Kan Inn mei an duah (Thantlang), Hakha inn an thlet bauh dih, Ralhrang 25 Police 10 nih lak awk umlo tiang in an thletbauh dih!
Ka Hawipa Chin Pasalṭha Salai Tui Dim
==========
Ka facebook thihnak in a thoṭhan. Ka Hawipa Salai Tui Dim cu thoṭhan in a nungṭhan khawh ti lailo. Ka fb cu Ni (72) thah asi. Ka Kawi cu Chinram le Chin Miphun caah a thisen le a nunnak cu Biakṭheng ah a pekchan cang. A liam hlan a nunnak le a caanṭha vialte, Chinram le Chin Miphun caah a hmang. Amah le Chungkhar caah caanṭha a pe manh tilo.
Kei cu kawlkhawh ṭhan le derhkhawh ṭhan asimi, Kan Inn mei an duah (Ttl), Hakha inn an thlet bauh dih, Rallokap 25 Police 10 nih lak awk umlo tiang in an thletbauh dih, an duh mi vialte an i lak dih nain ka nunnak a him rih. Inn hngak piaktu zong an um ngam tilo, an tlikzam dih ve. Ka Kawipa cu: Kawl in hmuh ṭhan khawh asi tilo mi, nunnak le thisen in, Ram le Miphun caah aape cang.
Kakawi cu: Chin Phuntungtu le Ramdawtu hna Chumtual ah lennak nawl a hmuh cang. Kei cu an kuli phurtu le fial chukcho caa tal ah kaa thlak hnga maw? Photo hi Chin Cozah nih tuahmi Seminar ah asi. CNA upa ai awh in Salai Htet Ni an rak kai ve. An ID hi adum mi an i ken.
Kala, Kawrkha le Rohingya Hmanpung btk an i ken lio asi. Kan pathum tein biatak tein kan chimhrel mi cu Laica cawnnak kong asi. Burma census ah Chinmi cu 90% leng ca an thiam tiah an ṭial. Zeitindah cazin nan lak kan ti hna. Laica an rel kho, an ṭial khawh ahcun cathiam tiah kan cohlan hna tiah an kan leh. Tamada Tin Sui i Adivosor le a kusalepa nih.
Keinih likmalak ka tho i ka chalh colh hna. Cozah kip nih Cawnnak nawl peklomi Laica asi ti nan hngalh ko bu ah hitin nan tuah ding asilo. Sikunkaw, Laica hi sianginn ah cawnnak nawl full in rak kan pe ve uh ka ti. Annih nih Tamada Tin Sui sinah ka in chimh piak hna lai an kan ti. Pu Htet Ni nih ka ṭhu hlan ah, atho ve. Tlangcung upa hna theihter loin thil tuah ti hlah uh, hi hnu i ralrin cang uh ati hna.
Kakawi Salai Tui Dim nih Chin caholh, Chin Nunphung, Chun Upadi, le Federal timi mah tein khuakhan Lairelnak cu a cawnpiak ve hna. Siang Inn ah Laica cawnnak nawl nan kan pe ah khan Federal hram aa thawk ve lai. Cucu nan tuah fawn loah, tu btk thil nan tuah hi cu Chinmi (Laimi) nan kan zawmtaih asi tiah rolung a bunh ve hna. Credit: Saya H. Rung Kaw
Mindat kan fanu te ca Ke tuh tuah piak nak ding caah Mindat kan fanu te aa thlawpnak ding phaisa kan rak pek lio ah khan, a dam deuh khawh a si ahcun, Lam a kal khawh nakding ke kan serpiak khawh naklai ka thinlung ah a rak cam tuk. Tuzing cu Pathian thawngin kan fanu te ke tuh bunhpiak kho ding dirhmun lei kan van si khawh caah, Chinland Foundation in hringtu a pa sinah sing 15,00000 kan pek khawh caah lunglawmhnak lianpi kan ngei.
Chinland Foundation i a kan telpitu nan dihlak cungah Pathian thluachuah um ko seh. Kan fanu te hi dawtu hna thawng in Rangoon sii inn ṭha cem pakhat ah thlawp a si i, a caah ke ṭhami te serpiak kho hram hna seh.
CDF-KKG sin ah Matupi ralkap Captain pakhat hriamnam he CDM a tuah. Matupi hrambunh Ralhraang Tactical Command ah Captain rian a tuan i, atu caan karlak Monywa ah rian khinh chung mi Captain Kaung Thu Win cu uknak chuttu kuttang ah riantuan ka duh ti lo ti in hriamnam le kuanzen tling he 2021 December 23 ah, CDF-KKG (Chinland Defense Force – Kalay Kabaw, Gangaw) sin ah i ap in CDM a tuah.
Captain Kaung Thu Win cu a voi 52nak DSA (Kawl ralkap sianghleirun) chuak a si i, a pumpak number cu ကြည်း ၅၅၇၂၅ a si. Uknak chuttu Ralhrang Council nih rammi zapi cung an tuahsernak thalo a duh lo i, CDM a rak tuah mi Captain Kaung Thu Win le a chungkhar cu CDF-KKG nih laksawng tangka an pek hna hnu ah himnak hmun ah an thlah hna tiah CDF-KKG sin in theih a si. Credit: The Hakha Post