 1, 2021 ni ah uknak hramhram in lak an timh. Mipi nih kan duhlo nak lam phunkip in kan langhter.

Hriamnam hmang in mipi an kan tlaih, an kan thah caah Chin mipi nih kan ram, kan khua, kan nunnak iven ding ah Khuakip pengkip in Chin mino hna hriam an tlai. CNA/F nih a herh mi lam hruainak le training pawl a pek hna. Vawlei cung Chinmi dihlak kan ttang tti.

April 24 ni thok in Chinland Defence Force nih mipi nunnak ven ding in SAC ralhrang cu an kham hna. April 24 in December 31 thla riat le niruk chung ah Chinram hmunkip ah I kah nak 184 a chuak. Cu ido nak ah Chinland Joint Defense Committee lei in minung 58 nih ram caah an nunnak an pek. Mipi zeisual lo kaw ralhrang nih 27 an kan thah.

Ralhrang 1029 Chinland Joint Defense Committee nih an fimtawl ve hna. Tu lio kawl ralkap hi battalion pakhat ah milu 150-200 hrawng an um ti asi I cu tining in tuak ah cun Chinland Joint Defense Committee Pasal ttha le nusal ttha hna nih ralhrang battalion 5 renglo thla riat chung ah an hloh hna.

Kan tei hlanlo kan doh lai. Vawlei tuan bia ah Zalon nak cu a pek in pek asi ballo. A lak in lak asi tawn. Nangmah ta asi mi kha an in chuh ah cun na lak lo ah cun na hmu than ti lai lo. Kan zapi lungdong lo in kan ttangtti lai. Kan zalon nak kan lak tthan lai. Credit: Salai Bawi Lian Mang