Kan Hriamtlai Caah Sia Her Bia Roling!

KAN HRIAM TLAI CAAH SIA HERH BIA.
==========
Kei mah nih katheih tawk le Ca karel mi chungin, katheih khoh tawk ka van langh ter mi Asi. Fim le cawn piak ah ka rel hlah uh, tiah kan Nawl hna. Ralpi 2 nak lio i Japan Ralkap an rak sual kho taktak mi an rak si, Korea ram hna i Japan ralkap an rak sual ning le Filepine ram hna ah an rak sual tuk, Sual Er Let in An rak sual hna, Korea ram ah hin, Nupawl hi an duh poh in An rak tuah An sual pi hna, Atu tiang ah Japan cungah An lung Afak thai, Nain Japan Cozah nih An Nawl pat tawn hna.

Tuluk ram Nichuah lei zongah An rak sual tuk fawn, Filipine ram le bang ah cun, Biak inn chung pumh (Pathian thangțhat) lio hna ah An va lut le Nu ngak dawh dawh pawl kha An sual pi hna, An duh le biak inn chungah an rak thah hna. Manilaa khuapi chung Hotal ah Ral bawi pawl nih An Auh ter hna i Hotel chungah An duhduh in an rak sual pi hna, An sual nak Atam tuk Atawi nak in.

kawlram an rak phak ah cun, Cu tluk in An sualti lo Nitlak lei Europe ram in, Hitler Nazi Ralkap pawl an rak sual tuk ve..Mifim thiam nih, An sual ning an zoh tik ah Mual pho nak le van chiat nak an tong te lai an rak ti hna Ahnu ah zoh chia tak in Ral an sung taktak. Ralram hriamnam put bu in, Nu duh na loin, An sualpi hna ah cun, Rau lo te ah, Mit hmuh kut tongh in ralkut in an thi hrimhrim ti Asi.

CNF/A zong kha An hram thok ah cun, Lor tuk in Ralkap pawl an rak um caah, Mipi an lung Arak fak ngai Mipi caah hriam kantlai mi kan si ti hi i fian ngai Arak hau,. “Thluak tlawmpah, hriam nam put pah, Zuurit pah bu cun, thil sual tuah Afawi te”.

Uico hrang cu, kan țhih ruangah, CEKCEKCEK.tiin kan lem hram tawn, kan duh dawt bia Asi lo, kan țih ruang ah Asi.
Atu lio kan Chin miphun zong Kum 60 reng lo Akan hremtu ralhrang kan doh tik ah, An mah Ralhrang bantuk si lo ding in le, VaSual loin, Chin mi khrifa nih cun, Pathian zoh bu tein, Ralhrang doh ko hna Usih law kan tei ko lai tiin..

Kawl ralkap zulhphung an ngeihmi Pa 2 tein kavan langhter lai. Pakhatnak ah Mipi cung ah- Ti bantuk in nanem lai i Thlapa bantuk in nadai lai. Pahnihnak ah Naral cung ah – Mei bantuk in nasa lai i – Nika bantuk in na lin lai. Timi an cawnpiak hna. Pakhatnak hi cu Kawlralkap he cun airalkah tuk mi asi. Pahnihnak hi, hi an cawnpiakmi hna let in an hman caah atu an sungh thluahmah nak hi asi, sau anawk lai loh. Sangling Thantlang.