Kan Fale Hna Thisen Authawng!

KAN FALE HNA THISEN AU THAWNG!
=====
Kan fale thisen, au thawng hi a thang tuk e! Li bangin a hninh in a kan hninh ko! A hna a chehter lomi nihcun an theih ko.

Kan fale nunnak thisen le Lai lungrawn khua i mitthli le țahhramnak aw thawng hna hi, BAWIPA nih a theih ko, tluk-rualnak le dinfelnak theipar ah, cangte selaw tiin ka thlarau cu a hrum i, ka mitthli zong nih a ti ve! Ka nunah a langmi cu, “Cung PATHIAN nih a theih ko, Lai a rel te ko lai,” ti hi a si.

Nihin, BAWIPA pekmi kan pulpit cung i kan fale hna thisen au aw hi hodah aa theih ter lo ngam? Thingin sermi pulpit cung i aupi mi a si ti lo. Mino, kan fale thisen pulpit cungin, miphun dawt le Dinfelnak le Tluk-rualnak cu au pi a si cang!

Cucaah, Chinmi, khuanu khuapa, mifim mirum, ngaknu tlangval, ram cung ram leng a ummi kan dihlak in, kan ram chungah miphun Dawtnak le Dinfelnak le Tlukruannak a um khawhnak hnga, lungrual in țan caan a si cang. BAWIPA rianțuantu vialte nih, kanmah sualnak, kan chungkhar sualnak le kan miphun sualnak phuangin, BAWIPA cu au lengmang hna usih.

Atu caan hi kanmah caan a si. Kan cawl caan a si. Nan lung dong hlah u, zeitintiah, hi dohnak hi BAWIPA ta a si. Teinak petu cu BAWIPA a si. KHRIH Lamkaltu, Tluang Lian (Martar)

CDF-Thantlang Mino 3 Ruak Nihin ah an Khua Cio ah an Vui Hna. December 8 ah Thantlang khuachung kahdohnak ah a nunnak a liammi Salai Ram Lian Peng, Salai Van Tha Ceu le Salai Bawi Za Uk hna i an ruak cu nihin ah an khua cio ah an vui hna, tiah thawngpang kan theih. Nizaan December 9 ah khan CDF-Thantlang ralkap pawl nih kahdohnak lak ah an ruak an vung lak khawh hna.

Sopum khua upa pakhat nih, “Nizaan ah khan CDF-Thantlang kan naule nih an pathum ning tein an ruak an lak khawh hna. Zaan sml. 7:30 hrawng ah kan khua ah an rak phakpi hna. Kan naule pathum an lu an um ti lo. Thlacamnak kan tuah hnu ah anmah le khua lei cio ah an phorh hna,” tiah The Chin Journal ah a chim.

December 8 ah Thantlang AG biakinn pawng ah inn duah a timmi SAC ralhrang pawl cu CDF-Thantlang nih an kal hnawh hna tik ah timhcia tein a rak hngaktu ralhrang pawl nih ruah lo piin an kah hna caah mithi le hliampu an umnak hi a si.

Thau khuami Salai Van Tha Ceu i a ruak cu nihin chun sml. 11:00 ah an vui cang. Thau khua upa pakhat nih, “Salai Van Tha Ceu ruak cu nihin zinglei sml. 6:00 hrawng khan khua ah an rak phakpi i, sml. 11:00 ah a ruak kan thlak. Ruakuang chung ah a ruak cu kan chiah i ahohmanh zoh ter ti loin cuticun thlacamnak tein kan vui,” tiah a chim.

Salai Ram Lian Peng le Salai Bawi Za Uk hna i an ruak zong Zephai le Hriangkhan ah an tlunpi hna i nihin ah ruak an thlak ve hna, tiah thawngpang kan theih. Hmanthlak: Salai Van Tha Ceu ruakthlaknak. Credit: The Chin Journal

Heros Of Thantlang Youngmen! Hauhruang Special in kulh mi Jerusalem hmanh kha Judah mino nih an veng khawh lo can a tampi. AD 70 ah a ciam i Israeli miphun kum 1877 an tlau ve. Nihin tiang Israel khuapi asi dih rih lo. Holy Land Then (4) ah then (1) lawng hi Israel covo asi.

Sui Thantlang Khualipi cu Kawl Ralkap nih an khangh dih ngawt cang Zilpici nel btk in a thiang cang. Bualrawn btk asimi i pheh awk thil a um lo nak ah, Ral va namh hi vawleipi ah a ngamh mi an um lo. David nih Uriah kha naih awk asilomi hi btk ah, a naih ter i a thah khah!

Kanram le Miphun zalennak, Kan Sui Khualipi khumzual awk ah Dotlami Tuu fano bang nunnak sung Biaktheng ah Pekchan tu hna nan si. Kan fapa le 3 hi AG an si lai ka zumh lo. Nain AG Biakinn an khangh lo nak hnga an thisen tu an pek chan. Mi Pical Lungput le Pasal tha sinak tehte asi.

Thantlang AG Biakinn min kha kan fapa le (3) min in thlen ding asi ko hnga! Thantlang Khuami kan tli mi hi kan palh ko lo maw ka ti phah cang. Mi ralchia kan si va ti ah, asi hoi lo. A poi tak khi asi ko. Mi raltha le Pasal tha rual CDF kan fa le rual lawng hi an si ko. Adang kong cu chim duh hlah ning! Credit: Joseph R. Thang

Miphun le ram dawtnak ruang ah nunnak petu, fa Dawt le nan Liam thawng theih cu lungthin a fak khun ko ee, Bawipa khua khan hngalh a har ko mu. Ngaihchiat nak tuar mi chungkhar vialte, Thantlang CDF/CNA fa Nau vialte Pathian nih in hnem in thazaang thar in pe ko hna seh tiah thlazaa kan in cam piak hna.

An hmailei caan saupi a um rih mi mino hna an vun kal tikah, ka ngaihchiat le ka lungfah azual chin. Mifa dawt hna, thih tih lo aho dah aum? kan tih cio, an tih cio kolai. Tih bu ih pahchih hi vulei cungah thil har vialte lakah ahar cem mi asi. Ka mitthli atla. Kan siang hna lo, Pathian taangnem ah I din uhlaw.

Kan dawttukmi kan fapale nan 3 tein kan upattuk hña i kan duhtuk fawn hña nan kum rup loin nan nun Ram le miphun caah matar in nan pek ngam mi ka hmuh tikah nan ai awh Thiam uh si law. Keimah bantuk tar hña nih nan aiawh kho hña usihlaw Kan ram caah nung rih ulaw tiah nan lungput ka hmuhmi nih kan Siang rih hrimhrim hña lo e.

Ka fale nan Thisen nih tlang a auhte lai nan hnu in na ule nih phu an rak hlamte lai. Teinak Thantar ni ahcun nan tian bia dawh mitthli he an phailente hña lai mu maw Sianglo fa dawt hña Van Arfi le maw Thlapa tebang zohcim lo in zoh Thla lio ah nan tlaw tiang mang fak cu tuar a har Khin ko e. Daitein va din kun ulaw, Làksawng he Tawnnak caan tu a nung rih mi nih kan hngak Hlang rih lai mu, nile Thla kum le caan rel bu in mu bye bye rih u law.