Joe Biden a lawmhpimi cu hivialte minung 75,000,000 VOTES hi ahmu hna lo maw a cawnglawmhmi a tuantuk rih a ti

Joe Biden a lawmhpimi cu hivialte minung 75,000,000 VOTES hi ahmu hna lo maw a cawnglawmhmi a tuantuk rih a ti
================
Thawngpang Thar December16 Georgia Cu Trump Nih Atei Lai. Thawngpang ka theihtawk kan hrawm ve hna. Georgia ah vote an tlaknakah Joe Biden nih a tei ti a rak si. Atu cu vote a dik lomi kum 18 tang minung thawng 60 cu a diklomi a si caah, khirhthan asi cang an ti. Kumtlinglo mi an si an laknak bik hi Driver licence a si lai an ti. Kum 16 in cun motor mongkhawhnak le Licence ngeihkhawh a si cang caah a bikin hihna ah hin lak a si lai an zumh.

Joe Biden nih hin Georgia ah Trump cu vote 11779 in a rak teinak a si. Atu cu vote 60000 an khirhthan canglai caah, Joe Biden ta kha thong 6000 ai zukthan lai tinak asi. Vote 2,413,633 a tang lai tinak a si hnga. Trump tu cu a mahning va si ko seh. 2,461,854 an hlawngpiakmi kha cu va um ko seh. Tahchunak asi hi mu. Trump nih vote 48,221 in ateithan cang lai. Na khuaruah harhlah seh. State tampi a um rih. Cun Teinaklam pathum a um Trump caah,

1. Pakhtanak cu vote an relthan cuahmah lio a si. Tazacuainak an tuah cuahmah caah Teinak a hmuh hrimhrim lai Thildik in. 2. Zahan i state Electoral Vote vialte cu fehter dih a si rihlo ti cu zapi theihawk ah atha. Micheukhat nih an fehter cang an ti cucu a dik lomi a si. Lam tampi a um rih. Buaibainak tampi a um lai caah state nih vote thlaknak aphan te kho cu tikah, Republican party nih state tamtuk an uk caah an duh zong duhlo zongah Trump a tlinthan lai. Minung 50 nih vote pek a si cang lai. State pa 6 hi buaipi cuahmahmi cu an si a bikin state pa 4 hi an buaipi taktak.

3. Nak cu Martial Law a hman lai. Atawinak in ka tial caah a fianglomi tampi an um kho, caan ka ngeihlo caah a si. Fiangdeuh in kan tialthan te lai. Hihi a dikmi cu a si. Teinak cu kanmah ta ka ti zungzal kha. Pathian khuakhannak hngak ko rih. Ka laknak hi mirangholh a theimi caah cun hihi rak zohte, atheive lomi caah cun katialmi hi irinh ko hna usih. Trump nih Mitch McConnell nih Joe Biden a lawmhpimi cu hivialte minung 75,000,000 VOTES hi ahmu hna lo maw a cawnglawmhmi a tuantuk rih a ti. Micheukhat nih Mitch McConnell cungah an thiharnak ca tampi an kuat cawl, kan ngol bal lailo, kan president a si kho bal lailo Jo Biden cu an ti ve. Trump 2020 an ti ve. Zeidah kan cangte lai, a tu cu atuantuk rih. Teinak cu kan co hrimhrim lai ka chim ngam bak.

Tuzing Thawngpang Thar Deuh, Tuzingah thawngpang tawite biahalnak an tuahmi hna chungin an ruahnak an chimmi pawl kha tawite tial ka duh. Trump tanhtu kan si zongah Joe Biden tanhtu kan si zongah thildik tu hi khawikadah aum timi lamleiah kan kal hi a tha bik. Tuzing tiangah bia an halmi hnah cun State nih afehter cangmi Electoral Collage cu aithleng thanlai ti cu kan zumlo, mah belte Tazacuainak an tuahmi chungin tehte tha he an kal ko caah, Trump tanhtu an dirhmun a tha chin lengmang an ti. Sihni pawl nih tehte tha tampi mizapi hmuh le Biacaihzungah tha tein an chuahpimi hi a zohpiak hna hi a biapi. Tehte tha an hmuhmi cu mipi nih kan hmuh dih cicek ko caah, a tu cu ahram long ai kal rih.

Cun kanmah zong nih kan ruahmi le kan hmuhmi cu Trump hi teitu a si ko an ti. Ziah a teiko tiah na hmuh, zeidah a cang kho ti haltikah, Ramchung ral atho kho, khitikah President kan ngeite lailo i, Trump nih bia achim te lai an ti. Trump dirkamhtu hi ngol an tim tilo caah thil lianngan achuak kho tiah an ti. Sen.Rendpaul, Trey Trainor nih.
Anmin katial lomi tampi nih Twitter ah an tar cio. January ni 6 thil lianngan kan hmuh te lai an ti. A tu cu a caan atam tukrih, thil tamtuk an thleng te lai. Tuahawk rian le vote relthannak adih rih lo an rel cuahmah caah thilfiang a si rih lo an ti.

Thil Lianngan Ai Theng Lai, Thil aithleng tikah na khuaruah har hlah seh. Na tanhmi kha fek tein tanhve ko, kan chunglei fialmi cio kha kan tanh cu a si. Kan thlarau duhmi le kan pusa uarmi kha tanh ko usih. Pumsa ngandam a duhmi nih thei tampi an ei i a herhmi tirawl le hrialawk an zulh. zuu din an kaltak. Pumsa dam aduh i, thatnak a taktak a duh lemlomi tu nih cun kan tuah ko rih.

Biatak aitleihmi nih thatlonak lamkha a kaltak. Biatak aitleih duh lemlomi nih cun kan ka longin kan chim i, kan tuahmi ai dang. Nun zia a remh taktak khotu hi thinlung a si. Biatak cawnpiaknak ai tleih taktakmi nih cun minung covo kha ilak loin Pathian duhnak midang caah a nunnak tu an pek deuh. Chunglei ruahnak nih lenglei nunzia tuahnak alanhter. Kan chunglei duhlomi kan tuah ballo, Va a hmulhe ei cu kanthinlung le kan chunglei nih a duhlo caah kan ka nih a tlawh duh ve lo.

Trump Caah Laipa A Dongh Kho Rih Lo, Ka Hna A Ngam Kho Tuk Rih. Ka Hna A Ngam Kho Tuk, Trump nih Joe Biden kut chungah tha tein a pek hlan poah cu a hohmanh chimkhawh a si lo. Vuidang kumdang ithimnak he ai lo lomi a si. Trump nih amah a dirpi tu minung 74 millions a dawt taktak hna ah cun a kut a humte ko lai. Power a hman te ko lai. Ka hawi le dihlak, nan sin ah biatawite chim ka duh, USA thimnak cu a ropui taktak si kaw, a tu cu ai awtka te long a si rih.

Media tampi le tuchun state College vote zong cu a tu bantuk an tuah lai ti cu theihcia a si ko. Chim ka duhmi cu Trump dirkamhtu le Trump thape tu dihlak, an lung a dong naisai lo ti chim ka duh. Amah Trump hrimhrim nih a ngol lailonak le teinak a cohlan lonak vuitampi a chim cang. A tu cu a hram kan thawkka long a si rih a ti. Joe Biden teinak an pek ti zong cu khatlei kap ah cun anmah pekmi a si caah a dik ve ko. Nain zeidah next a ra lai tikha hngak ko rih usih. Trump hi midang bantuk president a si lo ti cu theihcia hngalh cia hmuh cia a si ko. Ka tuah lai a timi a tlolhmi a um lo.

Caan sinah kan kal caan nih teinak cu a vun ratpi lio , cucu kan hmuh caan a phan te lai. Nan lung dong hlahseh, nan tha chia hlahseh. Kan tei hrimhrim hna lai an ti ko cang . Kan tei hrimhrim hna lai. Kei cu ka thinlung tha a dam kho tuk. Kai nuam tuk a caan a phan rihlo cah ka ti ko hi. Ram kalnak kong hna thanuam taktak in ka ruat ko.
Isaac nih ka pa raithawinak tuu kan keng tunglo e a a ti. A pa Abraham nih ka fa Bawipa nih a khante ko lai a ti. Credit: Joseph Thawng Z Ting

President Trump Ca An Kuat. Tawite long katial lai caah palhnak pehtawnh, le cafang a dang kho caah reltu nana dihlak cungah kan nawl hmasa hna. RC khrihfa a simi nih Trump cu ca an kuat. Na kut cungah cantawite long bia khiahnak a um cang. USA mino hna le mipi hrawh dingah le USA hmailei a thawnnak hrawhdingah khuakhangtu hna sinin nanngmah long nih an kan khamh khawh.

Mipa zalennak covo lamhchih kan si cang. Cu caah nangmah nih kan khamh ko. Na kutcung a ummi thazang kha hmang ko cang. Na kut cungah caan tawite long caan a um cang caah hmanglaw kan khamh ko cang an ti. Mipi nih kan ni dirkamh nahmaiah kan kal lai an ti. USA mipi cu an lau tuk cang. Mipi na hmaiah kan dir lai, kan ni dirpi lai tihhlah, na power cu hmang ko tiah ca an kuat. Ralkap hlun pawl le dirpi tu tampi zong nih hmangko an ti ve cang.

Kan Ngol Bal Lailo. Kan pu Trump nih, kan ngol bal lailo a ti cang. Tutan ithimnak kongah siherhnak he mirang holh a rel kho ve lomi le, micheukhat an catialmi ah mirang ca an telhmi hna a relkho ve lomi caah katheihtawk te le laica laiholh deuh longte in katialnak chan hi a si. Keizong mirang holh kathiam ve lo ti theihter hmasa kan duh hna. Kan pu Trump le a bawmtu hna le Trump sihni pathum hna nih an chimmi cu, tutan thimnak hi lih le hrawkhrawl in an tuahmi kan hmuh chin lengmang. Tehte tha tampi a thongsang in ca kan ngeih ko an ti. Cu kan hmuhmi tehte hi biaceih zungah kan zohpiak u tiah kan I put I tehte tampi he ca kanchiah nain an cohlan duhlo. Cohlan hnasehlaw an zoh ah cun thildik cu an hmuh ko hnga. Thildik hi khawika ah dah a dir timi hni an I fian ko lai an ti.

Cun tutan thimnakah UPS timi cakuat thilkuat phortu nih state dang in state dang an kuatmi cu kan hmuhchuah cang. Cun poll tuahnak in midang min le umnak fiar in thimfung thlaknak an tuah cucu, midang sinak covo fiarpiak cu a si. Thong 100 renglo hi tehte he kan um ko. Mithi cia thimfung an fiar cucu thlanmual cawngtu hna le sizungah ah an lak dah tilo, khawika dah an valak lai. Kumtling lo le thimfung thlak a ngah lomi tampi an lem hna I an thlakter hna. Inn ngeilo kutdawhvakmi pawl thimfung an mah te thlakter silo in Democratic nih anmah thimfung caah an I lak an fiar.

Video tehte tha tampi kan ngeih cang. Thimfung diklo phortu mi tampi tehte kan ngeih cang hna. Thimfung relnak seh zong nih Trump thimfung cu Joe Biden sinah a thial timi tehte athongsang in alanhter ko nain zeiruang thimfung hi an remhduh hnga lo, a hnu thil aithupmi a um cucu kanhlai lai an ti. Thildik a chuak te ko lai. Caan tampi kan ngeih ko.

Trump nih a timi cu kan NGOL BAL LAILO a ti cang. We will never give up! Zeiruangah dah thimfung thlakmi le ID minthut an zoh duh hnga lo. Zeiruangah dah, Vote relnak seh nih a lanhter komi vote cu Trump ta kha Trump leiah chiahthan an duh hnga lo. An tuah bawn an tuah zungzal ko hnga. Hihi biahalnak cu a si. Supreme court justice zongah an dir onhthan than cang lai Texas nih. Avuithumnak. Credit: Joseph Thawng Z Ting