Kachin, Karen le Kayah hriamtlai nih a bikin tutan ralkap uknak lak kongah

Lungmawl si hlah usih.
==============
Buaibainak a chuah tik paohah CNF/A kan hlam cio hna, a ruang cu kan i bochan hna caah asi tikha alanghter. Zeruangah dah kan Chin ralkap hi tlangcung hriamtlai dang bang, Chinmi caah duh in an cawl ngam lo tikha kan ruah piak ve hna lo,uhtanh sawh in thil a kal kho ve lo.

Kachin, Karen le Kayah hriamtlai nih a bikin tutan ralkap uknak lak kongah lamzawh tu an mipi an dirpi hna lio social media ah hmuh len ding aum. Kan nih CNF/A cu an lang ve lo. Mipi ca an dir khawh ve nak dingah cun pawkhim a herh, kutlaih meithal le zenkuan a hau.States dang hna cu an ram a rum tikah an mipi zong an rum, an hriamtlai zong an support tuk hna, harnak an ton tikah liklak tiah an mipi caah an dir kho hngap,. CNF/A nih states dang hriamtlai tu lo ve hna seh ti kan duh ahcun bawmhchanh,dirkamh le pek an herh, hmuh lei lawng kan duh zau i apek lei ah kan huam fawn lo, cucu Bible zong nih aduhlo mi asi.

Chin mipi 75% tluk nih CNF/A support tuah usih,states dang ralkap nak in CNF/A a cuang khun ko lai, Chin pengkip hoih in tuak tikah CNF/A a support tucu 15% lawng a si, hei tuak ve hmanh. Kuttum le thingtan in tuchan ah raltuk angah lo. Melthai hmanhah a tha phun bak hman a si cang. CNA/F Chinmi nih kan hman hna le duh biknak cu,ralzam soknak, Refugee soknak lawngah a si. Chinmi ramleng phan a tam u cu, CNA/F min in case a ser in akalmi nan si,nain ramthumnak nan phanh cun atam u nih bawmh chim lo, nan soisel rih hna. NCA aa thokka lio Gen, Min Aung Hlaing nih CNF a rak soiselnak hna biakha hloptlo ngang in a chimmi Chinmi kan tampi khah, lungfak loin diriam phun le CNF/A thlanglamh nak ahmangmi nan rak um len.

Tutan kawl ralkap uknak lak mi ah kum zeizat a kal lai theih asi lo, buaihram aa thokka lawng si rih caah anem deuh, a hnu cun i dohnak hi thisen tampi tiang aluang te kho. Cucaah Kachin, Karen le Kayah hriamtlai hna nih an mipi an kilven hna ning sive na duh ahcun, Chin nungak tlangval itim ulaw Chinram caah hriamtlai ve uh, nulepa nih hnulei in dirkamh ve ding, mah hnuah states dang hriamtlai kan hluan/lonh kho ve lai. Credit: Lian C Mang