Khampat Khuami 1,000 Leng Cu Kalaymyo Ah An Zaam
===========
SAC ralkap le PDF kar kahdohnak a zual tuknak Sagaing ramṭhen, Tamu pengkomh Khampat khuami 1,000 leng cu Kalaymyo ah ralhrial in an zaam, tiah ralhrial bawmchantu hna nih an chim. SAC ralhrang le mipi ralkap kar kahdohnak ruangah Sagaing ramthen Tamu peng Khampat khua mi minung 1000 renglo hna cu Kalaymyo khua ah ralzam in an i dor hna tiah ralzam tawlrel tu pakhat nih a chim.
Kahdohnak ruangah Khampat khuami hna cu India ram lei zong ah a zaammi an um ve i Kalaymyo khrihfa Biakinn le tualchung mi inn ah aa dormi zong an um, tiah ralhrial bawmchantu hna nih cun an chim. Hi kahdohnak ruangah khua mi hna cu India ram lei zongah a zam mi an um hna i micheu cu Kalaymyo ah ra i Biakinn le chungkhar sin zong ah aa dor mi an um hna.
“Inn 500 leng a umnak Khampat khuapi ah ahohmanh an um ti lo. Ralhrial mi hna ca ah puan cu chim lo ihnak hmanh a um lo. Furpi lio a si caah fikfa zong an tam i, khiangthawng zong kan pe kho hna lo, eidin tirawl lawng kan pek khawh hna,” tiah ralhrial bawmchantu hna nih an chim.
“An khua chung ah kahdohnak a chuah caah inn 500 renglo cu minung pakhat hmanh an um ti hna lo, Cucaah Kalaymyo lei ah a zam mi zong an un hna, puan zong an ngei lo, fur a si caah fikfa a tam, Kiangthong zong an ngei hna lo, eidin zong bawmh an herh “tiah tawlreltu pakhat nih a chim. “Khampat khua cu July 23 ni in kaphnih kahdohnak a fak i July 25 ni zongah a zam manh lo mi hna zong mibawmchan tu hna nih an va lak hna i ramlak ah an zam pi hna” tiah a cunglei upa nih a chimchap.
July 23 in Khampat ah SAC ralkap le PDF kar kahdohnak a zual i July 25 zinglei zong ah SAC ralkap nih hriamngan voi tam tuk an kah. Khampat khua ah a taang rihmi hna zong ralhrial bawmchantu hna nih an va chanh hna i ramlak ah an zaam, tiah theih a si.
Khampat khuami ralhrial in a zaammi hna kong he pehtlai in SAC nih zeihmanh thawng an thanhmi a um rih lo pinah RFA nih SAC chimphuannak nawlngeitu Zaw Min Htun cu phone in pehtlaihnak an tuah ko nain a cohlang lo, tiah RFA nih an langhter. Khampat khua sangthen No.1 ah um mi Palik sakhan cu July 23 ni ah Tamu-PDF nih an rak kah hna i mah ni thok in kahdohnak a fah caah khuami hna zong Tamu-India ramri lei ah minung 2,000 tluk an zam hna tiah RFA nih a langhter.
Myanmar Ram Pumpi In Ni Hnih(24 & 25 July) Chung Kahdohnak Ah SAC Ralkap 137 An Thi. Myanmar ram pumpi in July 24 le July 25 ni hnih chung kahdohnak ah SAC ralkap 137 an thi. Tualchung hriamtlai phu lei in ralkap 6 nih ram le miphun ca ah an nunnak an pek.
Ni khat chung SAC ralkap a thi mi le mipi ralkap nunnak liam mi hna cazin langhtermi hi tualchung hriamtlai phu hna nih an langhtermi le an chimmi cazin chung in kan langhter, tiah Khit Thit Media nih a ṭial.
July 24 chungah Bago ramṭhen in SAC ralkap 43, Chin ramkulh Kanpetlet ah 12, Karen ramkulh ah 8, KNU brigade 6 hmunram ah 10, Sagaing ramṭhen ah 14, Shan ramkulh ah 3, an dihlak ralkap 90 an thi, tiah theih a si.
July 25, 2023 ni khat chung kahdohnak ah Sagaing ramṭhen in SAC ralkap 25, KNU brigade 6 in 11, Tanintharyi ramṭhen in 6, Magway ramṭhen in 5 an dihlak ralkap 47 an thi. July 24 le 25, ni hnih chungah SAC ralkap 137 an thi, tiah Khit Thit Media nih a langhter.
Tualchung hriamtlai phu lei in July 24 ah Bago ramṭhen in 1, Chin ramkulh Kanpetlet ah 1, KNU brigade 6 hmunram ah 1, Karen ramkulh ah 1, an dihlak ralkap 4 an nunnak a liam pinah July 25 ah, KNU brigade 6 in ralkap 2 an nunnak a liam, tiah Khit Thit Media nih an langhter.