‘Kan NAULE” titi hna hlah u, ”’kan RALKAAP” ti cang hna u’

”Chinchiah awktlaak biafang”
===========
”Kan NAULE” titi hna hlah u, ”’kan RALKAAP” ti cang hna u” Rev. Dr. THAWNGLING Mualhlun. (Nizan Vaurawng Zuunthil ah Rev.Za Thawng Cin Siakhel nih a chimmi chungin ka theihmi a si).

NOTE: Mah hihi abiapi ngaimi a si.A sullam aa dang taktak. Midang tlangcungmi hna zong nih an ralkaap hna kha kan naule an ti bal hna ka thei bal lo. Ziahtiah ”kan naule” ti cu ”kanmah nakin an hmuhtonmi a experience a tlawm deuhmi” timi a va sawh.

Rev. Za Thawng Cin Siakhel nih tutan Camp Victoria a va tlawn lio hna ah a hmuhtonmi a chimmi, ‘US in kaa thawh lioah hin CDF/CNA ralkaap pawl hi hehtiah Lecture (cawnpiaknak) ka peek hna lai tiah kaa tim, an sin ka va phanh cu an rak Smart tuk, cataang ngei saang le University a kai liomi an rak tor, an lungput an hoiher an biachim ka hmuh hna hnu cun, anmah bia tu kha ceilak in ngaih i US ka kir ṭhan hnu ah ram 3nk khuasa Chin Mipi ceilak in chimhchin ṭhan te tu ka lung ah a chuak” a ti.

”Kan BAWMH hna” titi hlah u, ”$$ Kan THAWH VE” ti cang u. We are proud of you all the CDFs le CNA kan Ralkaaps.

‘Miroling HRANG NAWL Biaroling’ ‘Atu ka u pat hnu, khua ka ruah ṭhan ahhin, ka ning a zak bikmi cu…ka tlanval lio (nupi ṭhit hlaan) ah nu le va aa ṭhenmi hna ka va cawnpiak tawnmi hna kha a si”(1987,Aizawl).

NOTE: Mah hi PU HRANG bia hi atu dohthlennak a hram ot kan i thawk cuahmah lio caan ahhin fim a kan chimtu biaroling si hraam seh. Ral zong tuk bal hleng ṭung lo, ralbawi zong ṭuan bal hleng ṭung lo, raltuk kong cauk aphunphun a rel ngaimi zong si hleng ṭung loin CNA ralbawi pawl cawnpiak, mawhchiat, thil an tuah ding FACE BOOK le VAURAWNG ZUUNTHIL ah va chimh/cawnpiak phun. Credit: Pu Tawk Cung

KUM 2022 LE KAWLRAM THLUACHUAH RUAHCHANNAK; Kum 2000, kumthar zanah, BAWIPA nih a rak ka hmuhtermi langhnak; Ka ihnak ah kawlnu hi a rak ra thliahmah i a kut dongin a ka sawh i, “Nan KHAMHTU a țum cang,” tiah a ka ti. Cun, a hun ka sawh țhan i, “Nan KHAMHTU a țum cang” tiah a ka ti țhan. Cun a let i a kir! A liam lai te ahkhin, siaherh ngai khin a hun i mer ta țhan i, a kut dongin a hun ka sawh țhan i, “Nan khamhtu a țum cang,” tiah a voithumnak a ka chimh țhan! Cun, van lei khi a kut dongin a hei sawh pahkhin, “MESSIAH cu,” a ti!

Hi kawlnu nihhin, a lu cungah țalawn pathum a thuatmi a hun i khinh pah! A tangbik le a pahnihnak țalawn cu an lawng i an cungah zeihmanh an um lo, an lawng ko! A pathumnak a cungbik țalawn ahcun facang a țha ngaimi, amu aa tello mi pawngkhat hrawng khi a um!

BAWIPA hmuhter mi hrimhrim a si caah hitihin Ka tuak; Țalawn aa khinh minu kha Kawlnu a si caah, kawlnu nihhin kawlram le mipi a hmuhsak! Țalawn cu facang vamhnak le thleinak a si caah, kawlram minung rai le ralin, hneksak, vamh le thlei kan sinak a hmuhsak!

Țalawn pathum nihhin kumthum a hmuhsak! kum 2020 le kum 2021 le kum 2022 an si. Țalawn pakhatnak le pahnihnak ah zeihmanh a um lo bantukin, kum 2020 le kum 2021 ah, rai le ral ruangah, kawlram mipi caah lunglawmh nak ding zeihmanh a um lo! Sihmanhsew, țalawn pathumnak ahcun, facangțha pawng khat hrawng a um caah a kum thumnak, kum 2022 ahcun, kawlram mipi caah a zatawk lunglawmhnak ding a um cang lai tiah ka tuak!

Kanmah Chin Miphun caah; “Nan KHAMHTU a țum cang, MESSIAH cu,” timi he pehtlaiin THIANG THLARAU nih, a philh bakin ka philh cang hnu, kum 2012 ah a hun nolh țhan i, David le Josep bantukin Thluachuah pek kan si nak ding cu fiang ngaiin a hun ka hngalhter țhan! Amen.

Kum 2020 January thla ah, fiang ngaiin Bible pahnih a ka pek țhan! Jer 29:11 le Hosea 6:3 an si. Jer 29:11 “Nan ca i ka tinhmi cu KEIMAH lawnglawng nih ka hngalh, tiah BAWIPA nih a ti. Cucu vanchiatnak si loin hmailei ruahchan nak le thluachuahnak caah a si lai.” Hosea 6:3 “BAWIPA hngalh cu i zuam u sih. Khua a dei hrimhrim lai bantukin, kan sinah a ra hrimhrim lai; Vawlei a hnawntertu ding țhal ruah a sur hrimhrim lai bantukin kan sinah a ra hrimhrim lai.

“Nan KHAMHTU a țum cang, MESSIAH cu,” ti le Hosea 6:3 i “BAWIPA cu ra hrimhrim lai,” ti hi Exodus 3:8 he hin zohchunh te u. Ni hmanung a rat lai cu a si rih lo. Chin/Lai Miphun hna hi BAWIPA PATHIAN nih a rianțuantu dingah a kan thim hrimhrim ko. Asinain thimmi hna nih BAWIPA PATHIAN Zaangfahnak le a Vel hi lunglawm taktakin kan cohlan thiam ve le a duhnak kan ruah le kan zulh ve a herh.

BAWIPA nih khi bantukin Chin miphun le Kawlram mipi caah, aa tinhmi langhnak a ka hmuhter mi hna an tlin khawhnak hnga, a biakam kengtu a sal pakhat ka si. Langhnak a dang zong an um rih ko hna. BAWIPA nih Vel le Daihnak in pe ko hna seh. KHRIH Lamkaltu, Tluang Lian (Martar). Credit: Even Tluang Lian