Sagaing ramthen Kalaymyo ah mizapi a ramh tawntu (Damiah Taihtu) minung 2 cu nihin March 3 ah a ho ti theih lo mi hriamtlai phu nih an kah hna i an thi tiah theih a si.
Mi a ramh tawn tu minung 2 hna cu nihin March 3,zinglei slm 11 tluk ah khan Kalaymyo Tatoothida sang zu dawr pakhat i zu an din cuahmah lio ah a tu bantuk in kah an ton hi a si.
“Zu an din cuahmah lio ah an rak kah hna i an thi,ho te phu nih an kah timi cu ka thei lo,an ruak hna cu sii-inn ah an kal pi hna” tiah khuami pakhat nih Zalen ah a chim.
Nizan tihni March 1 ah khan PDF kan si tiin lam a kal mi mizapi hna cu an rak ramh hna i Phone, hnatonh bank cark hna an rak chuh hna tiah theih a si. CBN Daily News
Thawngpang dang: Khaikam – Taingen Lampi Cu Hman Rih Lo Dingin CDF-CDM SIYIN Nih An Thanh. Sagaing ramṭhen le Chin ramkulh ramri ah ummi Khaikam in Taingen lampi cu 2024, March 3 thok in mizapi nih hman rih lo dingin CDF – CDM Siyin nih nihin March 3 ah cathanh an chuah.
Khaikham le Taingen lampi ah phungning loin khuasa mi hna zong nih mah cathanh an chuah ni thok in hrial dih dingah ralrin peknak an tuah chih.
Atu bantuk in nawl kan chuahmi a zul lo mi paoh cu phungning tein dantat nan si lai, tiah CDF-CDM Siyin nih cathanh an chuahmi ah an langhter chih.