Ka it cang lai ka ti, Facebook chikkhat ka van bih ta tthan, Ruah lo pi i ka hmuh mi

Ka it cang lai ka ti, Facebook chikkhat ka van bih ta tthan, Ruah lo pi i ka hmuh mi, Ka rel mi nih nih ka thinlung aka suk tuk, I hngilh khawh dawh ka si ti lo. A ruah awk zong ka van hngal zau ttung lo i, Aw Pathian! ka van hlam
Psalm 121… ah pei a um kha ka ti.

Nan thei theng lai lo, US le UN nak in, Bawmtu ttha kan ngei, Hal piak tu le chim piak tu, Advocate le Lobby tuah piak tu, Nusal Pasal thlacamtu, An tam pi ko hna hi mu, Ka fanu rak ttap ti hlah, Ram le miphun ca i, Mit thli he thla a cam mi, An mit thli nih na mit thli, A fenh dih khawh te ko lai, Bochan ding kan ngei ko mu.(Psalm 121)

Tlang khi ka hei cuan hna i, khuazei in dah bawmhnak ka hmuh lai? ka ti. Bawmhnak ka hmuh dingmi cu, Bawipa sinin a ra lai, van le vawlei sertu a simi sin cun a ra lai. A ka hupphengtu cu i ̣tthang peng ko seh law, ka tlukter sawh hlah seh: Israel hupphengtu cu a ngu bal lo i aa hngilh bal lo, Bawipa nih an ven ko lai, nangmah huhphenh awkah, na pawngin an umhnawh ko.

Chun ah ni nih harnak an pe lai lo i, zan ah thlapa zong nih harnak an pe ve lai lo. Bawipa nih ̣ttihnak chungin an huhphenh lai i, him tein an chiah lai. Atu in zungzal tiang, na chuahlei siseh, na luhlei siseh, an zohkhenh zungzal lai. Credit: Salai Bawiukthang Cinzah