Teinak hmuhtu Joshua Van
=============
Joshua hi kum 21 lawng a si rih caah ai zuam chin lai i vawleicung minthang tiang si khawhnak lam kaupi a ngei. Atu voikhat ai thuatnak ah $30,000 hrawng a ngah lai. Puai ngan deuh ah ai thuat khawh ahcun zaan khat ah $ million in a ngah lai. Pathian nih Laimi le Myanmar rammi dihlak hmai hngaltertu ah hmang hram ko seh.
Myanmar Ram In A Hmasabik UFC Ah Aa Thawngmi Salai Joshua Van Nih Teinak A Hmuh; Myanmar ram in a hmasabik UFC ah aa thawngmi Chin pasalṭha Salai Joshua Van nih Zhalgas Zhumagulov he an i ṭhuatnak ah teinak a hmuh. Myanmar ram le Chin ram aiawh in tuanbia thar a ṭialtu Chin pasalṭha Salai Joshua Van cu lawmhpi cio hna usih.
Chanmyathazi Ah Chungkhar Pafa Meithal In An Kah Hna Pa Bik A Thi; June 23, zan suimilam 9:00 tluk ah pafa Cycle in, inn lei ah a rak tlung mi cu an hnu in a zultu hna nih an inn hmai an phak ah meithal in voithum tiang an kah hna tiah tualchung mi pakhat nih a chim.
Inn ngeitu pa bik Myat Htoo hi a lu ah voihnih tiang an kah a fapa hi a hnu lei kengzaang ah an kah ve. An pafa in Mandalay si-inn ah tlikpi colh an si. A fapa hi a kengzaang ah an kah a hmailei paw in meithal kuan a chuak ṭhan na in a thi lo.
Asinain, hringtu a pa Myat Htoo tu cu a lu ah voihhnih tiang an kah i si-inn ah a thi tiah an chim. Kahthah a tong mi pa bik hi SAC ralhrang he neihniam ngai in a ṭhu dir mi le a kom mi an si pin ah SAC ralhrang nih a kakip in an hman mi si tiah an chim.