Indiana state Hoosiers area ah minung 75,000 sii an i chun kho cang

Covid-19 Virus hrik kham nak sii Vaccine cu Indiana state Hoosiers area ah minung 75,000 sii an i chun kho cang.
IU Health expert -Mithiam sang hna nih an zumh ningah cun Indiana aum mi tampi an i chun rih lai ti asi.
Cu caah hi Zawtnak sii an serchuah mi cu khoika hmun paoh ah nan rianttuan nak hmun company ti bantuk ah le sianginn ti bantuk nih an in offer- chunh dingin an in timhlamh piak asi ahcun el lo tein rak i chun colh uh. Fahnak le that lo nak zeihmanh aum lo. Hi sii -Vaccine chunh ruangah athi mi zong an um loh. Athi mi an um ti cu thawngpang dik lo asi.

“Keimah pumpak hrimhrim in minung 5,000 tluk sii inn ah keimah pumpak in kan chunh mi hna an si tiah. IU Health ah Director of Infection Prevention attuan mi Kristen Kelley nih achim”. Kelley nih achim chap mi cu COVID-19 vaccine -sii cu ruahchannak (sign of hope) asi tiah apeh chap. Mah bantuk thawngpang cu a dik lomi asi. Hi bantuk sii -Vaccine an ser chuah khawh ruangah Virus-zawtnak tha lo cu a tlau hlei lo i a dih dong hlei loh. Cu caah kan tthutdir nak hmun kip ah ralring tein um ko rih hna usih. U.S Covid-19 case thar 20.2M asi. Athi mi 348K an si. Ref; Chin Cable Network Channel

Relchap, Thantlang Mipi sin Nawlnak; Thantlang kan dinti meng 25 ahlaatnak hmunah ti pipe lung nih atlak ruangah ni (4)chung kan tuah nain minung thazang nih atuahkhawh lo caah Seh thazaang in tawlrel ahauh caah 25.12.2020 tiang Khuaiva dinti kan inpek khawh hna lo caah mipi nan sinah nawlnak kan vun tuah hi asi. 26.12.2020 ni in Sehthazaang in kan tawlrel lai caah aruahhlan ah mipi nan sinah dinti kan inpek khawh colh ko hna lai tiah Mipi nan sinah thawngthanhnak kan vun tuah.

Thantlang ah COVID-19 mizaw minung pahnih hmuh. Chin Ramkulh, Hakha Pengkomh, Thantlang khuapi ah Facility Quarantine in chiah mi minung pahnih hna sin in COVID-19 zawtnak 2021 January 2 zinglei sang ah hmuh an si tiah Thantlang sii-inn-uk sin in thawng kan theih. “Atu zawtnak hmuh mi hna hi Mandalay ah ngandamnak lei zohfel ah a kal mi an si. An rak kir le cangka in Thantlang ah Facility Quarantine in kan chiah mi hna an si,” tiah Thantlang sii-inn-uk nih The Hakha Post ah a chim.

Atu zawtnak hmuh mi hna hi an pahnih in kum upa veve an si cang tiah theih a si. Thantlang khuapi chung ah Home Quarantine in a ummi minung 18 le Facility Quarantine in a um mi minung 15 an si. COVID-19 zawtnak a chuah ka in Thantlang ah zawtnak hmuh mi hi atu in minung pali an si. The Hakha Post

Relchap ding thawngpang dang, AA NIH NLD MP-3 AN HRENMI AN CHUAH HNA. JAPAN ENVOY KAWA THAWNGIN REM NAK A CHUAK. NLD nih lawmhnak an chim. Arakan Army Chief Major General Thun Myat Niang le Myanmar Army Peace Committee Chief Lt. General Yapih hna nih 30 December, 2020 ah Online in Minutes-30 chung remnak an ceih hnu ah Rakhiang ram Taungkuk NLD MP-3 hna cu January 1,2021 ah khan Minpyia Khua pawng Minchuangtat ramri ah Army Helicopter in Western Army Commander Brigadeir Shoe Tint nih a va lak hna hnu ah Rakhiang CM U. Nyi Puh he Army Command Ann Hqr. Hall ah baihalnak an nei dih hnu ah Sittwe Khuapi ah an kalpi hna.

Hi NLD Taungkuk MP-3 Daw. Chit Chit Chaw, Daw. Ni Ni May Myint le U. Min Aung hna hi AA nih 14/Oct/2020 ah khan an tlaih hna. A tu hi Taungkuk in NLD MP asi liomi an si i, an mah an thlah dih tlawmpal ah AA nih cun, Ralkap an tlaihmi-3 hna zong Paletwah ramri ah Army Receipt group sinah an pek hna ti’ah AA hruaitu Spokesman Khiang Tukkhah nih a chim.

Hi AA, Ralkap le NLD Cozah an i remkhawhnak dingah Japan Nippon Foundation Chairman le Myanmar Peace Envoy Mr.Yohei Sasa Kawa nih Ralkap le AA bawi pawl Online in a chawnh hnu ah Lt. Gen.Yapih nih AA Chief Maj Gen. Thun Myat Niang sinah a nawl bantukin AA nih rem nak ca’ah kan chuahmi asi ti’ah Spokesman U. Khiang Tukkhah nih a chim i NLD CEC zong nih AA sinah lunglawmhnak an chim i, Myanmar ram 2021 remnak le daihnak ca’ah thawngtha asi ti’ah NLD Spokesman Dr. Myo Ngut nih ati.

AA hi NLD Cozah nih 23 March,2020 ah khan terrorist Armed Group ah an phuang i AA bawi zik a chawntu Myanmar 7day News Editor zong Cozah nih an rak tlaih cang. Nippon Foundation Chairman Yohei Sasa Kawa nih AA, Army le a Cozah karlakah remdaihnak a tuah hna. AA le Ralkap cu an i rem na’in UEC Chairman U. Hlah Thein le Councillor Daw.Aungsan Suukyi sinah Rakhiang, Shan le Kachin ramthen cheukhat ah Bye- Election tuah zok dingin a halmi belte UEC le NLD Cozah nih an duh loh ti’ah Mr.Sasa Kawa nih a chim.

AA le Army hi January,2021 ah hin, Rakhiang ram Khuapi Sittwe ah i tawnnak nei tha’n dawh an si. Kahdaihnak (Ceasefire) zong 31January,21 tiang an thial( extension)ti’ah thawng kan theih. Army Chief Sr. General Min Aung Hliang le NLD President Daw. Suukyi zong January zarhhnih nakah a thlithup in an i hmu tha’n lai ti’ah News Agency pawl sinin theih asi fawn. Credit: MC Biklian