Wuntho Khuapi Ah Ngunkhuai Khawltu Pyusawhti Kahdoh An Ton Caah An 3 In An Thi
=========
Sagaing ramṭhen, Wuntho khuapi nichuah lei um Shwe Kaung Htet datsi dawr ah motor he aa cawkmi hna ngunkhuai a khawltu pyusawhti 3 hna cu kahdoh an ton caah an 3 in an thi, tiah theih asi.
“June 15, zinglei suimilam 7:00 tluk ah motor he ngunkhuai kawltu hna Wuntho khuapi um pyusawhti an hruaitu simi Kyaw Win Mg, pyusawhti chungtel Win Ko le min theih lo mi pakhat (An zapi minung 3) hna cu luhhnawh in kan kah hna caah an 3 in an thi” tiah Wuntho Revolution_WR in ṭuanvo ngeitu pakhat nih June 17, nihin ah Khit Thit ah a chim.
Pyusawhti ralhrang pawl sin in Meithal zuun 2 le kut in an serchuahmi meithal zuun 1, Pistol 1 le hriamthil chaukhat hna zong kan laak chih. Mipi ralkap lei in hliamhma tuarmi kan um lo, tiah an langhter chih.
A Thih Suimilam 4 Hnu Ah A Nung Ṭhan; Ecuador ram khuapi pakhat Babahoyo ah nu pakhat cu a ruak vuinak caan an hman lio ah a ruakkuang chung in a tho ṭhan tiah theih asi. Tualchung media pakhat Jam Press nih a langhter ning in pitar kum 76 upa Bella Montoya cu thinlung zawtnak in si-inn pi ah a thi i si-bawi te zong nih a thi ti ah fianternak an tuah ti ah a chim.
Video ah a langh ning cun, nunnak liam mi a fapa Gilbert Balbert nih a nu nunnak umti lo mi ruak cu ṭha te in a zoh lio ah a thaw chuah a hmuh ca ah a ruakkuang chung in an chuah i Stretcher ah an ihter hnu ah mithi nu cu suimilam 4 hnu ah a nung ṭhan tiah an langhter.
A tu bantuk in a rak nung ṭhan tik ah a um ṭhingnak si-inn pi ah an chiah ṭhan i si-bawi te zong nih Montoya dirhmun cu ṭhawng chin chin lei a panh tiah an chim.Hi kong ah a fapa Balberan nih a chim mi cu ka nu hi Pathian rianṭuannak thawng in a rak tho ṭhan mi si tiah a langhter ve. Crd; Lungmili Post