Kan Chin ralkap Camp hi sungh a ngah lo mi a si, Camp pi pakhat sungh cu!

KAN RIAN
==========
Tulio te hi biasiphai lo tein CNF/CDFs kan dirpi an herhtuk lio caan asi. Chinram cu SAC nih lak le tuk kan si cang. Tuzong cu raltuknak tank le ralhrang 700 tluk he Chin ralkap Camp cu lak dingah an itim.

Hi kan Chin ralkap Camp hi sungh a ngah lo mi a si, Camp pi pakhat sungh cu, ral kan sung ti tluk nawn khi asi caah CNA/CDFs lawng rinh lo in mah le khaptawk cio in ralhrang hi kan doh cio a herh. Raldoh tikah hriamnam i tlaih pakhat lawng si lo, cuka khaka ah ralhrang an rak phan, mah ticun an cawlcang tiah na rak ngiat i thawng na pekmi kha ral na tuk phunkhat sive.

CNA/CDFs ral an tuk tikah Innka rak hun piak, tirawl rak pek le an ihliam tikah rak thlopbul nak na tuahmi zong kha ral na tuk a si. Cucaah kan dih lak tein hi ralhrang hi kan dohtti ahcun fawite in kan tei lai. CNA/CDFs lawng kan rinh hna ahcun kan raltei a tlai lai, tei kan iharh tuk fawn lai.

Ralthawh ahcun alamkip in mipi nan/kan har cio ko lai, cucaah ngeihchun mi tirawl kha innpa chakthlang ihrawmh le ipek cio ding a si lai. Tu caan ahhin kanmah chungkhar lawng khimte in ei usih ti caan ah kan dir lo, kan ngeihchun tirawl/tangka tlawmpal te kha i cheuhbauh cio caan a si.

Camp Victoria An Tuk Lai An Phan Deng Cang. Vaurawng zunthil nih Dr. Lian Hmung Sakhong biaruahnak an ngeih mi ah a chimmi cu Min Aung Hlaing ralhrang phu nih Victoria Camp a tuk ding an a ra lio a ti, tiah a chim. A luan cangmi caan zeizet ah khan Camp Victoria kan tuk lai an timi biathli cu National Unity Government (NUG) nih kan theih cang a ti.

Atu hi mawtaw ngan pipi 52 in minung 700 hrawng cu kawlrawn lei in a rak phorh hna i, Zahan zan ah Kalaymyo an phan. Chinram an tak panh thluahmah cang. Kalay ah atu hi an um lio si. Camp Victoria tuk a timh caah Laitlang lei a rak kai cawlh lai a ti. Kan tei hriam hna lai, a ruang cu Lai mi cu Jesuh kha kan bawi ah kan chiah i a nungmi Pathian he ral kan tu a ti. Hihi Min Aung Hliang nih a thei loh a ti.

Min Aung Hlaing nih Chin mi a kan nek tuk caah fawi tein ka tei lai tiah a ruah. A ruah bantuk kan si lai lo. Rak ra tuah seh a theih lai a nungmi Pathian nih a kan dohpi lai. Kan tih naisai hna lo tiah a ti. A nawlh rih mi cu nu vialte le mino vialte nih MAH ralhrang an si khawh tawk cio in an doh mi hi a tih bik mi a si tiah a ti.

A bia donghnak ah a tu hi Victoria Camp laak ding ah an rak kai cuahmah cang Kalay an phan. Lampi thluangthluan ah kan kah hna lai kan doh hna lai, lung kan hrilh hnawh hna lai i kan tei hrimhrim hna lai.

Kan bochan tukmi kan ralkap CDF/CNA pasalṭha, nusalṭha hna, ṭihphannak le lungzurnak thinlung zeihmanh ngei hrimhrim hlah u mu… Bawipa nih an dohpi hna lai ee, nan caah thla kan cam lengmang ko.

Emergency Thawngthanhnak. Atu hi CNF/A camp lak dingin Kalaymyo in Hakha lei ralhrang mawttaw 11 bak an rak i thawh i lampi ah PDF le CDF he an i kap cuahmah lio a si ti a si. Cucaah Falam, Hakha an rak luh khawh sual nakhnga lo, thing le lung tal in lam nan rak kham cio a hau lai.

Lam le hlei hrawh awk atthat nak vialte kha hrawh zokzok dih ahau cangkhah. Khuakhat mawtaw khat cio rak fim hna u Hakha an phanh hlan. Kan ram ciacia ah zei dah nan tih fei le naam chan hmanh ah kan pupalete nih an rak tih bal hna lo. Hlei zong rak hrawk ko u. Lam arawh cun an kai kho bak lai lo.Bawipa kan dirpiko.

Ambush rak tuah hna seh lam ah IED bomb lamcung ah ceilak in rak phum hna sehlaw that dih hna seh! Kan tih nem mam hna lo. An thih caan a phanh caah an rak ra mi si. Kan I phomh Lai cu, An kan calh le calh lo si Lai. Emergency thawngthanhnak hi Chin miphun kan humhimnak ding caah a biapi tukmi a si caah, rak share cio hram uh.

Hi thawng hi rak thanh chin cio zawk hram ulaw. Kalay in Laitlang kainak Taingen khua phanh hlan deuhah an i kah lio pi si. Kan miphun ralkap caah thlacam cio usih. Kalaymyo in Chinram ah ralhrang raltuknak tank 2 le motor 14 tuzingka in an kai tiah theih si.

Kalaymyo ah raltuknak tank pa 2 tel in ralhrang motor 40 an phan. Chinram tukdoh dingah kalaymyo ah hramkhuar an itim si kho tiah zumh cemmi a si. Bomh caan asi cang mah hna pawl an dih cun , an dih len ve ko cang hih. Gangaw lei in a ra mi Council ralkap motor 40 renglo le raltuknak motor (Armoured vehicle) pahnih cu nihin, October 8 ah Kalaymyo an rak phan tiah theih a si.