Kan ram hi aa thleng hrim lai tiah ruahchanhnak kan ngei lio ah

Kan ram hi thangcho ve seh timi kan duh. Kan fale chan ahcun Singapore bantuk in a nuammi le a rummi ram si ve seh timi hi kan chunmang cio a si. Cucaah, tulio bantuk caan ah sungh, zatlak ithim in Civil Disobedience a tuahmi le nunnak thap in zalampi ah a chuak i Ralkap uknak a dohtu hna hi ram dawtu taktak cu an si. An nunnak an sungh men lai. Sifak zong an tuar men lai. Asinain an nun in ram le miphun an dawtnak tuanbia cu zungzal in a hmun lai.
Kan ram le kan miphun dawtnak lungput he, sungh zatlak ruat loin a nunnak a pemi tampi lakah Ralkap lei ttang in, kan ram hi North Korea bantuk si ding ah a zei a poi lomi, a paw ca lawng a ruatmi Chin mi kha, nihin thawk in an tuanbia aa thawk ve lai. An techin fapar chan tiang chim a si lai.

“Ram le miphun Ka dawt” tiah upa sinak aa cuh balmi vialte chung in, a hodah a tak a si i, ahodah a deu a si timi, Tuu le Meheh tthen in, ram dawtu le a paw ca lawng a ruatmi cu, fiang put in itthen khawhnak caan kan phan. Zeilam dah nan ithim cio lai? Nan tuanbia cu record in a um cang lai.

“Hope for the Best, Prepare for the Worst”. Kan ram hi aa thleng hrim lai tiah ruahchanhnak kan ngei lio ah zeithil paoh tlung seh tiah timhcia te in um caan kan phan ve. Kawlram a thleng khawhnak hnga ding caah Sandahpiah le civil Disobedience Movement a kal cuahmahmi caah Ramleng ah a ummi nih kan tuah khawh cemmi cu, chawva le moral support in dirhkamh hi an si.

Hakha ah tulio sandahpiahtu hna nih Civil Disobedience he pehtlaih in harnak a tongmi vialte caah “ Food Bank “ser an timh. Ramleng a ummi nih kan bawmh hna a hau. Cucaah, Canada 🇨🇦 in kan ram ah Ralkap a do cuahmahmi hna caah fundraising kan rak tuah piak ve hna. Hika ah Phaisa nan thawhmi vialte hi, direct miharsa le Kawlram thlennak a herhmi cawlcanghnak caah a phan dih lai. Ram le miphun dawtnak he kut zam cio izuam hna usih. Credit: Zasang Cinzah