Israel Ral An Sung Bal Lo, Na Tuak Bal Maw?

Israeli Nih Ral Teinak Suttung Rual: PG61
==============
Israel ral an sung ballo. Na tuak bal maw? သတင်းအချက်အလက် Information ruang ah Israel nih ral an sung ballo. Adik mi thawngpang kha, a hlankan tein, an ralpa theih khawh loding in, a thlithup tein, very secret tein, confedential in, tbkin Israle ralkap cu thawngpang an pek khawh zung zal hna (An mipi nih). Israel nih Dalaan biafang an ngei lo i Dalaan an um bal fawn lo.

1948 Israelite Ram a derh kaa bak ah anmah nakin let tampi a ṭhawn deuh mi Arab Ram (15) nih an tuk colh hna. Vawlei map in Israel hnawn awk le Judah miphun cihmih awk ah an tuk hna. Israel tu nih, an tei hna i anram tampi an lak. Arab ram hna nih Avoid 2nk an tuk ṭhan hna. Israel nih Ni (6) lawng aa rau pi. Cu caah SIX DAY WAR an ti phah.

Holy Land, East Jerusalem, Mt. Olive, West Bank, Golan Height, Gaza Strip, Jordan Valley le Sinai Tlangtluan tiang an lak chap. U Thant le UN tlangtla nakin Sinai lei hmunhma cheukhat cu Izip an pek ṭhan. Arava Desert le Red Sea Gulf belte an i lak thai. Elat Seashore tiah Rampi ngunsawm hmuh nak asi. Kawlram Ngapali le Chaungtha btk asi ve.

Israeli Ralkap nih ral tei awk ah an i bochan bik le an i hngatchan bik cu: Ṭhokhlanzi le Spy an asi. Israel nih Intelligent Agency le Moses Spy an i ngei hna. Moses Spy hi cu: An nupi le hmanh an theih ter hna lo. Tcn: Ali Gohen cu Syria nih an thah lai lawng ah anupi le a naupa nih Spy asi an theih. Anaupa hi Moses Spy member asi ve.

News le Social Media nih Isreal ralkap cu Information biatak tein an bawmh hna. An ralkap derthawm nak le ral sungnak ding caa an Ṭial ballo. An ralkap hnursuan tu ding caa vialte an Ṭial bak ve lo. An thil tuahmi le tuahlai mi an Innpa le an mawnu an chimh bal lo. Anmah lawng nih an thei. Anmah pekmi information ruangah Israel Ralkap nih ral an tei tikah, Keimah ruang ah tiah caa in an ṭial ballo / baklo. Mi zong an chimh fawn hna lo. Jehovah (YWYH) tu an thangṭhat.

Tuchan hi Global Age (GA) le Knowledge Age (KA) ti asi. Vawleipi kha Veng khat ah hmuh asi. GA le KA Nunnak thaw cu Information asi. Information hlawhtlin tertu ah Technology ti asi. Cu caah IT chan (Information Technology) an ti nak cu asi. Spy, Dalaan le ṭhokhlanzi abiapit ning le ral a tei ning hmuhsak tu asi. Cyber rianṭuan in spy le ṭhokhlanzi cu, Israel nih an hman Cang. Drone zong biatak tein an hmang. IT lei Ph.D tampi nih biatak tein an bawmh ve hna.

Meithal tlai le Ngeihchia Chawva in, ati khawh lomi vialte nih Intelligences (Ṭhokhlanzi), Spy, Drone le SB2 si viar usih. Information pek khawh i zuam uhsih. CDF a hlohral tu ding capar cu Social media ah thlah ti hlah usih. Dalan capar le a minung fawi tein kan theih khawh ve lai. Dalaan he Lanlo he kan cathlah i nawnnawk ti hlahseh.

Keicu San ka Tlai lo ti duh hlah. CDF caah bawmhtu Ṭha kan si dih hna lai. Kan zapi tein Chin Ralkap kansi timi lungput ngei dih usih. Mah le khap Tawk tein, mah le pahrang cio tein, CDF derhkam usih law, bawmhchan usih. Cuti kan si khawh ahcun Teinak cu lamnai teah a umko dakaw!

EU NUG Cozah Cohlannak Pinlei Ah Aathup Mi Hna: PG(70). EU Ram 27 ah NUG nih Embassy an derh khawh cang. Ambassador timi Palai zalon tein rian pek khawh asi cang. Embassy rianṭuantu dang zong tampi an um te lai. EU nih thlahlawh an pe hna lai. Chinmi savo belte theih awk umte hnga maw? EU hi fund a rum bakmi asi. Donation tambik apek khawh tu an si. Kawlram um LIFT Fund le UNOPS i fund 80% cu EU asi ti khawh asi.

LIFT Fund le UNOPS hi, kawlram um NGOs vialte donors (Phaisa petu bik) an si. EU cu USD nakin asang deuh mi Euro hmangtu an si. EU hnu in USA le Aussie nih an zulh. Annih cu EU ansilo nai NUG Legitimacy tuahtu supporter an si. Norway, Canada, UK le Japan an i tel ve ahcun adih. Vawleipi ahiptu cu hi ram hna hi an si. Humanitarian timi mi sifah le ram sifah a bawmh biktu ram le luban an i tel dih ti khawh asi.

EU ram 27 nih Foreign Agencies timi AIDS (Agency for International Developments) an ngei dih. Tcnk: USAIAD, AusAID, GermanAID, DFID – UKAID, Common Wealth UK, tbk. Cozah hlun sin ah tampi a hlut mi an si hna. NLD chan sipuazi a karh, GDP a kai, kan ṭhancho mi kha, EU le a cung ka langhter mi ram hna nih an kan bawmh caah asi. Rampi phaisa cu SAC Luban le an Crony, Civil Luban le an Crony, tbk inn lawng ah lai a hlum. Aussie AIDS lawng nih USD 700 Millions an kan bawmh khah! Education le Health Sector caah. Corruption le Exploitation timi eihmurnak, firkhut nak, ziknawk, an hmaan loin cazin tuak tbk a tam tuk caah an kir ṭhan dih kha asi. ICJ kongah an lungdong zong asi. DACU nih khengchap in an nawlh rih caah an kir dih.

EU ah siseh, EU chungtel ram 27 nih ngei mi, AIDS sin in siseh, bawmhnak tampi halnak nawl kha zalon tein hmuhco asi cang. CDMers thlahlawh kan pe khawh cang hna lai. Covid19 Task Force le Covid19 Response biatak tein kan hlutchuak khawh lai. Humanitarians tampi in kanṭuan khawh cang lai. MAH le SAC ruangah Unemployees 12 millions leng zong bawmhchan khawh asi cang lai. Ralhrang ruang ah tirawl le eidin lo awk a ngeih tilomi kawlram mi sifak 30 million zong kan chanchuah khawh cang hna lai. NGO rian tamipi ṭuan khawh asi cang. Haleluiyah Amen ti zongah a phu ko.

CDF/ PDF thlahlawh le Hriamnam cawk piak belte hi, lamdang in, fund raising tuah a herh men hnga? EU nih Raldoh hi an cohlan lo. PEAC TALK cu EU papek asi. EU Thnahca belte tuaktan ngai ngai aherh. DDay lamtluan le CDF / PDF raldohnak hi tha a pek lo. “PEACE TALK tuin cabuai cung lei ah” ti asi. “All Inclusive Paticipation” timi “aatel ding mi vialte he cabuai cung ramkhel biaruahnak in PEACE” kawlin daihter kha EU hmuitinh cu asi.

“2008 phunghrampi rawh cikcek seh, Annasin (Ralkap + Civil) um ti hlah seh, State ah power a um mi federal democracy ram kan ser lai” timi GZ Muko he aarup lem lo. Cabuai cung in biaruah in PEACE hnu ah, hlan cozah kha uknak chanh ṭhan tihi EU Cathanh target cu asi deuh ko. NCA lanthluam btk kha EU nih a duh ti khawh asi. EU planning hi, EAOs le Tlangcung miphun kan damnak cu asilo khawh ko.

EU nih Raldohnak tha a peklo. Cu caah EU nih hriamnam an kan bawmh lai lo ti khawh asi. EAOs cu EU nih Ralkapbu puitling ah an cohlan. Geneva mit ah EAOs cu a puitling. EAOs min in MAH le SAC kandoh khawh lomi hi DDay le PDF / CDF Lamthluan a hlawhtlin lonak zong asi. PDF siseh, SAC Ralkap siseh, an umtu le an thuatham an zoh hna tikah, Ralkapbu pahnih dohnak he i lawh loin, terrorist (Alqaeda, Taliban, ISIS) thil tuah he aalawh tiah EU le Geneva mit a cuang.

Ralhrang kawl Ralkap le PDF/ CDF thil tuahmi zohchun in an tuak mi asi. Ral he aa pehtlai lomi cu kutpar in tongh loding kha Geneva mumal le Dundan cu asi. CNF/ CNA hi Geneva law le Human Rights senthuh mi an si. Ralkap ve ve hmanh Chemical le Biological weapon hmang a ngah ve lo. Ral he aa pehtlai lomi (Non CDMers telin) hremh le thah, tower bomb puak hnawh, ralkap chungkhar hna thah/ hrem, tbk kha Geneva le EU nih an cohlan khawh lo. Cu caah Terrotist lamthluan asi an ti nak cu asi.

PDF / CDF cu Raklkap bu puitling ah, kan sersiam khawh hna lo caah, Ralhrang Ralkap i, Tuksapur thah nawn le tlaihhremnak, innlo le khua meikhangh nak, a buin mi thahnak tbk vialte hi, War Crime Against le Crime Against Humanity ah an cohlan lo. Anti Human Rights timi nuhrin covo an buar ti tiang lawng asi caah, MAH le SAC hlawknak btkin thil a kal. A poi tak tak khi siko.

Naitan Boruak ah Phete le a unau hna nih, War Crime Against nan ti kha, a hlawhtlin awk ahcun, CDF kha Ralkapbu puitling ah, sersiam hmasat a herh. CDF caah na chawva cu numhei nu btkin pek na zalh caah asi khawh men? CDF lawng mawtchiah hlah ngat uh! Hi hi tuak cikcek ding asi fawn. Na thazang (Energy) tampi in kan herh rih, Abikbik in a herhmi a tam tuk rih tinak asi.

Cabuai cung Raldoh (PEACE TALK) in kan ti ahcun Paucan Dothlennak le GZ Hriamtlaih Dothlennak hi, sullam ngeih loah asi khawh. GZ muko a vaivuan khawh. State ah Power ummi siloin Federal dang (Hnarcheu Federalism/ Quasifederalism) asi khawh. GZ chunmang (vision) a rawk cikcek khawh. Kawl Miphun lawng an dam lai i, Chin miphun (Tlangcung miphun) damnak asi ti lai lo. EAOs an dam lai tiah chimh a har ngai ngai.

EU bawmhnak cu Humanitarian ca lawng ah cohlan in Cabuai cung biaruahnak cohlanlo; PDF/ CDF nih MAH le SAC dohin Cihmih; EAOs zong sawm chih; CDF/ PDF cu Ralkap puitling ah sersiam; EU phaisa loin Fund Raising biatak tein tuah; cucun PDF/ CDF hriamtling zalh piak le an herh mi dang zong bawmhchan; cuticun 2008 Constitution rawk cikcek seh; Annasin (Ralkap + Civil) thih bak seh, State ah Authority aumbak mi Federal Ramkomh derh ve cang seh.

Federal Constitution le State Constitution draft i suai ve cang seh; timi Dothlennak lamthluan tuin, kal thluahmah usih law, zeitin? Kum 70 leng ramkhel ah kan dam lonak Cancer zong a dam cikcek hlan tiang, lam tanṭin ah i din loin, lungṭhulbloin, Kamlo Chuncha bang derh usihlaw, Zeitin?? Nan duh phun le nan ei khawh ci si hnga maw? Credit: Saya Rung Kaw