Kan Tuar Lai, Kan Ttap Lai, Kan Thi Lai, Kan Zalen Ve Lai.

Kan Tuar Lai, Kan Ttap Lai, Kan Thi Lai, Kan Zalen Ve Lai. Sui Thantlang Kha Dimon Thantlang Ah!
===========
Vawleicung ram kip le miphun kip sining kan zoh le an tuanbia tete kan theih khawh tawk i kan rel mi chungin, ram pakhat nih maw miphun pakhat nih a sitawnnak ning si lo in, a sitawnnak ttha,tahchunhnak ah, miphun dang sal i tan le ram dang uk nak tang i a tan tikah a chuah khawhnak ding ahcun a temtuar a rak herh hrimhrim.

Mizoram kan unau hna nih Independen an khelh lio ah khan kum 20 chungah minung 1200 renglo nunnak a liam, kha lio ah khan india ralkap hna nih khua pakhat ah khua 5/10 tiang hna khua pakhat ah an rak fawnh hna i, an khuate tampi an khangh piak hna, an nupi le an fa nu le tleihhrem mi tampi an um i, tar tiang in an tleihhrem hna, cutluk in fahnak le harsatnak an ton ko bu ah, Independen si lo in,State tlin tu an ngah khawh.

India nih khan 1947 kum i mirang kut in independen ngah a timh lio ah khan hisen tampi a chuak, minung a ting in an rak thi ve. Cun, kha lio caan lila ah khan, India ram pakhat i a um ko mi, Pakistan pawl, Islam biaknak a bia mi deuh an um nak hmun nih khan India sin in chuah an rak duh, cucu Mirang sin in zalennak cu ngah khawhnak an duh tik ah India ai ti mi hna nih duhlo in a chung te in dohkalhnak a chuak i a tingting in an nunnak a liam hnu ah India in an chuak kho.

Banglades; Khi Pakistan nih India in mirang kut an chuah lio ah khan, Pakistan nichuah lei tiah ti mi ram a si i, Pakistan ram uk nak tangah an rak um i, 1970, kum 1973 tiang khan Pakistan ram in luatnak an hmuhnak dingah biatak chuah in an rak i do i, cucu India nih a bawmh hna caah zalennak tling an hmuh.Kha lio ah khan Banglades mi pawl kha tampi an nunnak a rak liam.

Note: A tu ah hin, “Bawipa nih milem a bia mi hna kut i kan chuah khawhnak dingah caanttha a kan peek i,hi sui caanttha hi a lak in kan liamter lo dingah a biapituk. Hi caan ah hin, Inn khangh piak le hrawh piak zong kan tong ko lai, kan miphun mino a thi mi le hliam a tuar mi zong an um ko lai i, a um zong an um cang fawn, thihnak a tuar mi le hliam a tuar mi hna an dihlak kan ngaihchiatpi dih hna.

Kan mino thisen tampi a luang cang, kan mino tampi nunnak a liam cang, Thantlang khuapi tiau taak a si cang. Sihmanhselaw hi kan tuarnak le kan aihraamnak pinah thihnak tiang kan tawn mi thawngin zalennak cu kan cawk lai i, cu zalennak cu a hrumai cuahmah mi “CHIN MIPHUN” hna nih a thei par kan zuun te ding mi khi a si.

A Tu ah kan ttap, kan ai kan hram, kan tli kan zaam, inn le lo lo in kan um!hi cu zalonnak kan hmuh lainak a tlam hmuhsaknak tu kha a si. “Bawipa kan aihramnak na kan theih piak cang i, chuah lawng kan i bat cang i na kan chuahpi cang lai caah na min thangthat si koseh. Sui Thantlang kha,Dimon Thantlang ah kan ser tthan lai. Amen! Credit: Pu Tin Duh Thang