I ralrin kan hau, phun hnih in ral kan do

I ralrin kan hau, phun hnih in ral kan do
========================
Cu tikah “Civil War” a si lo ding hi ralrin kan hau. Aruang cu ralkap caah lam pakhat lawng a um, cucu Civil War ser an i timh, mipi thinhun dingin mipi a kan kah a kan thah mi hi mipi an ai puang sehlaw, meithal i lak ve hna sehlaw timi tactic an kawl, cucu civil war a si ahcun international community le UN i thlak khawh a si ti lo, cu caah i ralrin kan hau cio hna, protect kan tuah tikah non-violence in kan tuah a hau, cu caah Kawlram chung i kan do mi hi a biapi tuk, mah hihi a pakhatnak ral kan doh mi, lamzawh duhlonak langhter in ral kan doh mi a si.

UN ah kawlram ai awhtu ding ral dohnak a chuak ve, UN palai Kyaw Moe Thun nih anaa ala than mi ralkap ai ka awh lo, Mipi nih thim NLD le CRPH ai ka awh a ti le cangka Ralkap nih kan chuah an ti, amah ai ah Tin Maung Naing kan thim an ti nain Tin Maung Naing nih chuahnak ca a chiah colh ve, cu tikah UN ah a um tuklo mi thil a si i, CRPH lei nih U Kyaw Moe Thun kha kan ai awhtu tiah UN ah ca an chiah than tikah Ralkap lei zong nih midang an thim than ve te lai, an thim than dingmi hi kawlram um mi a si ahcun US nih a ramchung luh a sianh men lai lo, cu tikah UN nih a ho dah Kawlram palai caah an cohlan lai timi raldohnak nih bia tampi a chim te lai, cu caah CRPH nih a ran khawh chungin kanmah hi Cozah kan si ko tiah interim government maw rang deuh te in a form khawh ahcun Ralkap hi mipi nih tei ding kha lamkau pi a awng lai.

UN cabuai i kawlram ai awhtu palai ral dohnak nih mipi kan in tuarnak ah UN hi kawlram kong.a dirhmun tampi a lang te lai, UN ah committee men men kha thutnak pek phung a si lo tikah CRPH nih Goverment pakhat khat an form zok zok a hau lai. Credit: Van Lian Thang