Joe Biden Caah Thawngchia Chin Lengmang Cang

Georgia ah Poll riantuantu nu cu zeitin an tuah, mirang holh hi rak relve law a chung video rak zohve te. An tuahmi cu zoh a nuam taktak cang lai, Lih cu dinfelnak nih atei ti a si ko lo maw? An sual cu nikhathnu nihkhat, pakhat hnu pakhat tlaih an si cang lai.

Teinak Cungah Kan Dir Lai. Ka tanti hawi le vialte hna nan tha nuam ko u. Joe Biden cu teinak an pek cang timi hi January ni 6 ah khin thil tampi ai thleng te lai. Cutikah a tu an chimmi hi mangmanh a lo kho. January ni 6 khi Senate le Congress si ti lo in State nih vote a tlak ah cun. Trump nih teinak a co te lai. January ni 6 hnu in Trump timhtuah cu hmu thluahmah a si cang lai. Martial law hna kan hmuh te ko.

Tutan Electoral College vote le Mipi vote cu San a tlai ti lailo caah teinak cungah kan dir te lai. Cun tutan aithuimi state pa 6 hi vote Audit le tazacuainak tuah liopi a si caah ruahchannak nganpi a um. Kah khitik ah teinak cungah kan dir lai I kan ihlawk lai I kan au ti te hna lai. Republican party le Trump a dirkamtu vialte thazang pek kan duh hna. Zahan Electoral College vote cu Fehter Certified a si lo tihi fiangte in chim kannduh than hna. Kan chunmang cungah kan zuang lai.

Trump ca ah thawngpang tha taktak. 2020 November US thimnak ah Tuluk, Russia le Iran an i thlak ve tiah US cozah sungtthok lutlaitu Director of National Intelligence (DNI) nih a chim cang. December (18) ah report pek ding a si nain an chekhlatmi an dih rih lo caah January thla lawngah tling tein report an chuahpi te lai. “Pine pali kan chek rih lai. Thimnak result hi a lingletter khawh ko lai,” tiah DNI nih cun a ti.

Trump ca ah cun Thawngpang tha taktak a si. I kilvennak phaisa hmannak (Defense Bill) zong Trump nih veto nawlngeihnak in ka chuah lai tiah tweeter ah a tar cang. Biden le a party pawl cu an mang a chia cang lai. Thil tha lo a tuahmi hna cu dantatnak nih a zulh cang hna lai. A caan um lio te ah thil dik (biatak) tanh duh lo in a namnehtu hna cu thilthalo an tuahmi nih a dawi cang hna lai. Pathian nih Trump cu teinak a pek cang lai! Amen! Hallelujah!

US Thimnak Thawngpang 2020 December 15, Nai hrawng cu ka rian a tam deuh caah ca ka ttial kho lo. Cu karlak ah thil tampi a cangmi a um. 1. US Supreme Court Biachahnak; Texas nih aa thuimi pine 4 taza a cuaimi cu US Supreme Court nih 2-7 biachahnak in a hnonpiak. Cucaah mi tampi nih cun Trump ca ah cun a lam a pit cang an ti. Sihmanhsehlaw hihi cu lam hlatpi in meithal in sa kah bantuk khi a si caah a khen a harmi a si. Cun Supreme Court hi an ral a chia deuh. Amah Trump nih Supreme Court biaceihtu ah a chiahmi 3 lila hmanh nih an dirpi ngam lo. Sihmanhsehlaw mee firnak a um lo ti si loin, Texas nih a dang pine kong ah aa thlak kho lo ti in US Phunghram Capar 3nk cerhchan in a hnolpiakmi tu a si.

2. Electoral College Mee Thlaknak; Hihi Trump sihne hna nih a khukthal leh an i zuam liopi a si rih. December 14 ah cun mee thlak lo awk a tthat ti lo caah mee cu an thlak i November zarh hnihnak hrawng ah a rak si bantuk in Joe Biden nih mee 306 a hmuh ti in Liberal Democrat media pawl nih cun thawng an thanh colh. Sihmanhsehlaw December 14 ah aa thuimi pine, 5. Pennsylvania, Georgia, Pennsylvania, Wisconsin le Arizona hna nih Joe Biden kha teinak an pek lio ah cu aathuimi pine panga hna i Republican phungsertu/thimtu (legislatures/electors) hna nih cun procedural/ conditional vote an thlak ve i Trump le Mike Pence tu kha teinak an pek ve hna. A sullam cu hi pine panga ah hin mee aa ningcang lomi kong biaceih cuahmah a si rih caah aho dah teitu a si ti aa fiang rih lo. Biden asiloah Trump aho paoh hi teitu an si kho ko an ti. Kha hlan zong ah ka chim lengmang bantuk in hi electoral vote hna nih teinak an pekmi cu January 6 hlan paoh cu pine phungsertu hna nih an thlen khawh rih i Congress ah anmah tein teitu min kha an pek khawh rih ko. Cuticun Political Analyst David Brody zong nih CBN news ah a chim ve.

3. Georgia Thilumtuning; Georgia ah kum tling lomi nih mee an thlakmi mee 60,000 cu a thlatu hna sinah khirh a si cang. Hi mee hna hi driving licence in an thlakmi a si. Anmah tein an thlakmi maw a si? Asiloah mi pakhatkhat nih dek thlakpiak mi a si ti cu theih a si rih lo. Hi pine ah hin Biden nih mee 11,977 lawng in teinak a hmuh. Atu ah cun mee 60,000 leng cu an hlonh cang caah aho nih a tei lai theih a si rih lo. Trump ca ah ruahchannak a um ngai cang. Cun mee ningcanglo in a tuahtu hna kha pine secretary nih a hlathlaiter cuahmah liopi a si.

4. Congress biachahnak; Congress cu senate minung 100 le house minung 438 fonh in minung 538 umnak a si. December 14 ah Electoral Vote vialte nih mee an rak thlakmi hna cu January 6 ah Congress ah cohlannak tuah a si lai. Sihmanhsehlaw hi aa thuimi pine pali nih Biden teinak an pekmi hi Congress nih a cohlanpiak hna lai maw ti cu theih a si rih lo. Congress biaceihnak agenda chung ah luhpi dingah hin aiawhtu pakhat le senate pakhat minthutnak aa tel a herh. 2016 thimnak result kha Hilliary Clinton cu a lung a tling lo nain senate pakhat hmanh nih Congress ah an rak dirpi lo caah a bia ceihpiak a rak si lo. Sihmanhsehlaw atu tan tu ah cun hi aathuimi pine 4 i teinak an pekmi hi duhlonak kan langhter lai tiah senate pathum nih an ti. Cutin a si ahcun Congress ah hnatlaknak an laak lai i mi tam deuh nih hi aauthuimi pine 4 nih Joe Biden teinak an pekmi hi an duh lo ahcun US ram pine 50 nih mee an thlak cio lai.

Congress ah Trump lei nih an chuahpimi hi an ceihpiak ahcun Trump nih teinak a hmuh ko lai tiah an zumh. Zeicahtiah atu tiang ah senate ah hin Republican 50, Democrat 46, party dang 2 an um. Republican lei an tam deuh. Cun house ah Democrat 227, Republican 207 an um i Democrat lei 10 in an tam deuh. Sihmanhsehlaw house ah hin Biden a rak duh lo tu Democrat 10 an um i cu hna nih cun tu kum ah house ah tthutnak an hmuh tthan ti a si. Cucaah Congress ah hin aathuimi pine pali nih Biden teinak an pekmi kha hnolpiak dawh a si. Cutin a si ahcun pine cio mee thlaknak in president thim a si te lai. Pine pakhat nih mee pakhat lawng a ngei. Hihi Trump lei nih an i ngaih ngaimi a si. Atu tiang ah pine 26 cu Republican lei an si i pine 22 cu Democrat lei an si. Pine 2 tu cu zei lei an ttan lai theih a si lo. Cucaah pine cio mee thlaknak in president thim ding dirhmun tiang a phak ahcun Trump nih teinak a hmuh te ko lai.

5. Biden fapa Hunter Biden; Delaware i Computer remhnak dawr ah Hunter Biden laptop chung in an hmuhchuahmi pawl cu New York Post le Fox News nih an phozar thluahmah cang. Email an i kuatmi kongah siseh, kum 2017 ah Burishma timi Ukaraine natural gas company nih lahkhah $400,000 a pekmi le cu kum khat chung ah ngunkhuai $ 1.2 million a pek lomi kong ah siseh, CEFC China Energy i Lutlai Ye Jainming nih 2.8 carat a simi diamond laksawng a pekmi le dollar million tampi an i pekchanhmi kong ah siseh Joe Biden fapa Hunter Biden cu an hlathlai cuahmah liopi a si.
Joe Biden i a naupa James Biden le a nupi sinah dollar million tampi Tuluk nih an kuatmi kong zong an hlathlai cuahmah hna. Cucaah 2021 January 6 ah thil lianngan a cang rih lai. Cun 2021 January 20 tiang cu Trump ca ah ruahchannak a um rih. Thlacamnak he hgak cio rih ko hna u si! Rev. Biak Lian Vel