Paletwa Ah Eidin Man A Let Hnih In A Kai Cang
======================
Chin ramkulh, Paletwa peng, Sami ah facang, chiti le khachuan-sen tibantuk eidin mehmua man cu a hlannak in a let hnih a kai. Facang dip khat ah Ks. 180,000 tiang a phan, tiah tualchung mi nih RFA ah an chim.
Paletwa khuachung luhnak ah hin lam pahnih a um i Rakhine ramkulh in ti lam kalnak le Pakokku-Matupi-Paletwa motor lam cu hman cemmi a si. SAC ralkap nih uknak an lak hnu in Pakokku-Matupi-Paletwa motor lampi cu kahdohnak ruang ah hman khawh a si lo caah, Rakhine ramkulh Kyaukdaw kalnak ti lam cu hman deuh a si.
Tualchung mi hna nih cun, thilphorh kan duh tikah SAC ralkap sinah theihpinak ca kan lak tawn, kan phorhmi thil zohchih in phaisa kan liam, tiah an chim. Hmundang ah facang dip khat Ks. 80,000 in an cawkmi cu Sami ah cun dip khat ah Ks 180,000 tiang a phan, tiah an chim.
2023, kum thawkka ah cun facang dip khat ah Ks. 80,000, chiti cuaikhat ah Ks. 15000, Aiti pum thum Ks. 1000 in cawk a si nain, atu ah cun a let hnih tluk in a man an kai, tiah tualchung mi nih RFA ah an chim. Chin Youth Organisation of North America(CYONA) tawlrelnak in a ra lai mi July 3, 2023 ah hin Paih zuamnak a um lai i,
cu paih ah cun atulio Chin paih champion Mang Ceu Lian le Naga Paih paih champion Venuzo Dawhuo cu US ah an i pai lai. Hi kong he pehtlai in CYONA paih tawlreltu Salai Duh Cem nih The Chin Post biahalnak a leh ning ah, Naga Champion Venuzo hi CYONA nih US ah i pai ding in an cah mi a si i, Chin champion Mang Ceu Lian he lawng CYONA paih ah hin an i pai lai. Chin paṭhawng 8 hna zong a hramthawknak ah CYONA Championship in an i pai lai.
CYONA Board Treasuser le Sports Director a ṭuan lio mi Salai Duh Cem nih cun, “Kan i timhtuahnak duhsah tein a tlamtling thluahmah. Paih hi Pay Per View(PPV) in kan zuar lai i, $65 a si lai. A ni ah cawk a duh mi an um ahcun a man zong kaih a si te lai. Hmailei ah Naga paṭhawng Venuzo cu US ah rat in, Lai paih tein Lai paṭhawng pakhat he paihnak caanṭha hi a um ti lo kho men.
Cucaah mipi nih CYONA tuahmi Paih hi thazaang kan chuahpi ulaw, rak kan telpi u,” tiah TCP biahalnak he pehtlai in mipi sin sawmnak a tuah. Naga Champion Venuzo Dawhuo hi 2023 Naga Wrestling Association paih champion lio mi a si i, Naga paṭhawng vialte a teitu a si.
Cubantuk in Chin paṭhawng Mang Ceu Lian zong hi atulio ah Chin paṭhawng vialte a teitu a si. Naga le Chin Paih hi aa khat dih lo nain za ah sawmkua cu aa khat khan a si caah Naga le Chin miphun nih kan i hrawm khawh mi lentecelh a si. Kan Lai paṭhawng Rung Lian Ceu, Biak Hmun Sang, Uk Lian Thang le Van Ceu Hmung hna zong Nagaland ah Naga paih in an rak i pai cang. Atutan hi Naga miphun nih Lai paih in an i paih a voikhatnak ding a si.