Kan Inn Kangh Ni; Ram le miphun caah. Ka naupa bia in chim ahcun DOTLA a si.

2022 Jan 3 – Kan Inn Kangh Ni
=======
Hawi sinah kan inn a kaang ve – ram le miphun caah. Ka naupa bia in chim ahcun DOTLA a si, tinak a si. A taktak ah cun hi inn hi kan inn taktak a si lo. Salm 90:1 zawn i, Moses thlacamnak ah “Maw Bawipa, nangmah cu kan inn na si zungzal” a ti bantukin kan inn taktak cu Bawipa a si. Amen!

Kan ngaih cu a chia. Sihmanhsehlaw kan i ruahchanmi hi Bawipa sinah a um caah kan tuar khawh tuk. Kum 4/5 te Bawipa nih a kan hlanhmi cungah kan i lawm tuk. Amah lila nih a kan pek than te lai. Bawipa min thangthat si ko seh.
Kangh-uh a tongmi miphun hawi vialte hna kan tuarpi tuk hna. Kan hnemh hna. I hrimhnak ding dang kan ngei lo – Jesuh Khrih ah i hriim hna usih mu. Zeizong vialte hi Bawipa sunparnak caah si dih ko hna seh.

Thantlang kangh kong kan theih lengmang mi nih kan nun a hliam tuk ko ee kan ti lioah atu, nan inn a van kangh ve tik i na cabia ka relmi nih aka hnemh tuk than. Rial dip in kan um nain kan kekkuai ngaingai loh tiah Paul nih atimi bia kha Thantlang khua ca le inn kangh a tongmi caah tling te ko seh. Nan chungkhar dihlak Bawipa nih a thawnnak kha nan chunglei ah langhter in tuar thiamnak in chap ko hna seh mu.

ka Tu pa nang mah tu nih midang har tong mi na vun hnemh khawh leh lam hna, Zumh nak Pa dir hmun ah na lung thin na chiah khawh ca ah kaan lawmh tuk hrin hran. A hnemhzia zong kan in thiam hnalo e. Nan lung athawn cio zia kan hmuh tikah Bawipa thawng in nan in tuar kho cio ti alang. Kan i hrimnak si hrma ko sehlaw.

Pathian mi le fa ciammam intuar zia na thiam i kan hna a ngam deuh. Hi nak țha pin Pathian nih an pek țhan hna lai dahfawh! Pathian nih lam dang in thlachuah in pe than ko hna sehlaw. Kan ngaihchiatpi tuk hna, Caption na ttial mi thazaang tampi kai lak ee. Amen.

Alang in ahnemh zia zg kan in thiam hna loh. Nan Mah sin tu in thawngtha Le thazang kan la. Arian nan Tuan mi Pathian nih an Hmuh ko hna. Thlacam nak dah lo kan tuah khawh mi a um. Lo e Ka pathawng aw. Bawipa tu nih in Hnem ko hna seh mu. nan inn cu a ciam ruang mang mu. Zei bia dah kan chim lai ti hmanh kan hngal ti lo. Aw.. zeitin kan tuah rua hnga… Bawipa nih kan ttahhramnak hi kan theih piak hram seh.

Ngaihchiatnak, lungfahnak le sungh zatlaknak vialte kan Pathian nih a hmuh ko. Kan ram a damnak le luatnak kan hmuhnak caah si ko seh. Hmailei ah lunun ngandamnak le thluachuah nan hmuhnak si ko seh. Minung leikap cun. tuar ding a tam ko. A poituk ti hlei in chim khawh mi kan ngei lo. Bawipa nih a ttha deuh mi inn ttha an pek Hna caan a um te ko lai. By – Anna Pa

January 3, 2022, Thantlang khua an khangh than, nan inn hrawng adihlak in aciam an ti. Minung kan him le kan nun dam a biapi dawhawh! Adikmi uknak le thlennak achuahtu hi abiapi dawhawh. Pathian nih a kan zaangfah lai le kan ram, kan khua, kan inn kan lo cu, Pathian thawng in, kan sakthan te hna lai dawhawh. Nihin kan ram nih kan tonmi thihnak, sunghnak, harnak le kanghuhnak kan ton mi vialte hi Bawipa nih akan theih piak ko. Nikhatkhat cu kan ram thlennak caah santleihnak angei hrimhrim ko lai tiah kai ruahchan.

Hmailei kong ah na thin phang hlah! Abiakam alet ballo tu kan Pathian aum. Mathai 6: 25″Cucaah cun nan nunnak ding ca i nan herhmi rawl le ti kong ah le nan pum ca i nan herhmi hnipuan kong ah lungrethei awlokchong in va um hlah u, kan ti hna.

A ngaingai ti ahcun, nunnak hi rawl nakin a biapi deuh lo maw? Cun pum zong hi hnipuan nakin a biapi deuh lo maw? 26 A zuang lengmangmi va khi zoh tuah hna u: thlaici an tuh bal lo, rawl an ṭuan bal lo, buk zongah an rawn bal lo; sihmanhsehlaw vancung i a ummi nan Pa nih a zohkhenh ko hna. A si ah, nannih cu va nakin nan biapi deuh lo maw? 27 Nan lungre a theih le nan awlok a chon thawngin nan nunnak tlawmte tal a sauter kho deuh mi aho tal nan um maw? 28

“Cucaah zeicahdah hnipuan kong ah nan lungre a theih? Ramlak i a khomi lili pangpar khi zoh tuah hna ngat u: rian an ṭuan lo, hnipuan zong zeihmanh an i tah lo. 29 Sihmanhsehlaw hihi kan chimh hna: Siangpahrang Solomon hmanh kha, kha tluk khan a rum ko nain hi pangpar hna lak i pakhat tluk hmanh hin aa dawhmi hnipuan a ngei lo. 30

Sihmanhsehlaw ramlak ramkung, nihin ah a hring i thaizing ah meichung i an paihmi ramkung hna, a thuamhtu cu Pathian pei a si cu. Amah nih cun nannih chinchin cu thuamh loin an um hna hnga maw? Nan zumhnak a va hme hringhran dah! 31 Cucaah, ‘Khuazei in dah ka ei awk ka rawl cu ka hmuh lai, ka din awk cu ka hmuh lai, ka hnipuan cu ka hmuh lai,’ tiin lungrethei in um hlah ngat u. 32 (Hi thil hna cu Pathian bia lomi hna nih an lungre an i theihpi zungzalmi pei an si cu.) Vancung khua i a ummi nan Pa nih hi thil vialte cu nan herh dih hna ti kha a hngalh ko.

Ka thannak le fimnak ka cawnnak hmun, thatcaan ah a ka lomhpi zungzal tu le ngeihchiat caan ah lung a ka fahpi tu, a rak ka cawmtu le a ka dawtu hna umnak, Sianginn sang le kan Khrihfabu chungkhar hna inn le lo vialte vutcam ah a ciam dih ko e timi thawngtheih cu thinlung chungah fei chunh bantuk in a fak hringhren.

Dawtnak in a ka than tertu hna umnak runinn, siaherhnak le zawnruah nak ka cawnnak chungkhar hna nan lungkuai dingning le nan ngan fah dingning ka ruahah ka nunnak nih a celh hrimhrim ve lo. Nan zamnak le nan i dornak hmun cioin biangcung ah hnawhcawk loin a luangmi nan mitthli Bawipa nih a hmuh.

Tinh piakmi a kan ngeitu zong a mah Bawipa a si caah a rawk khomi le khangh khawhmi inn le lo leiah kan thinlung, ruahnak hoi lo in a rawk kho lo i a kan zamtak ballo tu Bawipa dawtnak lei tuah nan nunnak rak hoi cio hram u. Bawipa nih nan tuarmi aa cinken ko, a philh lo. A dawtnak zong a zor hlei lo i a kan zamtak bal fawn lo.

Isiah 41:10-13-Na thin phang hlah… na sinah ka um ko. Keimah cu na Pathian ka si zeihmanh tih hlah. Kan thawnter lai i kan bawmh lai, kan huhphenh lai i kan khamh lai. Ka mi hna nan cung i a thin a hungmi cu hmaichiatnak le ningzahnak an hmu lai. Nanmah an dohtu hna cu an thi lai, nanmah cungah raldohnak a tuahmi cu vawlei in an lo lai. Keimah cu Bawipa nan Pathian ka si i thawnnak kan pek hna. “Nan thinphang hlah u. kan bawmh hna lai tiah keimah nih ka ti,” a ti. Credit: Biak Tha, John Za Thleng