Kan ralkap pawl nih an ti khawh chungin an doh, an kham hna zeimawzat zong an thah khawh hna nain

Kan ralkap pawl nih an ti khawh chungin an doh, an kham hna zeimawzat zong an thah khawh hna nain
========
Kan miphun nih kan i ruahcia zungzal mi khua khathnu khuakhat peng khathnu pengkhat in Ralhrang nih an kan nam te lai ti kha March 21,2022 ahcun ka chuahkehnak khua asimi Zokhua zong ton asi ve. Khuami vialte Ramlak le khua kiangkap le Hakha ah zam dih a si.

Kan ralkap pawl nih an ti khawh chungin an doh, an kham hna zeimawzat zong an thah khawh hna nain, Ralhrang milu an tamtuk caah le hriamnam thazang an dan deuh caah Ralhrang cu an lan kho i, Zokhua Biakinn ah hmunhma la in an um lio asi. Zokhua cu Gangaw lam cungah a ummi khua asi.

Chin Ralkap pawl nih Gangaw lam in Ralhrang an luh ter hna lo nak hi May,2021 in asi cang. Kumkhat chung an kilven i Ralhrang minung tampi an tlaih hna, an motor tampi an chuh hna. Ralhrang lei tuanvo ngeitu mingan zong tampi an tlaih hna.

Gangaw lei in Ralhrang an kai kho bal lo. Tutan cu Kalay, Falam Hakha in a kaimi Ralhrang tu nih Gangaw lei lam cu an fuh i Zokhua cu Miphun ralkap hmunhma khuarnak asi bantuk in an nam hi asi. Ralhrang thazang nganpi in an fuh hna caah fimkhur in an tawlrel cuahmah hna.

Kan miphun Ralkap caah thlacam piak kohna usih. I thenthek hlah usih. Mah le umnak cio hrawngin Ralhrang kan rak doh cio lai tiphun in cun si khawh dawh asi lai lo hi. Chin Ralkap thazang dihlak fonh in khamh ti, Doh ti, Kah ti khawhnak lam an kan serpiak cuahmah mi ah i fun zau kan hau ko lai hi. Duh zong duh lo zongah!

Ral kan tei lo ahcun Khuakhat hnu khuakhat, peng khat hnu pengkhat in an kan nam lai i, IDP le Refugee le Sizung le Ti le Rawl kong in kan lungretheihnak vialte hi a cat ti ding a si lai lo. Ral Teinak caah Chin mi thazang funtom i zuam hmasa ko hna usih.

Kan khua an zam ni hi Facebook nih a philh te lai lo tiah chingchiahnak tuahpah ah siaherh bia ka van tial.
Bawipa nih a thok mi rian cu a lim tawn. Teinak cu Bawipa ta asi. Tuan ah tei khawh i zuam ko usih.

Saknak man kumkhat $300 cio thawh in sak i leiba hmanh kan cham dih manh ri lo mi Biakinn cu Raldornak ah acang ko hi. A tu lio in Inn le lo sak, Khua sersiam lei phun in kal i mah peng himnak caah tan tiphun hi cu si taktak dawh asi lai lo hi! Kei le bang cu thawhbur an ka tuk mi hmanh ka tho kho manh lo, Sushi Boss pawl bawmh kan hal hna hnik lio lawng asi rih.

Riantuan in an can dihlak a hmang i nan tem tuk deuh ko tiah Keimah zg nih ka thloh tawn mi kan hawi le umnak New Orlean ah Miphun Chanhchuahnak rian kong ah tonnak kan ngei. Ram caah a cawl zungzal mi lawngte an si caah kanmah nak in Anmah tu nih tha an kan pek deuh. An khuaruah chung in;

1. $20,000, $10,000 in thawh ding in kan ceih Hna. 2. Inn 25 an um i an dihlak in thawh dingin bia an i kam. 3. Zeizat tuk zg ah biahalnak le biasiphai nak um lo in kan i lawm tuk tiah lawm tein thawh an i tim dih. 4. Inn 25 nih an thawhmi dihlak $150,000 fai a si. Kan pal manh lo mi Inn 4 hrawng an tang i $200,000 a tling ding ah biatian a si.

5. LA ummi An lungput le thazang an chuah ning nih keimah pumpak zg thazang thar an ka pek bantuk i miphun dihlak nan i lawm lai tiah ka zumh. 6. Kan miphun chanhchuah nak caah 2022 Kum chung ah $50 Million (Sing 500) kan herh.
7. Kan tho kho lai ma; CBCUSA cheuhra cheukhat cuanh in Chin mi kut ah kumkhat ah $400 million kan ngeih a fiang.

8. Thawhlawm tho thiam lo zg kan um len rih caah Kum tin USA chin kut ah $500 million a um tiah theih khawh a si.
9. $500 million a tawngtham mi chin mi nih miphun chanhchuahnak caah $50 million cu kan chuah khawh hrimhrim lai tiah zumh a si. 10. Thah awk ah an kalpi cuahmah mi chin miphun chanhchuahnak cu Bawipa fial rian asi. (Phungthlukbia 24:11)

Chin Ram chanhchuahnak caah; 1. Human resource: Ralkap le tangka bawmtu kan herh. 2. Hriamnam kan herh! 3. Ralkap kan ngei maw? Ram caah nunnak pek timhcia a si mi mino relcawk lo kan ngeih Hna. 4. Tangka le Bawmtu kan um maw; International ah chin mi $ million relcawk lo Bawipa nih a kan tongh ter.

5. Hriamnam kan ngei kho maw; Relcawk lo in sernak le cawknak kan ngei cang! 6. Zeidah a tang; a can lio te ah Chin miphun vialte miphun chanhchuahnak ah mah le santlaih nak zawn in cawl dih kan herh! 7. Tih lo in kan tuah a herh mi tuanvo tu lak i zuam ko usih. 8. RAL kan tei lai! Credit: Zathawngcin Siakhel