Kan Chin Nu Hna Thazang Peknak

𝐊𝐚𝐧 𝐂𝐡𝐢𝐧 𝐧𝐮 𝐡𝐧𝐚 𝐭𝐡𝐚𝐳𝐚𝐧𝐠 𝐩𝐞𝐤𝐧𝐚𝐤:

Atu na sining ah hin lung retheinak le muihnak in a khat el maw? Ningzah mualphonak hna in na nun hi a khat el maw? Na hngakchia lio ah na nu le na pa hna ai then mi si ruangah ni hin ni tiang hmaihngal loin na um peng rih maw? Nihsawh, thlanglamhnak le hramhram in nu pa sualpi nak tiang a ingtuar bal mi na si el maw?  Ka thi tiang umpi ding in vat nai timh mi tlangval pa hna nih an kal tak ruangah na hmailei ruat kho ti loin na um sual maw? Napemnak ram pawngkam pa pawl le minung hna nih nihsawh zomhteih na ton ruangah thazang zor le zei tuah hmanh huam lo tiang in na lung zor bal maw?  Na nu le pa nih hi vawilei in an in kal tak ruangah na thazang a der tuk sual maw?

Atanglei nu kong hi na ruat bal maw? Minak a si pin ah nu le pa tha tein ai tthi um lo mi sin in a chuak. A nu sin um a chel. A pa sin a um chel. A nu sin a um lio kum 9 hrawng ah hin tleihhrem a tong leng mang cang. Voikhat hnih lawng a si lo. Zei a tuah paoh thin lung fahnak in a rak khat ve.

Kum 12 a si lio te ah biachim a thiam ruangah $500 an rak pek. Tangka pek in mihmai biachim kha ai tim. Asinain, chungkhar ruangah a nu sin ah an um ter. Khuacimuihnak le vansangaunak in a rak khat than. Kum zei maw zat hnu ah a pa sin ah a kal than. A pa nih tha tein cawnpiaknak tang ah a than than i fak pi le din lo tein ai zuam peng caah a chuah ka in a min auh hmanh a har tuk ruangah a fawinak deuh in kawh auh thai mi nu cu vawilei pi a hnin ve mi mi roling nu ah ai chuak.

A pahrang kha zei dah a si ti kha tha tein ai theih hnu ah teirial bu tein ai zuam peng. Ni hin ni ahcun minthang pakhat lawng siloin chawva lei in billion tiang a ngei mi mirum ah ai chuah rih. Atu cu Oprah Winfrey tiah zapi nih kan theih dih. Zei tluk muihnak le lungdonghnak zong na ton len ko lai. Caan khat le cikhat sinak ruangah na hmai lei zong a mui ko lai. Cu muihnak pin lei ahcun ceunak a rak um peng. Mah bal te cu na lung thawng i nangmah tein nai zuam khawh ti lo mi kha bomhnak na hal hrim hna a hau lai.

Kan herh taktak le kan duh taktak ahcun kan pawngkam te ah hin bomhtu tha an rak um peng ko. Pathian pek mi na pahrang kha thei bu tein thih ngam in doi ko. Na nun chungah something cu na si hrim ko lai. Kan Chin nu hna hi kan thancho deuh lawng ah kan miphun a thangcho deuh ve lai. Credit: Sang Hre

Leave a Reply

Your email address will not be published. Required fields are marked *