Hun Sen Nih Myanmar Buainak Kong Ah A Lung Rawk Tuk Nak Kong A Chim

Hun Sen Nih Myanmar Buainak Kong Ah A Lung Rawk Tuk Nak Kong A Chim
==========
Myanmar ram daihnak caah chim rel a si mi phisin nak pawl cu hlan lio bantuk in chin rel phisin a si ko a siah cun a tu Myanmar ram ah a cang mi buainak hi kum 10 chung a rau rih lai tiah Coambodia vuanci Hun Sen nih Phenom Pent thawngzamh website ah a chim.

February ni 16 ah tuah mi Kratie le Prey Veng  state ah a um mi hlei pa 7 hunnak an tuiah mi ah a tu bantuk in Hun Sen nih a chim. “Ram daihnak ser timi cu zingkaa ah hmuh in zaan lei ah a phi chuah timi bantuk a si lo” tiah a chim.

Myanmar ram buainak kong ah a thinlung a zawr nak kong, a tu ah hlan bantuk in kawl ram daih nak aa hlei lo a si ah cun Myanmar ram buainak phisin dingah a tu hnu kum 5-10 tiang caan lak rih a hauh nak kong zong a chim.

Vuanci Hun Sen nih “Kei hi ASEAN president hruaitu aiawh in si loin Cambodia aiawh in a tu bantuk in ka chim nak hi a si “tiah a chim chap. Hun Sen nih” Kan mah lei nih phisin nak kan kawl mi hi kan ngol lai lo.

Ni ni khat ah mah buaink cu zeitin in dah a sinpit dingin kan phisin khawh lai timi hi nan theih te lai” ti zong in a chim.

Kawlram buinak kong ah alung a rawk tuk nak kong le a tu ban tuk in Myanmar buainak phisin nak hi hlan bantuk in a si peng ko a si ah cun ruahnak dang in phisin nak ngeih ding in a chim chap.

SAC ralhrang nih kai khawhnak nawl a ngeih lomi Ministry of Foreign Affairs pawl tonnak an thok. SAC ralhrang nih kai khawhnak nawl a ngeih lomi ASEAN Ministry of Foreign Affairs (ASEAN ramleng minister pawl) tonnak cu Cambodia ram, Phnom Penh khua ah February 17, 2022 zinglei in an thok cang. Cu tonnak ahcun, Cambodia, Indonesia, Laos, Singapore, Malaysia, Vietnam le Brunei ram in Palai pawl hna an i tel kho i Thai le Philippine in Palai hna nih online in an telpi ve hna tiah theih a si.

Cu tonbiaruahnak cu nihnih chung a rau lai i Kawlram kong hmaithlak in an ceih ṭhan lai tiah Cambodia ramchung thawngzamh nih an ṭial. SAC phu nih ASEAN ram nih kan hnu kum ah hnathlaknak an ngeihmi zung ding (5) kha a zulh khawh lo caah a level thumh in non-political representative (cozah ai-awh lo mi) lawng Kawlram cu ASEAN meeting ah kai ding in ASEAN Ministry of Foreign Affairs an sawm.

Tu bantukin level ṭhumh sawmnak cu SAC nih a cohlang lo i non- politic representative a si lomi cu ka thlah hna lai lo tiah a thanh. Atu bantuk i tonnak hi a luanciami January thla ah tuah ding a si nain SAC phu sawm le sawm lonak kong he pehtlai in chungtel ram karlak ah i theihthiam lonak tete a um caah tuah khawh a rak si lo.

KA THLACAM A TLUANG LO NAIN; Tuzing deihlan thla ka cam cu zing dang bantukin ka tluang lo i ka hul ngai i ka diriam lo ngai! Nai hrawng cu, zingfa tein, dotkhatnak ah, Chin Miphun le Chinram vawlei le kan thilri hna caah sualphuannak le nawlnak ka tuah. Dothnihnak ah, Tlangcung miphun hna le kawl miphun hna le Myanmar ram vawlei le thilri hna ca sualphuannak le nawlnak ka tuah.

A dotthumnak ah, vawleicung minung hna le vawlei pumpi ca le vawlei thilri hna caah sualphuannak le nawlnak ka tuah tawn. JESUH KHRIH Thisen i putin, Tlangbawi ngan bantukin, Vel a umnak Hmunthiang Bik chungah ka va lut i VELNGEI, CUNGNUNGBIK THIANGBIK LE DINGBIK BAWIPA PATHIAN sinah, phungning tein, a dotdot tete in sualphuannak le nawlnak ka tuah tawn.

Cun, Ralpi a thawh rihnak hnga lo le Rai hi tuanah a țian i mangțaam faak a um rihnak hnga lo ka nawl lengmang. Zeicahtiah, thlarau khamhnak a hmu kho hnga dingmi, a hmu rih lomi an tampi rih. Pakhat tlau zong a siang hna lo ti ka hngalh caah, cu hna caah THIANG THLARAU ka hal i vawlei ahhin, PATHIAN Vel le THIANG THLARAU toihnak, THIANG THLARAU țhanghnak cu, Atom bomb le Nuclear bomb bantuk hmual ngeiin a umnak hnga le Velngeihnak caan pehsauh piak rih dingin ka nawl lengmang.

Tuzing cu voidang bantuk in ka diriam lo, ka hul ngai in ka theih. Asinain, kaa lunghmuih i ka tha nuam ngai ko. Ka ruahmi cu, BAWIPA nih zingfa te i ka/kan nawlnak hi a kan cohlan pah cang caah a si ko lai tiah ka ruah. Nihin kan thawngpang cu, Ralpi thawh khawhnak a simi, Russia le Ukraine kongah thawngțha lei deuh in a hung um!

Mipi a kan ei cuahmahtu khuachia langta pakhat cu a tla diam fawn! BAWIPA nih a rak kan hmuhter chung cang bantukin, detkhawt thluahmah a si lai i a a zawr iahmah lai i a dong ko lai. Cuticun khamhnak a hmu kho hnga dingmi tampi hna nih, khamhnak an hmuh khawhnak hnga lo kham aa zuammi khuachia pi cu a sung ruangmang ko lai i a minung hna zong an sung lai.

Myanmar mipi tampi lakah khamhnak a hmu kho hnga dingmi tampi an um caah, kan leiah BAWIPA PATHIAN hi a țang ko. Hi dohnak hi uknak i cuh ruang men i a hung chuak sualmi dohnak a si lo. PATHIAN le khuachia nih minung thlarau i cuhnak thlarau lei i dohnak kha minung ah a hung langmi tu a si.

Cucaah, hi i dohnak hi BAWIPA i, BAWIPA raldohnak cu a si. Teinak petu zong BAWIPA a si ko lai. Ral i teinak le uknak i lakpiak khawh menin a dih lai lo! Khamhnak a hmu hnga dingmi hna caah, BAWIPA PATHIAN Vel Sang Bik nih a zulh te lai i, tlangcung miphun hna le kawl miphun tampi hna kha, Khamh hmuhnak zumhnak pek an si te hna lai i THLARAU nih a thlen ve te hna lai!

VELNGEI, BAWIPA PATHIAN nihcun, “Ni hmanung bik ahcun mi vialte ka THLARAU ka toih hna lai,” a ti (Joel 2:28, Lam 2:17-19). BAWIPA JESUH nih, “THIANG THLARAU hal u,” a kan ti (Luka 11:13). Thlacam zungzal u a kan ti (1Thes 5:17).
Chin Miphun cungah le Chinram ah le Myanmar rammi vialte cungah siseh, vawlei mi vialte cungah siseh, THIANG THLARAU cu rikhiah ngei loin toih si ko seh. BAWIPA PATHIAN Velngeihnak THLARAU cu, khamhnak a hmu kho hnga ding mi vialte cungah le a zumtu dihlak cungah Thlipi bantukin phan ko seh. Amen. KHRIH sal, Tluang Lian (Martar)