Joe Biden Cu A Chuah Sual Cikcek Cang, A Fapa Caah Maw President Cu A Tuan Lai? Tihnung Tuk A Si Tung Lai

A Tang Video Hi Part Three A Ngei (Video Pinah Rel Zuam Hna Caah..)
==========================
Video Part One: Joe Biden fapa Hunter Biden nih eihmur leiah minthangmi Ukraine zinaan company Brismas in million 3 a lak i, Ukrainian biaceih bawi Skokin nih ram aiawh in an sual a kawl hna i, kan mualpho cang lai hi teh tiah a rannak in Joe Biden nih Ukraine President cu Skokin hi a rian na phuah lo ahcun US nih Billion in Loan coih dingmi kan pe hna lai lo tiah a hrocernak a si.

Biden le Ukraine President bia an i ruahnak ah cun Ukraine President nih ‘nangmah cu nawl zong na ngei lo; president zong na si lo. President (Obama) nih pek ding in a kan timi a si” a ti. Biden nih “President (Obama) cu chawn tuah ca” tiah a leh. A peh thanmi cu “Skokin hi a rian in na phuah lo ahcun tangka kan in pe hna lai lo. Son of a bitch. A rian in an phuah” tiah mipi hmaiah aa phorhlaw. An hrokhrolnak ah Obama zong an telh chih ve.

US nih phunghram ah an ngeihmi cu Office a tlai liomi nih chungkhar miaknak caah ramdang he pehtlaihnak a ngei lai lo ti a si. Asinain Vice President a tuan chungah Ukraine cozah cu a nawlngeihnak hmang le US cozah bawmhnak hmang in a namneh hna i a fapa miaknak a kawlter. Tazacuai dingmi dirhmun ah an um. Republican santlaihnak mual a pho tuk.

Taluk i Energy company zeimawzat he zong pehtlaihnak an ngei i, million in tangka a lak lengmang. Chunglei document nih a tialning ahcun “Big man” = Joe Biden zong aa tel ti a si. New York Post nih thim lai ah a rak post i Twitter nih a hmaan lo tiah a rannak in an kham colh. Asinain a hnuah cun a hmaan ko ti a fian tikah Twitter zong nih kan palh ko a ti than.

Hi tluk in US an leirawi lio le chungkhar miaknak lawngte an kawl lio zong ah Liberal media nih cun tongta ven in an ven hna i tongta thuh in an thuhpiak lengmang hna. New York Times te hna CNN te hna le a dangdang zeimawzat pawl hna khi cu Taluk maw Globalists propaganda menmen ah an cang cang. Rel zuam an si ti lo. Biden chan ah hin Taluk thlithup riantuannak a siah a thawnnak huham a siah a thawng chin lengmang lai tiah tuaktan kho nih cun an zumh. Uico bantukin an pafa in an hren ko cangmi hna cu zeidah Taluk cu hmaitonh cun an zoh ngam ti lai?

Australia zong a lungrethei ngai ti a si. Trump nih Australia lung a tong lo ngai ko nain Australia caah chiatnak le hrawhnak a tuahmi a um lo. Taluk a renghmi tu nih Australia a thathnem ti a si. Asinain Biden chan ah Taluk cu a lor cang lai caah Taluk nih Australia a nekning a zual lai tiah an zumh. Naite i Taluk official upa nih Twitter ah Australia ralkap nihsawh in video an thlahmi hna kha cu thin a phawh ngai. Australian Prime Minister pa zong a thinhung. Ngaihthiam kan hal hna seh tiah fak piin hrocernak a chim. An i ngiarning a fak lengmang.

Video Part Two: President Trump nih president a rak i cuh lioah mipi sinah bia aa kammi a tam ngai. Aa kamning in an tuah dih hna. A tuah lomi cu Hillary Clinton thongthlak ding a timi a tlinter lo. A tlintermi chungah ka uar ngaimi cu lakkhah ka la lai lo a timi hi a si. Video ah na zoh ahcun a chimning in a tuah. Presidential lakkhah lak a duh lomi hi George Washington, John F. Kennedy le Trump an si hna. Mirum an si hna ca zong ah a si lai i, ram zeitluk in dah an dawt timi a langhter. Trump a vanchiatnak cu a luan cia dirhmun maw an zohpiak lengmang le a si hnga, a hleiin Liberal media nih an huat tuk. Nifa tin in belnaang an nalh lengmang. An doh tuk. Trump zoh loin belnaang an nalhmi lawng a hmumi nih cun an rem taktak lai lo.

Asinain zeidah Trump palhnak le sualnak a si tiah biahal ding si seh law leh aa harhmi an tam fawn lai. Dawtnak a ngei lo an ti lai maw; lih a chim tuk an ti lai dak! Asinain dawtnak a ngei. Din loin rian a tuan i, mipi tax pekmi chungin lahkhah lak ka duh lo a ti. Mipi zawnruah in a tuanmi pawl an tha kho tuk fawn hna. Detail cun an sau lai.
Trump nih a tha tukmi aa thimmi cu a hawi caah Khrihfami aa thim hna. A hramthok in a dongh tiang a dirkamh hna. Vawleicung ram ah Khrihfami zalonnak a aupi i, Jerusalem a cohlan i, Inn Raang ah Christmas a luh pi, a sunglawi chinchinmi cu US Inn Raang pi cu Khrihfami hna Inn pi ko a lawhter.

Biden le Kamala chan ahcun Inn Raang in Khrihfami hna cu papalak le inn zu thawl in an thawl cang hna lai. Khrihfami hna mui a leng lai tiah ka zum ti lo. Asinain soi thiam pawl nih cun Trump cu Khrihfa deu a si an ti. A deu si le si lo cu ahohmanh nih kan thei lo. A tuahsernak zoh tikah midang bantukin bia a kamh i a tlinter lomi pawl bantuk a si lo. A hawi ding ah Khrihfami hna aa thim hna i fek tein a donghter a dirpi hna. Khrihfami cheukhat tu nih an deuh. Leirawi hmang Khrihfa tu hi tihnung deuh kan rak si. A hmailei kong kan chim kho lo. Asinain hawi ah a sermi hna a deuh lotu President pakhat a si. US tuanbia ah Trump lawnglawng hi “March for Life” ah bia a chimmi a si.

Ka uar tukmi catlang a chimmi cu “a chuak rih lomi bawhte vialte hna, Inn Raang ah rungvengtu nan ngei” tiah a thongthongn hmaiah a chim. An uar kho tuk. Thil tha a si ti a theihmi le thil hmaan a si tiah a theih i a ruahmi paoh a tuah dihmi President pakhat zong a si. A luan cia a tuanbia ah mi tha lo zong a si ko lai nain US pacan dirhmun a tlaih chungah aa zuam i ram le mipi caa aa pe. John F. Kennedy nih a chim an ti i, an uar ngaimi cu ‘a luan cia caah ka nung lo; hmailei caah ka nung” tiah Presidential campaign a tuah lioah nu i a tluknak kong an hal lioah a chim an ti. Mah bia nih a luatter an rak ti. Trump nunnak nih a thar in a chim ve.

A sau cang caah a tawinak in chim ahcun, ram zawn ah ti ahcun Biden cu Trump sinah cun Judas Iscariot bantuk a si i (huatnak in chimmi a si lo); Trump cu Biden sinah cun Zacchaeus bantuk a si. Judas Iscariot cu a thlithup in a sual i a dongh tiang a sual. Amah miaknak lawng te a kawl. A sualnak nih a nanh beh. Zacchaeus cu ka sual ti aa theih i Jesuh a kawl. Mipi le Jesuh sinah a sualnak vialte leiba cham ding in aa tim colh.

Zacchaeus le Trump lungput hi ka lawhter ngai hna. A hmaan ka ti lo. Chim duhmi cu Trump zong a hramthok tein mipi hmaiah zumhtlak sinak a kawl colh. Presidential lahkhah lak lo ding in aa kam colh. A rum ca lawng zong a si thlu theng lai lo. American mipi hmaiah cohlan tlakmi si hrimhrim kha aa zuam tiah ka ruah. Khrihfami hna a hawi ah a ser hna i zumhtlak in a dirkamh hna. Kum li chung a cawlcangh le lungput uar a umnak a tam tuk! Part pathumnak: Biden aa chuahsualnak tete an si. A donghnak bik ah Biden a chimmi hi Fill the blank tuah phu ngai a si. Credit: Luther Tin Hre