Inn zuartu 500 hlei ibawmh in National Association of Realtors (NAR) taza an cuai hna i, inn zuartu nih an tei hna. ZAR nih $418 million a liamh hna lai pinah, kum saupi rak hman cangmi, 6% commission rule zong hrawh a si lai tiah an thanh. phung hlun hi July 2024 khin a dih te laiĀ an ti.
6% commission rule cu, inn zuartu nih a inn zuarmi man chung in 6% bakte hi inn zuartu agent le inn cawtu agent a pekmi hna. A fawinak in chim ahcun, inn cawtu agent fee zong an pek piak chih hna.
July 2024 thawk cun, 6% commission rule hi a um ti lai lo. Agent pawl nih an rate tthate in an khiah cio cang lai. Inn cawtu lei nih agent an hlan ahcun, an hlanmi agent man kha anmah tein an ipek cang lai.
Realtor lei a ttuanmi pawl caahcun vanchiat thil ngai a si. US ram chung ahhin Realtor agent a ttuanmi hi 2 million renglo an si tiah an chim i, phung thar aa awt tik ahcun, 50% cu an zawr lai tiah tuak a si.
Inn zuartu caah thawngpang ttha a si. Inn cawtu ca belte ahcun anmah tein agent fee an liam lai caah thawngttha ttha tuk a si lem lo. Realtor agents a ttuanmi ca ahcun, sunghnak taktak a si.Crd:Zasang Cinzah
Relchap: Waingmaw Le Momauk Ramri Um SAC Ralkap Sakhan Pahnih KIA Nih An Laak. Kachin ramkulh, Waingmaw le Momauk peng ramri SAC ralkap sakhan pahnih cu KIA nih an laak, cu sakhan i kahdohnak ah cun SAC ralkap 6 an thi i a dang hliampu mi 15 an um, tiah KIA thawng laaknak hrampi nih an chim.
Nizan March 19 ah Waingmaw peng, Wulawhkaung tlang cung um Khah-Mah-Yah 387 sakhan le Point 6667 tlang cung um Khah-Mah-Yah 321 SAC ralkap sakhan cu KIA nih a ningpi in an laak i Nahpaw um sakhan le Ooka dum SAC ralkap sakhan zong pehzulh in an kah, tiah theih a si. A luancia March 7 in nihin March 20 tiang, ni 13 chung ah ah KIA nih SAC ralkap sakhan 35 hrawng an laak cang, tiah theih a si. The Chin Post