Breaking News: Tahan Ah Inn 2 A Kaang
=========
Sagaing ramṭhen, Kalaymyo khuapi, Tahan sang Bogyoke lam arti zuarnak dawr le a pawngkam inn pakhat cu nihin June 6, zan suimilam 8:00 hrawng in mei kanghnak a chuak, tiah theih a si.
Inn kanghnak ruang ah ngakchia pakhat zong a ban ah mei nih tlawmpal a kangh chih nain a takpum tu cu a him. Mei thattu motor a rak phanh caah atu cu mei an thah khawh, tiah Zalen nih a langhter.
https://www.facebook.com/photo/?fbid=269161982297045&set=pcb.269162055630371&__cft__[0]=AZWm2_UhZsJT4Ni0tWLyKoeq0SoBCGHKGoSyOs04QyYCxNJGeU4d3Ek2kXadqvgWDJrFCs4sK-XA5f0VFsbSWvzaOh4oH6QoXA9MlL3GISgkKv2dvkmWQrJaNTFPqHkKj7xLSPx2sHMhKX7iYMVN-6kYtmbGc-J4m59OhI31hTSsZv8StGHxvtfFXRCi5NYPEPE&__tn__=*bH-R
Kalaymyo khuapi, Tahan le Letpanchaung ah SAC ralhrang nih cunglei in bomb a thlak, tiah tualchungmi pakhat nih Lungmili Post ah a chim. “June 5, zan suimilam 10:20 tluk ah SAC ralhrang nih cunglei in bomb a thlak caah Tahan (G-group) sang inn pawl zong a tlerh dih. Mipi nunnak liammi, hliamhma tuarmi le thilri a rawkmi kong thawngfiang kan thei kho rih lo, hlathlainak kan tuah cuahmah liopi a si” tiah a chimchap.
Aluan cia May 14 ah Mocha thlichia nih Chin ramkulh inn le lo a hrawh mi hartong caah Kachin Independence Organization (KIO) nih Kyats sing 2,000 bawmhnak a pek nak kong CNF cohlannak ca nih a langhter. Chin Land mipi dawtnak le u le nau lungput he a thar in remh thannak ding caah KIO nih nan kan bawmh mi cu lunglawm tein kan cohlan tiah an langh ter chih.
India-Myanmar ramri a si mi Mizoram Champhai District chungah Myanmar ram ah kalpi ding Saphu kep a phur tu hna cu Assam ralkap nih an tlaih hna tiah kan theih. June 3 ah Mizoram Aizawl in Myanmar ram lei kalpi dingin Mizoram mi minung 2 cu Champhai District Melbuk le Zokhawthar khua kar ah Assam ralkap nih an tlaih hna hi a si. Phung ning lo in Myanmar ram lei ah kalpi an timh mi Saphu kep hi 44 kg tluk a rit i India tangka Rupee sing 44 man tluk a si. Saphu cu ramsa lak ah man ngei a si bantuk in a ci tlau lo nak ding in humhak mi ramsa phun khat zong a si tiah kan theih.